LEVI DÂN 26:6 - PATHIAN LEKHABU IRTHIANG C.L. Bible (BSI)

⁶ Nin rama irngeina inlêngtir ki ta, chitna om loiin zâl nin ta, ram sahrânghai irzûlpai ki ta, râlin nangni hong doi no nihai.

LEVI DÂN 26:6 ပူးပေါင်းရင်းမြစ်များ

2 RÊNGHAI 2:24

A hong irheiin chu a hmuhaia, Rengpa irhmingin khomâk a sâmhaia. Rampui ata savompui inhni an hong suaka, nâipang sômminli inhni an sê thathai zela.

1 THURCHI SUINA 22:9

Irngei nuam tak nâipasal Solomona ni neia, ar hming hi, irngeina ti a ini angin a kôl vêla râlhaiin irtharngam takin kin omtira, an lal sûngin Israel ram râl irvei no nia, irtharngam takin om a ti.

2 THURCHI SUINA 20:30

Jehosafata chu râl boiin an lala, Rengpa’n kil tin le hmun tina a vêng mai sikin.

JOBA 11:19

Zâlin in ni ta, tûte’n nan chitir no nihai. mi tamtakin nang chongpui thei no nihai.

JOBA 5:23

Irnêng pil ni ituknaa khom lung om no nia; rama sahrâng khomin nang doi no nihai.

INPÂKNA HLAHAI 144:14

Kin sialhai khom hong punghai sianlân; An rûktu le ar hmangtirtu om loiin, Kin mikot tuala lungzîng khêk hnukirhai om no ri se.

INPÂKNA HLAHAI 147:14

Ni ramri sûnga irngeina an lêngtira, Bu chi satakin nang a insip ngai a ni.

INPÂKNA HLAHAI 29:11

Rengpa khan a mihai kuang hrâtna pehai a ta, Rengpa khan a mihai kha irtharngamna’n satvurhai a ti.

INPÂKNA HLAHAI 3:5

Kei chu ki zâla ki in tâka; Zân sôtin Rengpa’n a ni enkol ngai.

INPÂKNA HLAHAI 4:8

Irtharngam takin zâl ki ta, in sa ki ti: Rengpa, nangma ngei hi a ni, mâni ringot khoma izôka nin omtir ngai.

INPÂKNA HLAHAI 85:8

Pathian Rengpa thu’nsîr hrang chu irngaitua ki ti: A mihai le a mi irthianghai kuang irtharngamna thu a insîr hrang a ni: Khannisianlân anni chu invêtna tiang irhei ta no ri sehai.

FESUAKNA 23:29

Kum khat sûng rengin chu irzûlpaihai zit no ninga; irzûlhai khom inlân, ram rong ving a ta, nangni inbuai hrang ramsa an itam hrai hrang a ni.

THUVÂRHAI 3:24

Ni zâl tika khom chi no chi nia, a ni, zâl ni ta, zânkhovârin irhnik takin in ni ti.

THUVÂRHAI 6:22

An irchutirna khan nin zinnahaia nang hruai a ta, zâna nang enkol a ta, sûna roi nang zêkpui a ti.

ISAIA 35:8

Khatak khan lamlian om rum a ta, “Lampui irthiang,” ti an ti. Mi porinchehai fe no nihaia, hi hi a nih anni fena hrang lampui chu, a fe murdi, mi’ntohai khom hruai irhmang no nihai.

ISAIA 35:9

Khatak khan chu kâmkeibaknei om maka, ram sahrâng khom hong ngam no ni. Hmu hrang khom om no ni. Irtan saihai fena lampui a nia.

ISAIA 45:7

A vâr ki siama, inthim khom kin omtira, Sat ki vura, vânduainahai khom kin tungtir ngai. Hihai murdi hi keima Rengpa itho a ni.

ISAIA 9:7

A ram irzat thiai a ta, a ram sûnga irngeina’n hek nî nei no ni. Thudik hmanga fel taka roirêlin Davida Rêngtoihmuna toi a ta, indettir a tih, atûn ata kumkhontuangin. Rengpa sathnem irngaina khan, kha kha a itho hrang a ni.

JEREMIA 30:10

O ki siahlo Jakoba, chi no ro, o Israel chi viat no roh ti hi Rengpa thu suak a ni. Ni’rchi, ram hlataka sala intânghai chu sansuakhai ki ti, Jakoba chu irtharngam tak le zôkriamin om a ti. Tûte’n râl changin insî ta no nihai.

JEREMIA 31:26

Ki lei in kha ki hong harin chu, ki thîr vêla ni’n chu, ki lei iin ok a lei nia.

EZEKIELA 14:15

“Ram sahrânghai an ram kin fe suaktira, ram chu an inpon chitin, lei sêhaiin, ramsa sika mi tûte fe ngam loiin omhai sian;

EZEKIELA 14:17

“Aninole, kha rama khan, khandai zuang irlek ro, ki ti’n chu mi le sa murdi chu that zit ni a ti,

EZEKIELA 14:21

Rengpa pathian khan hiang hin a tia: Jerusalem chunga ki roirêlna natak tak minlikhandai hai, châm hai, ram sahrâng hai, hripui hai, mihriam le ramsa hai inboipaihai zit hranga ki zuang tîr irkip tika chu itin takin mo a iom hrang na!

EZEKIELA 34:25

Lungthi taka an omna hrangin an kuang thuthung siam ki ta, ki belrahai chu zôka an om theina hrangin le ram hnuaihaia an riak theina hrangin, ram sûnga ramsa murdihai chu irzûlpaihai ki ti.

EZEKIELA 34:27

Thingkunghaiin ra insua an ta, loimânin bu le bâl insua a ti, mi tin chu mâni ram sûnga lungthi takin om an ti. Khan ki mipuihai khitna hrui sût ki ta, suaka siamtuhai ata kin sua zalêntirhai tena chu, Rengpa ki nih ti chu inhre thei ta an ti.

EZEKIELA 5:17

Nin nâihai that hrangin phîngchâmna le ramsahai tîrhai ki ta, hripui thisen insuakna le khandaihai nin thipuina hrangin tîr ki ti. Kei Rengpa’n ki iti a ni,” a ti.

HOSEA 2:18

Kha nikhua khan ramsahai, chunglêng vatehai, irnênga thilhringhai leh an ta hrangin thuthung siam ki ta; thal ngulhai khandai mani le irdoinahai hi irnênga irthokin irhmangtir ki ta, hoi takin inom hmunkhattir ki ti.

HOSEA 2:20

Iamomna’n ki ta hrangin hual ki ta, khanchu Rengpa kha inhria ni ti.

LEVI DÂN 25:18

Rengpa dân hi zôm unglân, a thupêkhai hi zôm unglân, kha rama khan chardong loiin nin iom hrang a ni.

LEVI DÂN 25:19

Rama chîmu irzir intam a ta, nin inuam do dôr fâk hrang nei nin ta, irtharngam takin om thei nin ti.

LEVI DÂN 26:22

Ramsa hâitak tak hong tîr ki ta, nin nâihai le nin sahai hong sê an ta.

LEVI DÂN 26:25

Nin laia râl hong tîr ki ta, thuthung nin itho’nsiatna phuba nangni hong la an ti. Nin khopui kul sûnghaia nin irbîk khomin hri inlêngtir ki ta, râlhaiin hong la dên an ti.

LEVI DÂN 26:7

Nin râlhai chu irzûlhai nin ta, khandaiin that nin ti.

MIKA 4:4

Mi tinhai kha an grep kung hnuaia le an theipui kung hnuaia toi ual an ta; tukhomin chi no nihai: Sipaihai Rengpa bâia khan an sîr tâka.

ZEFANIA 3:13

Israel mi la omsunhai khan pualoina tho no nihaia, milak tho sa no nihaia, An bâia khom huangna chong om ual hliak no nia: an fâkin zâl an ta, tûte’n inchitir ta no nihai.

HAGAIA 2:9

Hi in roiinpuina hnungkhôn ual hi a masa nêkin irkhêl ual a ti, sipaihai Rengpa khan a ti: khan hi hmuna hin irngeina intung ki tah,” ti hi Sipaihai Rengpa thu suak a ni.

ZAKARIA 9:10

Khan Rengpa’n hiang hin a hrila, “Irdoina sakor tâlihai chu Israel rengata sonpai ki ta, Jerusalem ata sakorhai chu lapai ki ta, Irdoinaa sâihli hmanga omhai chu lan siatpai ki ti. Nam tinhai laia ni rêngin irngeina la siam a ta; Tuikhanglian ata tuikhanglian dênin roi la rêl a ta, Eufrates dung ata irnêng mongna tena,” a tia.

JOHANA 14:27

Irtharngamna nangni ki mâk pe, keima irtharngamna kêng nangni ki ipêk; rammualin a ipêk ang ni loiin nangni ki ipêk a ni. Nin milung dûk tong no ri se, chi khom chi no ri se.

TÎRTÔNHAI SINTHO 12:6

Heroda’n hruai suak tum hrang zân khan Petera kha sipai inhni kâra, a bâna thîr hrui inhni bunin a ina, a vêngtuhai khom mikot bula an oma, intângna in chu an nghâk chiana.

ROM KHUAA MIHAI KUANGA TÎRTÔN PAULA LEKHATHON 5:1

Khasikin iamna sika thiam ei chang tâk sikin, ei Reng Jisua Krista zâra Pathian le irngeiin ei om ta.