Israel nam pumpui inhrilhai unglân, hi tha sûn sôm ni sûn tak hin mi tin an nam omdân dungzuiin kêlbelrate inkhat lahai sianlân, in sûngkua khatin kêlbelrate inkhat la chit ri sehai.
An soisaka, irngaiintôm takin a tuang maia, thuanhai loiin. Belra that hrang an kai lai khomin irchok loia a mul ep hrang khoma ite a hmûr phong viat mah.
Thilinhlan chu hâlirvôm thilinhlan hrang a ni’n chu sa laia a chal, hmêlveiloi ni a ta, Rengpa lei pom hrangin irtongna puan in mikota an hlantu khan a hong ichôi hrang a ni.
a thilsual tho hremna hrangin Rengpa kuang belra mani kêl mani, a pui, a hong inhlan hrang a ni. Ochai chu kha mi sual irbôlna kha a inhlan pe hrang a ni.
Vântîrtôn khan a sâma, “Irtha Irthiang kha ni chunga zuang om a ta, Anchungtaka sinthotheina khan nang irhli khu a ti; khasikin nâi zuang suak hrang chu mi irthiang, Pathian Nâipa tih an ti.
Koiindang roiinpui tak, chuai loi, innimna koploi le khaang thil porinche koploi, irthiang le chukloina dang rêng rêng om loi, ama ta hranga inding hrangin a irpêk a ni.
Khaang khan, Jisua Ochai Inlaltak mi’rthiang, demnaboi, sualna neiloi, mi sualhai laia irthoka a binga om, irvânhai nêka inchung uala siam tâk chu ei ta hrangin a iruk bak a ni.
Krista thisen len vângin te a ithei ual ok hrang kêng! kumtuang Irtha hruaina’n Pathian kuang ama irbôlna famirkip ar hlan tâk sikin, Pathian hring sin ei tho theina hrangin a thisenin thina ten intung sintho ngaihaia irthokin ei sia le sa inhriatna irthiang a ti.
Krista khom ei sualhai sikin voikhat a thia, Pathian kuang nangni a hruai theina hrangin, mi fel chu mi felloihai ta hrangin a ithi a ni. Taksaa thatpai a nia, irtha tiang chu inhringin a om.
Kha hnung chu, rêngtoihmun inlaina tak, thilhring minlihai le upahai irhîlin Belrate ngîr that tâk anga inlang, irki sari le mit sari nei ki hmua; kha mit sarihai kha chu Pathian irtha sari, irnêng chung pumpuia tîr suakhai kha an ni.