LEVI DÂN 9:23 - PATHIAN LEKHABU IRTHIANG C.L. Bible (BSI)

²³ Mosia le Arona kha irtongna puan ina khan an lûta, an hong suakin chu mipui hrangin satvurna kha an hrila. Rengpa roiinpuina vâr kha mi murdi chunga a hong irlang ta.

LEVI DÂN 9:23 ပူးပေါင်းရင်းမြစ်များ

LEVI DÂN 9:6

Mosia khan an kuang, “Hi hi tho hrangin Rengpa khan thu nangni a ipêk a ni. Rengpa roiinpuina vâr kha a zuang inlang hrang a ni,” a tia.

NAMBAR 16:19

Khanchu Kora khan mipuihai kha bûmin irtongna Biakbuk kotbâia Mosia le Arona chu an sêltirhai tâka. Khanchu mipuihai chunga khan Rengpa roiinpuina chu a zuan lang tâka.

NAMBAR 16:42

Khanchu Mosia le Arona chunga mipui an chiara an irbuk lai khan, irtongna Biakbuk tiang an irheia; irningloiin sûmin a zuang irkhûhaia, Rengpa roiinpuina chu an hmu tâka.

NAMBAR 14:10

Khannisian mipuihaiin lunga dêng an tumhaia, khannisian irningloiin Rengpa roiinpuina chu irtongna Biakbuka khan Israel irchihai makunga a zuang inlanga.

FESUAKNA 39:43

Israel nâihai khan itinrêng eninfelin Rengpa thupêk lamtak a ni iti a hmua, khanchu Mosia’n anni kha sat a vurhai tâka.

2 THURCHI SUINA 7:1

Reng Solomona a chongchai zoiin chu irvân ata mei a zuang tâka, thilinhlanhai chu a kâng irvôm tâka; tempil sûng chu Rengpa roiinpuina’n a sip tâka.

FESUAKNA 16:10

Arona’n Israel mipuihai laia thu an sîr lai takin ramchâr tiang an irnghata; Rengpa vâr irkhêl kha sûm laia a zuang inlanga.

LEVI DÂN 9:4

Sehrâtchal le belrachal, irpôlkhômhai hrangin hong chôi sianlân, bu le bâl thilinhlan sahriak leh irpol Rengpa kuang hong inhlan sa ri se. A vuan hin kei, Rengpa hi, nin makunga ki hong inlang hrang a ni,” a tia.