LEVI DÂN 4:31 - PATHIAN LEKHABU IRTHIANG C.L. Bible (BSI)

³¹ A thâi murdi chu irpôlkhômhai thilinhlana itho ang taka khan maichâma a ihâlirvôm hrang a ni; kha kha Rengpa nuamlam tak a ni. Khaang khan thilsual thotu sual irbôlna chu inhlan a ta, ngaidam ni ta a ti.

LEVI DÂN 4:31 ပူးပေါင်းရင်းမြစ်များ

IRPHUTNA 8:21

Khan Rengpa’n, kha rimhoi kha an hriata, Rengpa’n a lungrîlin, “Irnêng chung hi chu mihriam sikin khuasâl ta no ninga, mihriam lungrîl ngaituana hi an chînte ata an sual sikin, atûna ki isoisak ang hin chu thilhring murdihai khom hi soisakhai ta no ning.

EZRA 6:10

Khan kêng irvân Pathian kha mirimhoi irbôlnahaiin an irhlan thei hrang, rêng le a nâihai an dam sôt theina hrangin an ichongchai thei pehai hrang.

JOBA 42:8

Khasikin, sehrâtchal sari le belrachal sari kai unglân, ki siahlo Joba kuang fe unglân, nangni hrang hâlirvôm thil var hlan roi. Khanchu ki siahlo Joba’n nangni chongchai pe a ta, a izonglam angin lei pom pe ki ta, nin into lam angin chu nangni thuan no ning, ki siahlo Joba angin ki chungchâng thu diktakin hril ngam mak chêi sikin,” a tia.

FESUAKNA 29:18

A rêngin thilinhlan belra chu ni inhlan hrang a ni, hi thilinhlan mirimhoi hin ki milung a inchuktir ngai a ni.

ISAIA 42:21

Rengpa’n a dikzia inlangna hrangin A dân chôiindôma roiinpui a inuam a ni.

ISAIA 53:10

Rengpa’n, ‘Vîk intuangtir hrang a sa,’ a tia. Na a ituang tâk a ni. A hringna chu sual irbôlna’n ni pom tena, ar chihaiin hmu mai an ti, a dam lai sûn bôk pe ni a ta, a kuta Rengpa indit lam chu hlochuk a ti.

LEVI DÂN 1:13

A phîng sûng le a kehai rêk chu a irsûkinfâi bak hrang a ni; a rêng khan ochaiin a ihâlirvôm zit hrang a ni, hâlirvôm thilinhlan a nia, Rengpa nuamlam a ni.

LEVI DÂN 1:17

Inset chit loiin a mitha dâra kaiphar hrang a ni, maichâma hâlirvôm zit ri se, hâlirvôm thilinhlan a nia, Rengpa nuamlam tak a ni.

LEVI DÂN 1:9

A phîng sûng le a kehai kha irsûkinfâi hrang a nia, an hlantu ochai khan maichâma a rêngin a ihâlirvôm hrang a ni. Hi hi hâlirvôm thilinhlan tho lam dân hrang a ni; kha kha Rengpa nuamlam tak a ni.

LEVI DÂN 14:18

A kuta hriak la om chu irthiangtir hrang, a lua khan pol a ta, khaang khan irthârna kha tho pe a ti.

LEVI DÂN 15:15

Inkhat chu sual irbôlna thilinhlana, inkhat chu hâlirvôm thilinhlana, inhlan pe a ta, khaang khan a porinchena kha lei irthiangtir a ti.

LEVI DÂN 19:22

Kha pa sual irbôlna hrang irthârna kha ochaiin lei inhlan pe a ta, Pathianin ngaidam a ti.

LEVI DÂN 2:2

Ochai khan baidi kha hap a ta, sahriak tômte le berohai leh khan maichâma a ihâlirvôm hrang a ni, kha kha a rênga hâlirvôm a nih ti entîrna hrang a ni; hâlirvôm thilinhlan a nia, Rengpa nuamlam tak a ni.

LEVI DÂN 2:9

senkhat nok thâk a ta, a inokthâk kha a ihâlirvôm hrang a ni; kha kha a rênga hâlirvôm entîrna ni a ti. Hi hi hâlirvôm thilinhlan a nia, Rengpa nuamlam tak a ni.

LEVI DÂN 4:19

A thâihai kha maichâma khan a ihâlirvôm hrang a ni.

LEVI DÂN 4:26

A thâi murdi chu irpôlkhôm thilinhlan, a itho angin maichâma khan a ihâl irvôm hrang a ni; khaang kha roirêltu sual irbôlna ochaiin a inhlan hrang dân chu a ni; khanchu, a sual chu ngaidam ni a ti.

LEVI DÂN 4:35

Irpôlkhômhai thilinhlan belra ang khan a thâi murdi kha la a ta, Rengpa hranga bu le bâl thilinhlan leh khan a ihâlirvôm hrang a ni. Khaang khan sual irbôlna kha ochai khan inhlan pe a ta, a sual chu ngaidam ni tah a ti.

LEVI DÂN 5:10

Khaang ochai khan mi thilsual tho irbôlna kha inhlan a ta, ngaidam ni ta a ti.

LEVI DÂN 5:6

a thilsual tho hremna hrangin Rengpa kuang belra mani kêl mani, a pui, a hong inhlan hrang a ni. Ochai chu kha mi sual irbôlna kha a inhlan pe hrang a ni.

LEVI DÂN 8:21

A sûngkua le a kehai kha a’rsûka, belrachal kha maichâma a hâl zit tâka. Hâlirvôm thilinhlan a ni, kha kha mirimhoi tak hranga hâlirvôm thilinhlan a nia; Rengpa ta hranga meia thilinhlan chu a ni, Rengpa’n Mosia thu a ipêk ang khan.

NAMBAR 15:25

Khanchu ochaihaiin Israel mipuihai ta hrangin irngeina siam an ta, ngaidam ni an ti; kutkechâia a ni sikin le an thilinhlan kha Rengpa ta hranga meia thilinhlan le an sualna irthûla sual irbôlna an inhlan tâk sikin.

MATHAIA 3:17

Irngai ta, irvân ata hnuk irhâiin, “Hi hi ki nâipa, lungthung tak chu a ni, a chunga ki lôm tak tak,” a tia.

EFESI 5:2

Krista’n lung a ni thunga, Pathian lôm lam thilpêk le thilinhlan mirimhoi ni hrangin ei ta hrangin a irpêk ang khan lungthungna nei seng roi.

HEBRAI toc2 HEBRAI 1:3

Ama chu a Pathian roiinpuina vâr le, a tak angpui ngei le, ama sinthotheina thua itinrêng indingtu neiin, sualhai a’rthiangtir hnungin chung tianga Roiinpuitak chang tianga khin a hong toi ta.

HEBRAI toc2 HEBRAI 10:12

Krista’n chu kumtuanga hrangin sualhai ta hrangin irbôlna voikhat vai an hlana, kha hnung chu Pathian chang tiang a hong toi ta.

HEBRAI toc2 HEBRAI 10:14

Irbôlna voikhat vaiin an sual ata irthiang tâkhai kha kumtuanga hrangin famirkipin a siam ta.

HEBRAI toc2 HEBRAI 9:12

Krista’n biakbuk chontan masa khêla Hmun Irthiang tak voikhatin a lût pat lai khan, irbôlna hrangin kêlhai le sehrâthai thisen chôi maka, ama thisen ngei chôiin ei ta hrangin kumtuang saninhringna a ni irhmu tâk a ni.

1 JOHANA 1:7

Ama vâra a om angin vâra ei iomna san chu ei irpôlkhôm hi a ni, A Nâipa Jisua thisenin ei sual murdi a ni’rsûkinfai tâk a ni.

THUPHUANG 5:9

“Nangma lekhabu irzuat kha lâka, A’rsinsiana inhongrua ni ni; Thatin ni oma, ni thina sika khan chi tina mihai, chong tina mihai, ram tina mihai, Pathian ta hrangin ni thisenin nir chôk tâk.