LEVI DÂN 6:4 - PATHIAN LEKHABU IRTHIANG C.L. Bible (BSI)

^4-5 hiang thilsual, a i ang khom hi tho sianlân, a inrûkhai a ihuanghai, a ihlep inkhîr nuam loihai, thil irhmang hrûthai, milak khomâk a isâmkhum thilhai chu, a rêngin a ithuan zit hrang a ni; khabana hmun ringa ata hmun khat a ipêk belsa hrang a ni; thilsual a tho ti hmusuak nia a neitu kuang a ipêk hrang a ni.

LEVI DÂN 6:4 ပူးပေါင်းရင်းမြစ်များ

IRPHUTNA 21:25

Khan Abimeleka siahlohaiin tuisunsua an suthai sikin Abrahama’n Abimeleka kha a’rchua.

NEHEMIA 5:11

A vuan sûn ngêt hin nin loihai, grep irhuan, oliv irhuan, an in le sum, an bu le uain, sahriak hmun irzakhat sûnga hmunkhat nin ilâk ngai khom kha pe nôk ving ta roi,” ki tia.

JOBA 20:19

inrianghai kha opbe’n a’rheisanhaia, mi in sin sai kha ar chûpuihaia.

JOBA 24:2

Mi senkhatin ramria lungphun sonpai ngai an oma, Mi sâhai an sutpaihaia, an ivâi ngai a ni.

ISAIA 59:6

An râng phan chu sil thei ni ngai maka, lumna khom ite nei thei mah. An sintho chu sualna vai a ni. An kuthaiin sual sin an thoa;

EZEKIELA 18:12

inriang le mi irsamna neihai deng an theihaia, a huanghaia, mi’n neinun bândaa an isia khom pe kîr loiin, millim biakin, thil porinchehai a thoa,

EZEKIELA 18:18

Khannisian, a pa khan chu mihai a huanga, deng an theihaia, mi tin chunga sinsiat a tho mai ngaia, khasikin, kha pa kha chu a sin sualnahai sikin a ithi ngêt hrang a ni.

EZEKIELA 18:7

tûte chunga thilsual tho loia, thil pûktu’n a neinun bândaa a isia khom pe kîr nôkin, phîngchâmhai kuang fâk hrang pêkin, puan sil diarkai boihai chu silkai pehaia,

EZEKIELA 33:15

entîrna hrangin, lakâi lâkna hranga bândaa thil a ilâkhai kha inkhîr nôkin, neinun a inrûkhai kha pêkkîr nôkin, a thil sual thohai chu mongin, hringna hmuna dânhai a zômin chu, ama chu thi no nia, hringin om mai a ti.

EZEKIELA 44:19

Khanchu mipuihai omna tualzôl pêninta uala khan an fe mânin, biakbuka an sinthôna silkai kha khekpai an ta, tentan irthianga khan an imâksan hrang a ni. Silkai danghai leh irvo an ta, an silkai irthianghai leh khan mipuihai dengtheina an intungtir loina hrangin.

LEVI DÂN 24:18

Mi dang sa that petu chu a ithuan hrang a ni, hringna irthûla hringna.

LEVI DÂN 24:21

Mi sa inrûka thattu chu thuan a ta, mihriam thattu chu that sa hrang a ni.

LEVI DÂN 4:12

riakhmun dâi pên tiang hmun ser, maichâm irvut pai khômnaa, meipuia inchepin a ihâlirvôm hrang a ni.

AMOSA 3:10

Opbena le nakhrâta an irchipuihai kha an rêng inhaia an siakhôma, dik taka tho tum viat mahai, Rengpa thu suak khan a ti.

MIKA 2:2

Mi dang loihai an irzuka, an lâkpai pehaia; inhai an irzuka an lâk tâka; mi le an in sûng mihai, mi le an irchonhai dênin an ihnuaisia a ni.

ZEFANIA 1:9

Khan kha nikhuaa khan chu pathian dikloi chubai mûktuhai murdi le an hruaituhai, irhnuaisia irhlômtuhai le huangnaa siptuhai kha hrem ki ti.

MALAKIA 1:13

Khan, irngai u ta, ningirhal a om bâka! nin ti saa, nin hnâr nin không khuma, Sipaihai Rengpa’n a ti; irbôlna hrangin mi thil nin ilâk hai, a ke’nbâi hai, sirirdulhai nin hong laka; khaangin thilinhlan kha nin hong lâka: khahai kha nin kut ata ki ipom hrang ma ni? Rengpa’n a ti.

NAMBAR 5:7

A tho’nsualna sikin thupha chôi a ta, a tho’nsualna man chu irkip takin tuam a ti; hmun ringa senin hmun khat, a tho insualnapa kha pe sa a ti.