LEVI DÂN 4:3 - PATHIAN LEKHABU IRTHIANG C.L. Bible (BSI)

³ Thil tho’nsualtu chu ochai inlaltak a nia, mipuiin a sual mô an pêl hrangin chu, a sual irbôlna’n sehrâtchal tuai, hmêlveiloi, Rengpa kuang a inhlan hrang a ni.

LEVI DÂN 4:3 ပူးပေါင်းရင်းမြစ်များ

2 THURCHI SUINA 29:21

sherâtchal sari, kêlbelrachal sari, kêlbelrate sari le sual irbôlna thilinhlan kêlchal sari an hong chôia; ochaihai chu Rengpa maichâma inhlan hrangin a tia.

EZRA 8:35

Sal ata zôkhaiin Israelhai Pathian kuanga hâlirvôm thil an inhlana, Israel mi murdihai hrangin sehrâtchal sômhleihni, kêlbelrachal sômkuak kiruk, Belrate sômsari sari; sual irbôlna kêlchal sômhleihni: hihai murdi hi Rengpa kuanga hâlirvôm thilinhlan ving an ni.

FESUAKNA 29:14

Khanchu a hme, a vun, le a rîlhai chu dâi pên tiang hâlirvômin lân, sual irbôlna thil inhlan a ni sikin hâlirvôm ving hrang a ni.

FESUAKNA 29:21

Maichâm thisen irthûna hmang ngai oliv hriak senkhat la’nlân, Arona le a puanhai chunga le a nâihai le an puanhai chunga khan inthek roh. Khanchu ama le a nâihai an puanhai murdi keima hranga serindang ni ta an ti.

FESUAKNA 29:7

Irthû a nang zoroa hmang zât oliv hriak kha la’nlân, a lua buakin irthûtir roh.

FESUAKNA 30:10

A kum tin voikhat, sual irbôlna thil inhlan thisen chu, Arona khan maichâm thâr irthiangna hrangin a’rki minli khan a ipol hrang a ni. A kum tin zoro la hong oma khan tho mai hrang a ni. Hi maichâm hi keima Rengpa kuanga inhlan a irthianghai hrang a ni,” tiin.

EZEKIELA 40:39

Hi tentan liana hin dokâng minli hi a oma, a sîr tianghai khan inhni hniin an siaa, hitaka dokânghai hin pum hâlirvôm thilinhlana hmang hranghai, sâhai, sual irbôlna thilinhlana hmang hrang, sahai, ngaidam irzongna thilinhlana hmang hrang sahai, an thatna ngaia.

EZEKIELA 43:19

Levi mi ochaihai, Zadoka irchia mi ngêt kha, keima sintho hranga keima ni nâihai kuang khan sual thilinhlan hrangin sehrâtchal tuai pe ni ti, Rengpa Pathianin a ti.

EZEKIELA 44:27

Khanchu biakbuk tualzôl sûnginta uala khan lût a ta, ar thâr irthiangna hrangin thil inhlan a ti. Biakbuka sin a tho nôk theina hrangin, kei Rengpa Pathian hin ki iti a ni.

LEVI DÂN 1:10

Belra mani kêl mani hâlirvôma inhlan hrangin chu a chal, hmêlveiloi, a ini ngêt hrang a ni.

LEVI DÂN 1:3

Thilinhlan chu hâlirvôm thilinhlan hrang a ni’n chu sa laia a chal, hmêlveiloi ni a ta, Rengpa lei pom hrangin irtongna puan in mikota an hlantu khan a hong ichôi hrang a ni.

LEVI DÂN 16:11

Arona’n sehrâtchal kha inhlan a ta, ama le a in sûng mihai sual irbôlna hrangin sual irbôlna thilinhlana inhlan hrang a ni.

LEVI DÂN 16:3

Hmun irthiang taka chu sehrâtchal tuai, sual irbôlna thilinhlan le belra hâlirvôm hong inhlan hrangin chu hong lût thei a ti.

LEVI DÂN 16:5

Israel pungkhôm khan sual irbôlna thilinhlan hrang kêlchal inhni le hâlirvôm thilinhlan hrang belrachal inkhat an ipêk hrang a ni.

LEVI DÂN 16:6

Arona’n sehrâtchal kha ama le a in sûng mihai hrangin sual irbôlna’n sual irbôlna thilinhlana inhlan a ti.

LEVI DÂN 4:14

an tho’nsual tho kha an irhriat suak zoi le, nam punghai khan sual irbôlna hrangin sehrâttuai kha irbiakna puan in mikota an hong ilâk hrang a ni;

LEVI DÂN 4:23

a thilsual tho kha an hrila, an hriatsuak zoi le, a sual irbôlna hrangin kêlchal, hmêlveiloi a inhlan hrang a ni.

LEVI DÂN 4:28

a thilsual tho a’rhriatsuak zoi le kêlpui hmêlveiloi, a sual irbôlna hrangin a hong inhlan hrang a ni.

LEVI DÂN 4:5

A thisen senkhat chu chôi a ta, irbiakna puan in sûnga lûtpui a ta,

LEVI DÂN 5:6

a thilsual tho hremna hrangin Rengpa kuang belra mani kêl mani, a pui, a hong inhlan hrang a ni. Ochai chu kha mi sual irbôlna kha a inhlan pe hrang a ni.

LEVI DÂN 6:18

Arona irchi pasalhai ka kaiin fa thei an ti. Rengpa kuang fâk hrang inhlan kumkhuaa an dongtum hranga inkung a ni. Mi dang tukhomin fâk hrang thilinhlan chu an tônin chu an irthiang loi zôi zel a ni,” a tia.

LEVI DÂN 8:12

Sahriak chimrip chu Arona lua a buaka, a ser irthiang tâka.

LEVI DÂN 9:2

Arona kuang, “Belrachal tuai le belrachal hmêlveiloi kaiin lân, sehrât kha sual irbôlna thilinhlana Rengpa kuang inhlanin lân, belra chu hâlirvôm thilinhlana inhlan roh.

LEVI DÂN 9:3

Israel mihai khan sual irbôlna thilinhlana kêlchal hong chôihai sianlân; sehrâtte le belrate, kum khat vêl ang, hmêlveiloi hâlirvôm hrangin hong chôi sa ri sehai.

NAMBAR 16:22

Khannisian Mosia le Arona chu an lu irnêng sikin an inboka, “O Pathian, nang chu hringna chi tinrênghai bul ni nia; mi inkhat sualna sikin mipui murdi chunga ni ning a inmur hrang ma ni?,” an tia.

NAMBAR 8:8

Khanchu sehrâtchal tuai inkhat le buhûm thilinhlan hriaka pol baidi indi tak leh inlatirhai ni ta; khabana sehrâtchal inkhat sual irbôlna hrangin ni ilâk sa hrang a ni.

ROM KHUAA MIHAI KUANGA TÎRTÔN PAULA LEKHATHON 8:3

Taksa hrât loina sika dânin a itho thei viat loi kha Pathianin a zuang tho tâka; mihriam taksa sual ang irputin a Nâipa ngêt kha, sual irbôlna’n Pathianin a zuang tîra; taksaa sual om chu thiamno an changtir tâka;

2 KORINTH 5:21

Krista khan sual nei mah, Khannisian, ama leh irzoma Pathian felna kha ei dong sa theina hrangin Pathianin ei sual a indong a ni.

HEBRAI toc2 HEBRAI 5:3

Khasikin mi danghai ta hrangin sual irbôlna an inhlan ang khan an mâni ta hrang khomin an inhlan ngêt hrang a ni.

HEBRAI toc2 HEBRAI 9:12

Krista’n biakbuk chontan masa khêla Hmun Irthiang tak voikhatin a lût pat lai khan, irbôlna hrangin kêlhai le sehrâthai thisen chôi maka, ama thisen ngei chôiin ei ta hrangin kumtuang saninhringna a ni irhmu tâk a ni.