LEVI DÂN 6:10 - PATHIAN LEKHABU IRTHIANG C.L. Bible (BSI)

¹⁰ A tûka chu ochai khan a puanchek irphân songkol le tuman hnuai innghâkin lungthua thil rô irvâmhai kha hrût a ta, maichâm sîra khan a isia hrang a ni.

LEVI DÂN 6:10 ပူးပေါင်းရင်းမြစ်များ

INPÂKNA HLAHAI 20:3

Ni thil inhlan murdi kha inhre mai sianlân, Ni hâlirvôm thilinhlan kha lôm ri se;

INPÂKNA HLAHAI 37:20

Mi siahai chu irhmang an ta, Rengpa doituhai khom hloisûl pâr chuai ang ni an ti.

EZEKIELA 44:19

Khanchu mipuihai omna tualzôl pêninta uala khan an fe mânin, biakbuka an sinthôna silkai kha khekpai an ta, tentan irthianga khan an imâksan hrang a ni. Silkai danghai leh irvo an ta, an silkai irthianghai leh khan mipuihai dengtheina an intungtir loina hrangin.

LEVI DÂN 1:13

A phîng sûng le a kehai rêk chu a irsûkinfâi bak hrang a ni; a rêng khan ochaiin a ihâlirvôm zit hrang a ni, hâlirvôm thilinhlan a nia, Rengpa nuamlam a ni.

LEVI DÂN 1:9

A phîng sûng le a kehai kha irsûkinfâi hrang a nia, an hlantu ochai khan maichâma a rêngin a ihâlirvôm hrang a ni. Hi hi hâlirvôm thilinhlan tho lam dân hrang a ni; kha kha Rengpa nuamlam tak a ni.

LEVI DÂN 16:4

Tui irsil bak a ta, sil le kai irthiang a irbel hrang a ni; puan irnêm songkol hai, tumante kai a ta, puan irnêm kongkhitin khit a ta, puan irnêm diarin a ikai sa hrang a ni.

LEVI DÂN 2:11

Bu le bâl thilinhlan, Rengpa kuanga inhlan rêng rêng chu chol kop siam hrang ni maka; chol le khuaihlutui kop rêng rêng Rengpa kuanga hâlirvôm hrangin inhlan hrang ni ma.

LEVI DÂN 21:22

Khaang mi chu Pathian hranga thilinhlan irthiang le ochai dongtum thil irthiang kha fa thei a ti.

LEVI DÂN 4:12

riakhmun dâi pên tiang hmun ser, maichâm irvut pai khômnaa, meipuia inchepin a ihâlirvôm hrang a ni.

LEVI DÂN 6:11

A puandiar chu thûl a ta, riakhmun dâi pên tiang hmun sera irvut kha a ipai hrang a ni.

LEVI DÂN 6:18

Arona irchi pasalhai ka kaiin fa thei an ti. Rengpa kuang fâk hrang inhlan kumkhuaa an dongtum hranga inkung a ni. Mi dang tukhomin fâk hrang thilinhlan chu an tônin chu an irthiang loi zôi zel a ni,” a tia.

LEVI DÂN 6:22

Arona irchi, a âiôtu hranga sahriak pol, ochai inlaltak khan hi thilinhlan hi a inhlan hen hrang a ni; hi hi kumkhuaa tho hrang a ni, Rengpa hrangin hâlirvôm zit hrang a ni.

LEVI DÂN 8:2

“Arona le a nâihai kha irtongna puan in lûtnaa honghai sianlân, ochai tukfam pol hrang sahriak hai, sual irbôlna hrang sehrâtchal tuai hai, belrachal inhni le chol kop loi bai, kokin hong chôi ri se.

NAMBAR 16:21

“Hi mipuihai lai ata hi a bingin om roi; inrang takin zuang thathai hrang ki ni,” a tia.

NAMBAR 16:35

Khanchu Rengpa kuang ata mei a zuang suaka, mirimhoi inhlantu irzahni sômringahai chu a kâng thathai tâka.

THUPHUANG 19:14

Irvâna sipaihai khan puan irnêm chekhlang le fâi tak sila, sakor ngoihai chunga chuangin an zuia.

THUPHUANG 19:8

Puan irnêm, fâitak le irtêk tak a sil hrangin pêk a ni,” a iti kin hriat. (Puan irnêm kha Pathian mihai sintho sa a ni.)

THUPHUANG 7:13

Khan, upahai laia inkhatin ki kuang, “Hi puan chek silhai hi tuhai man ni, kho rengata hong mo an ini?” tiin a nir dona.