LEVI DÂN 3:1 - PATHIAN LEKHABU IRTHIANG C.L. Bible (BSI)

¹ Irpôlkhôm thilinhlan hrang mi’n an sa vâi laia a hong inhlanin chu a chal mani, a pui mani hmêlveiloi, Rengpa makunga a hong inhlan hrang a ni.

LEVI DÂN 3:1 ပူးပေါင်းရင်းမြစ်များ

1 THURCHI SUINA 21:26

Kha hmuna khan Rengpa hrang maichâm a siama, hâlirvôm thilinhlan le irngeina thilinhlan an hlana. A chongchaia, Rengpa’n a zuang sâma, maichâma hâlirvôm thilinhlan chu irvân ata meiin a zuang kâng inhekpaia.

FESUAKNA 20:24

Nin ni chongpuina hrang hmun ki indangna tina pil maichâm siam unglân, kha khan hâlirvôm thil inhlan le irbôlna thil inhlan kêlbelra le sehrât inhlan roi, zuang ki ta, sat nangni vur ki ti.

FESUAKNA 24:5

Khan, Israel irchi ruathartehai chu a tîra, Rengpa kuang hâlirvôm thilinhlan an inhlana, irngeina thilinhlan hrangin sehrâtchalin an irbôl saa.

FESUAKNA 29:28

Israel nâihai irhîlin thil an inhlan kha la’nlân, a mier le a malpui chu ochaihai dongtum kumtuanga hranga ki indet a nia, hi hi Rengpa’n thilpêk bîk mipui ata ki idong chu a ni.

THUVÂRHAI 7:14

“A vuan hin irngeina thilinhlan ki neia, irbôlna hmêhai ki fâka.

EZEKIELA 43:27

Khan sûnhai a hong hek tena chu, sûn riat nia irthokin ochaihai khan hâlirvôm thilinhlanhai chu maichâma khan tho an ta, irngeina thilinhlanhai leh khan; khanchu lei lôm ta ki ta, Rengpa Pathianin a ti,” tiin.

EZEKIELA 45:15

Khanchu belra pâl irzahni laia belra inkhat ni a ti; hâlirvôm thilinhlan, bu thilinhlan le irngeina thilinhlanhai hong chôi nin ta, khanchu nin sualhai ngaidam ni a ti, kei Rengpa Pathian thupêk ngei chu a ni.

LEVI DÂN 1:10

Belra mani kêl mani hâlirvôma inhlan hrangin chu a chal, hmêlveiloi, a ini ngêt hrang a ni.

LEVI DÂN 1:3

Thilinhlan chu hâlirvôm thilinhlan hrang a ni’n chu sa laia a chal, hmêlveiloi ni a ta, Rengpa lei pom hrangin irtongna puan in mikota an hlantu khan a hong ichôi hrang a ni.

LEVI DÂN 17:5

Ram irhonga thilinhlan that an ivarh ngai hi Rengpa kuang an hong inhlan tâkna hrangin ochai kuang irtongna puan in mikota an hong ichôi hrang a ni, Rengpa makunga irhîlhai thilinhlana an hong inhlan hrang a nih tihna a ni.

LEVI DÂN 3:6

Irpôlkhôm thilinhlan hrang mi’n a belra mani, a kêl laia mani a hong inhlanin chu a pui khom, a chal khom, hmelveiloi a inhlan hrang a ni.

LEVI DÂN 9:18

Irpôlkhômhai thilinhlan sehrâtchal le kêlchal, mipuiin an hong ichôi kha a thata, sa thisen kha a nâihaiin an hong chôia, maichâm kha an thek irvêla.

LEVI DÂN 9:4

Sehrâtchal le belrachal, irpôlkhômhai hrangin hong chôi sianlân, bu le bâl thilinhlan sahriak leh irpol Rengpa kuang hong inhlan sa ri se. A vuan hin kei, Rengpa hi, nin makunga ki hong inlang hrang a ni,” a tia.

AMOSA 5:22

A ni, nin hâlirvôm thilinhlan le nin bu inhlan, nin hlan khom unglân, pom no ning, nin sâ mar irngeina inhlanhai khom uksak ual no ning.

MALAKIA 1:14

A belra pâl laia a chal om chianin, chong khom inkungin Rengpa kuang a hmêlvei inhlana huangtu kha khosâl tong a ni: Kei chu rêng roiinpui tak ki nia, kha rêng roiinpui tak ki nia, ki’rhming khom Jentailhai laia ichiom a ni, Sipaihai Rengpa’n a ti.

MALAKIA 1:8

Irbôlna’n a mitcho nin inhlanin sualna a iom loi ma ni? A ke’nbâi le sirirdul nin inhlanin sualna a iom loi ma ni? Nin ram optu khom pe ngân u ta; nangni lôm ni mo? Aninole, nangni lei irngaisâng ni mo? Sipaihai Rengpa’n a ti.

NAMBAR 15:8

Khan, sehrâtchal chu pum hâlirvôm thilinhlanna hrangin mani, chonginkung inkungna thilinhlanna hrangin mani, irngeina thilinhlanna hrangin mani, inhlan a ni tika,

NAMBAR 6:14

Rengpa kuang demnaboi sa inthum inhlan a ta; kêlbelra tuaite kum khata mi pum hâlirvôm thilinhlan hrangin, kêlbelra irlate kum khata mi sual irbôlna hrangin le belrachal kha irngeina hrangin.

NAMBAR 7:17

khanchu irngeina irbôlna hranga thilinhlan sehrâtchal inhni, belrachal ringa, kêlchal ringa, belrate inhni, belrachal ringa, kêlchal ringa, belrate a chal kum khata mi ringa, hi hi Aminadaba nâipa Nasona thilinhlanhai chu a ni.

NAMBAR 7:59

irngeina irbôlna hranga thilinhlan sehrâtchal inhni, belrachal ringa, kêlchal ringa, belrate a chal ringa a ni. Hi hi Pedazura nâipa Gamaliela thilinhlan chu a ni.

DÂN INHNINA 12:27

Rengpa nin Pathian maichâma hâlirvôm thilinhlan zâthai, maichâma thisen intheka, a hme fâkhai hrang zât kha, kha ngêta khan nin hong ichôi hrang a ni.

KOLOSA 1:20

Krista sikin Ama leh a’rngeitir nôka, Krosa a Nâipa thisen khan irngeina a siama, Krista sika khan irnênga omhai, irvâna omhai kha Ama leh irngeina a siam ta.

HEBRAI toc2 HEBRAI 10:22

Khasikin lungrîl dik le iamna irkip neiin, sia le sa inhriatna dikloi ata ei lungrîlhai irthiangtirin le ei takpumhai tui irthianga infâiin Pathian nâi ei ti.

1 JOHANA 1:3

Nangni’n nin ni pôl sa theina hrangin kin ihmu le kin inhriat kha nangni kin ihril a ni, kin irpôlna kha Pa le Nâipa Jisua Krista leh kin irpôlna a nia.

ROIRÊLTUHAI 20:26

Israel mi murdi chu Bethel-a an fea, Rengpa makunga an chapa, an toia, khohloi dênin bu an ngheia, hâlirvôm thilinhlan le irngeina thilinhlan an inhlana.

ROIRÊLTUHAI 21:4

A tûk zînga chu zîng taka maichâm an siama, irngeina thilinhlan le hâlirvôm thilinhlan an inhlana.