LEVI DÂN 5:6 - PATHIAN LEKHABU IRTHIANG C.L. Bible (BSI)

⁶ a thilsual tho hremna hrangin Rengpa kuang belra mani kêl mani, a pui, a hong inhlan hrang a ni. Ochai chu kha mi sual irbôlna kha a inhlan pe hrang a ni.

LEVI DÂN 5:6 ပူးပေါင်းရင်းမြစ်များ

EZEKIELA 40:39

Hi tentan liana hin dokâng minli hi a oma, a sîr tianghai khan inhni hniin an siaa, hitaka dokânghai hin pum hâlirvôm thilinhlana hmang hranghai, sâhai, sual irbôlna thilinhlana hmang hrang, sahai, ngaidam irzongna thilinhlana hmang hrang sahai, an thatna ngaia.

EZEKIELA 42:13

Khanchu mihriam khan ki kuang, “Hi in inhnihai hi in irthiang a ni, khahai sûnga khan Rengpa nâitu ochaiin thilinhlan irthiang takhai chu an fâk ngaia, a tentanhai kha a’rthiang sikin, ochaihai khomin khataka khan thilinhlan irthiang takhai chu an sia ngai, bu thil inhlanhai, sual irbôlnahai, sual ngaidamnahai chu.

EZEKIELA 44:27

Khanchu biakbuk tualzôl sûnginta uala khan lût a ta, ar thâr irthiangna hrangin thil inhlan a ti. Biakbuka sin a tho nôk theina hrangin, kei Rengpa Pathian hin ki iti a ni.

LEVI DÂN 4:20

Sual irbôlna sehrâttuai a isinsiam ang khan a itho zit hrang a ni, mipui sual irbôlna kha a inhlan hrang a ni; khanchu, an sual kha ngaidam ni ta a ti.

LEVI DÂN 4:28

a thilsual tho a’rhriatsuak zoi le kêlpui hmêlveiloi, a sual irbôlna hrangin a hong inhlan hrang a ni.

LEVI DÂN 4:31

A thâi murdi chu irpôlkhômhai thilinhlana itho ang taka khan maichâma a ihâlirvôm hrang a ni; kha kha Rengpa nuamlam tak a ni. Khaang khan thilsual thotu sual irbôlna chu inhlan a ta, ngaidam ni ta a ti.

LEVI DÂN 4:32

Sual irbôlna hrangin belra a hong chôiin chu, a pui, hmêlveiirla loi a ini ngêt hrang a ni.

LEVI DÂN 4:35

Irpôlkhômhai thilinhlan belra ang khan a thâi murdi kha la a ta, Rengpa hranga bu le bâl thilinhlan leh khan a ihâlirvôm hrang a ni. Khaang khan sual irbôlna kha ochai khan inhlan pe a ta, a sual chu ngaidam ni tah a ti.

LEVI DÂN 6:6

Tho’nsual man Rengpa kuang inhlan hrangin ochai kuang belra mani kêl mani, a chal, hmêlveiloi a hong ikai hrang a ni; ama’n chu hmun irthianga hmang lai sum insâpa sût hrang a ni.

NAMBAR 6:12

Matona a lei inhlan kha, a sam a porinche tâk sikin pom ni ta no ni. A thar vangin Rengpa kuang Nazarit mi ni theina hrangin a inhlan nôk hrang a ni. Tho’nsualna irbôl hrangin kêlbelrate kum khata mi thilinhlana hrangin chôi sa a ti.