LEVI DÂN 5:7 - PATHIAN LEKHABU IRTHIANG C.L. Bible (BSI)

⁷ Belra mani kêl mani a nei no’n chu a sual mana pêkin Rengpa kuang vasu inhni mani phervali inhni mani a hong inhlan hrang a ni. Inkhat chu sual irbôlna thilinhlan ni a ta, inkhat chu hâlirvôm thilinhlan hrangin ni a ti.

LEVI DÂN 5:7 ပူးပေါင်းရင်းမြစ်များ

LEVI DÂN 12:8

“Nupang khan belrate a nei no’n chu vasu bop khat mani phervali bop khat mani a hong inhlan hrang a ni; inkhat chu hâlirvôm thilinhlan ni a ta, inkhat chu sual irbôlna thilinhlan ni a ti. Ochai khan a porinche thârna kha inhlan pe a ta, hong irthiang ta a ti,” a tia.

MATHAIA 10:16

“Irngai u ta! Inê kâra belra lût angin nangni ki itîr a ni. Mirûl anga vârin, vasu anga nunirnêmin om roi.

2 KORINTH 8:12

Pe hrangin nin irzukin chu, nin inei loi chunga ni loiin, nin inei chunga nin thilpêk kha Pathianin inham a ti.

MATHAIA 3:16

Jisua kha baptisma a chang zoiin chu tui ata kha a suak zôi zela; a ta hrangin irvân ar honga, Pathian Irtha kha vasu anga suakin a chunga chuang a hmua.

LEVI DÂN 14:31

sual irbôlna hrangin, bu le bâl thilinhlan leh inhlan a ta, khaang khan thâr irthiang a ti.

LUKA 2:24

Khan, Rengpa Dân angin vasu inhni mani, phervali mani, irbôlna’n an inhlan hrang a ni.

LEVI DÂN 16:5

Israel pungkhôm khan sual irbôlna thilinhlan hrang kêlchal inhni le hâlirvôm thilinhlan hrang belrachal inkhat an ipêk hrang a ni.

LEVI DÂN 15:30

ochai khan inkhat kha sual irbôlna thilinhlana, inkhat kha hâlirvôm thilinhlana inhlan pe a ta, Rengpa makunga irthâr irthiangna kha tho pe a ti.

LEVI DÂN 9:3

Israel mihai khan sual irbôlna thilinhlana kêlchal hong chôihai sianlân; sehrâtte le belrate, kum khat vêl ang, hmêlveiloi hâlirvôm hrangin hong chôi sa ri sehai.

LEVI DÂN 5:11

Vasu inhni mani phervali inhni mani khom a nei no’n chu sual irbôlna thilinhlan baidi sa zât her khat a hong inhlan hrang a ni. Oliv hriak mani bero mani a hong ipol sa hrang ni ma; hâlirvôm thilinhlan ni maka, sual irbôlna thilinhlan a ni.

MATHAIA 21:12

Jisua kha Tempila a va lûta, kha khan thil zuartuhai le irchôkpuhai kha an hnot suakhai zita. Sum thûltuhai maichâm le phervali zuartuhai toihmunhai khom a nam inrîl pehaia,

LEVI DÂN 7:1

Hi hi tho’nsualna man thilinhlan tho lam hrang chu a ni.

LEVI DÂN 12:6

Pasal mani nupang mani irthâr infâi zoro a chuk zoia irtongna puan in lûtnaa kum khat vêla belrate hâlirvôm thilinhlana hrang hong chôi a ta, sual irbôlna hrangin phervali mani, vasu mani ochai kuang a hong ichôi sa hrang a ni.

LEVI DÂN 14:30

Kha zoia chu vasu mani, phervali mani inkhat chu,

NAMBAR 5:6

“Israel irchihai kuang hiang hin hril ro, pasalin mani, nupangin mani, Rengpa chunga iamomna nei loiin, mi chunga tho’nsualna a neiin chu, kha mi kha theiloi chang hrang a ni.

NAMBAR 6:10

Khanchu sûn riat a hong ni tena chu, vasute inhni mani, phervali inhni mani chôi a ta, irtongna Biakbuk kotbâia khan ochai kuang hong chôi a ti.

NAMBAR 6:11

Ochai khan mithi sika ama thâr irthiangna hrangin inkhat kha sual irbôlna’n inhlan a ta, inkhat dang kha pum hâlirvôm thilinhlana khan inhlan a ti; kha ni khan chu a sam kha a irthiangtir nôk nih a ti.

LEVI DÂN 27:8

A pêktu chu a sân an riang sikin a’rtansuakna man tuk dôr khi a pêk thei no’n chu pe hranga a inkung mihriam kha ochai kuang hong hruai a ta, ochai khan bituk nêka tôm ual, a pêk thei hrang dôr irhoi, lei tuk pe a ti.