LEVI DÂN 6:27 - PATHIAN LEKHABU IRTHIANG C.L. Bible (BSI)

²⁷ Hi hme hi a tôn murdi chu an innim zôi zel a ni. Sil le kai khom a thisenin an thekin chu hmun irthianga a irsûk hrang a ni.

LEVI DÂN 6:27 ပူးပေါင်းရင်းမြစ်များ

FESUAKNA 29:37

Khaang khan sûn sari sûng chu, a sûn tin tho ngaiin lân, khanchu maichâm kha hor thiang ving a ta; mihriam mo, a dang khomin a tôn murdi a’rthiangna irtha khan a ipol ving hrang a ni.

FESUAKNA 30:29

Hi thilhai hi fel takin serindangin lân, hong irthiang khak an ta, mihriam mo, i dang khom a hong tônpu dôr chu a’rthiangna irtha khan a innatirhai hrang a ni.

EZEKIELA 44:19

Khanchu mipuihai omna tualzôl pêninta uala khan an fe mânin, biakbuka an sinthôna silkai kha khekpai an ta, tentan irthianga khan an imâksan hrang a ni. Silkai danghai leh irvo an ta, an silkai irthianghai leh khan mipuihai dengtheina an intungtir loina hrangin.

LEVI DÂN 11:32

Khan, a thiin chu thing mani, puandiar mani, savun mani, hmarsa mani, thil sianaa hmang tâka khom a delin chu porinche a ti, irthiang nôk zôi zel a ti.

LEVI DÂN 6:18

Arona irchi pasalhai ka kaiin fa thei an ti. Rengpa kuang fâk hrang inhlan kumkhuaa an dongtum hranga inkung a ni. Mi dang tukhomin fâk hrang thilinhlan chu an tônin chu an irthiang loi zôi zel a ni,” a tia.

LEVI DÂN 7:19

A hme thil porinche a kopin chu fa hrang ni ma, hâlirvôm hrang a ni. Mi porinche loiin chu a hme kha fa thei an ti.

HAGAIA 2:12

Tu’n mani a songkol irfual hmora sa irthiang infûn sianlân, a songkol irfual hmora khan bai mani, thil but inhmin mani, uain mani, hriak mani, fâk hrang rêng rêng mani lei khoi ta sianlân, irthiang ni mo?” tiin. Ochaihai khan, “Irthiang no ni,” tiin sâm an ti.

MATHAIA 14:36

Damloihai khan a puan hmor vai lua tôn hrangin an ngêna; a tôn murdi chu an dam thiaia.

MATHAIA 9:21

A lungrîlin, “A puan hmor lua tônin lân dam zel ki ti,” atia.

2 KORINTH 7:1

Ki rual lungthunghai, kha chonginkunghai murdi kha eini hrang a ni. Khasika khan, takpum le irtha porinche thei thil ata irkiang ei ta, Pathian mahrip tho pumin irthiangna irkiptir ei ti.

2 KORINTH 7:11

En u ta, nin lungdûknaa Pathian sintho hi, sathnem irngaina nangni an neizia hai, nin irthiangzia fia nin nuam dân hai, ninginthikna hai, irningna hai, ngaituana hai, irpêkna hai, tho’nsualna hai dengintheina hai hranga nin irsiam dân hai kha! kha thu rêng rênga khan nangni chu sêlna om mak chêi ti nin inlang a ni.