LEVI DÂN 5:16 - PATHIAN LEKHABU IRTHIANG C.L. Bible (BSI)

¹⁶ A ipêk loi zât irphu chu pe a ta, khabana hmun ringaa hmunkhat a ipêk bel hrang a ni. Ochai kuang pêk a ta, belrate kha ama’n tho’nsualna man thilinhlana lei inhlan pe a ta, ngaidam ni a ti.

LEVI DÂN 5:16 ပူးပေါင်းရင်းမြစ်များ

INPÂKNA HLAHAI 69:4

Chanlamboia ni hnôlhai lak hi ki samzâi nêkin an tama; Dikloi taka ni doia nir hmangtir tumhai chu, mi hrât tak an ni. Ki ilâk loi khom an nin tuamtira.

FESUAKNA 22:1

“Mi’n sehrâtchal mani, kêlbelra mani inrûka that a ni no le, zuar sian, sehrâtchal inkhat irthûlin a bâk ringa tuam a ta, kêlbelra inkhat irthûlin minli a ipêk ngêt hrang a ni.

LEVI DÂN 22:14

Ochai irchi ni loiin ochai dongtum thil irthiang kha lei fa pal sianlân, a ithuan zit hrang a ni, hmun ringaa hmunkhat a ipêk bel hrang a ni.

LEVI DÂN 27:13

A pêktu khan irtan a nuamin chu a man bituk dôr le, kha hmun ringaa hmun khat bêlin irtan thei a ti.

LEVI DÂN 27:15

A in kha irtan a nuamin chu a man inrît dôr kha pe a ta, hmun ringaa hmun khat a ipêk belsa hrang a ni.

LEVI DÂN 27:27

Sa fâk irthiangloi ata masatak rêk chu a man inrît dôr le hmun ringaa hmun khat belin irtan thei a ni; a pêktu’n a’rtan nuam no’n chu mi dang kuang a man inrît ang khan zuar hrang a ni.

LEVI DÂN 27:31

Mi’n kha kha a’rtan nuamin chu a man pangai bana hmun ringaa hmun khat pêk belin irtan thei a ti.

LEVI DÂN 4:20

Sual irbôlna sehrâttuai a isinsiam ang khan a itho zit hrang a ni, mipui sual irbôlna kha a inhlan hrang a ni; khanchu, an sual kha ngaidam ni ta a ti.

LEVI DÂN 4:26

A thâi murdi chu irpôlkhôm thilinhlan, a itho angin maichâma khan a ihâl irvôm hrang a ni; khaang kha roirêltu sual irbôlna ochaiin a inhlan hrang dân chu a ni; khanchu, a sual chu ngaidam ni a ti.

LEVI DÂN 5:10

Khaang ochai khan mi thilsual tho irbôlna kha inhlan a ta, ngaidam ni ta a ti.

LEVI DÂN 5:13

Khaang khan thilsual thôtu hrangin ochai khan lei inhlan pe a ta ngaidam ni a ti. Bu le bâl thilinhlan ang dênin a ihâl ban baidi chu ochai dongtum hrang a ni.

LEVI DÂN 5:6

a thilsual tho hremna hrangin Rengpa kuang belra mani kêl mani, a pui, a hong inhlan hrang a ni. Ochai chu kha mi sual irbôlna kha a inhlan pe hrang a ni.

LEVI DÂN 7:2

Hâlirvôm thilinhlan, sa thatna hmuna sa chu that hrang a ni, a thisen chu maichâma inthek hrang a ni.

NAMBAR 5:7

A tho’nsualna sikin thupha chôi a ta, a tho’nsualna man chu irkip takin tuam a ti; hmun ringa senin hmun khat, a tho insualnapa kha pe sa a ti.

NAMBAR 5:8

Khannisian kha mi kha a lei thia, tho’nsualna man bêna hrangin sûngsuak irnaipui a nei noa ni’n chu, Rengpa kuang inhlan a ta, ochaihai dongtum ni a ti. Hi tho’nsualna man hi thâr irthiangtirna hrangin kêlbelrachal a la ichôi sa hrang a ni.

LUKA 19:8

Zakai kha a ngîra, Rengpa kuang khan, “Irngai ta, Rengpa, ki sum chimrip mi’nrianghai pe ki ta; tu chunga khom dikloi taka ki lei ilâkpai pe a omin chu a bâk minli’n tuam nôk ki ti,” a tia.

TÎRTÔNHAI SINTHO 26:20

Khanchu, Damaska mihai kuanga insîr irphutin Jerusalema mihai kuang, Judai rama mi murdihai le Jentailhai kuang khom an sualna ata irleta Pathian tiang an irheia, an irlet tak tak a nih ti an langna hranga, sin an thôna hrangin thu ki ihril ngai a ni.

1 SAMUELA 6:3

Anni’n, “Israelhai Pathian Thuthung Bôm hi nin thak kîr khoma, a korongin infetir no roi, a kuang siat irbôlna thilinhlan thon sa roi, khan kêng damin nin iom hrang, khanchu itho mo a kuttum nin ituang ti inhre suak nin ti,” an tia.