LEVI DÂN 26:44 - PATHIAN LEKHABU IRTHIANG C.L. Bible (BSI)

⁴⁴ Khaang tak khan hrem khom inlân an râlhai rama an om kha, sehai rak no ninga, inboipaihai zit ual no ning.

LEVI DÂN 26:44 ပူးပေါင်းရင်းမြစ်များ

IRPHUTNA 17:7

Khan kei le nangma le ni’rchi hong pung hranghai Pathian ni hrangin kumtuanga hek ta loi hranga thuthung ki indet a ni ta.

2 RÊNGHAI 13:23

Khannisianlân, Rengpa’n lung a thunghaia, insiat chit an ini hrang a nuam no sikin, Abrahama, Isaka le Jakoba hai kuanga a thuthung chu a’rngaiinnatin, irnghil thei maka, atûn ten hin a la irngaisâng a ni.

NEHEMIA 9:17

zôm khom zôm nuam mahai, an laia ni thil irkhêl thohai khom irngai nuam ta loiin; an tukullian songin, tehelzongin, an sal changna tianga kîr hrangin hruaitu an irthang ual a ni: khannisianlân, nang chu ngaidam hranga irsiam sai Pathian, mi lunginkham thei, Inrennaa sip, mi ingam, annihai khom irnghil nuamhai mak chea.

NEHEMIA 9:31

Khannisianlân ni lungkhamna zârin a hekna chu intungtir pehai mak chea, mâk khom masanhai loiin; Pathian lungkham thei taka sip ni ni sikin.

INPÂKNA HLAHAI 103:13

Pa’n a nâihai lung a inkham angin, Rengpa khan ama chituhai kha lung an kham ngai.

INPÂKNA HLAHAI 89:33

Khannisianlân, ki lungkhamna kha a kuang ata lapai pe zit no ninga, Ki iamomna kha milaka inchang phal viat no ning.

INPÂKNA HLAHAI 94:14

Rengpa khan a mihai a ipaithâk hrang ni ma, A dongtum chu a irotsan hrang ni mah.

JEREMIA 14:21

Ni chonginkung kha inhre maiin ni hmûsit no’n lân; Jerusalem chunga hin mualphoina intungtir no’n lân. Ni rêngtoihmun roiinpui tak omna hmun chu keini leh thuthung ni isiam kha insiat no roh.

JEREMIA 24:5

“Keima Rengpa, Israelhai Pathianin Babulon tianga hruaia om tâkhai kha hi theipui ra sahai angin ki bê a nia, an chunga lungkhamin chang ki ti.

JEREMIA 30:11

A sansuak hrangin ni kuang ki om mai ngai, ti hi Rengpa thu suak a ni. Nangni ki inhnotsuakna rama nam tinhai chu insiatpaihai hlet ki ta, nangma chu nan siatpai chit no ning. A ruk bakin nang irchu ki ta, hrem loiin chu suak ual no chi ni.

JEREMIA 31:20

Efraima chu ki nâipa indit tak, ki inhlu ngôi ngôi a ini loi ma ni? Hnôl ki tum khomin ki milunga a om maia, ama chu kin hriat maia lung ki inkham sabak a ni.

JEREMIA 33:26

Hihai hi ki sin a ini angin Jakoba irchihai le a ni zui Davida le ki thuthung chu hlo ki inchuktir hrang a ni. Abrahama, Isaka le Jakoba irchihai chunga roirêl hrangin, Davida irchihai laia irthokin inkhat khôk inthang ki ti. Ki mihai chunga khonzâna nei ki ta, anni chu vângsakna siamhai nôk ki ti,” a tia.

EZEKIELA 16:60

Khannisianlân, ni nâiinpang laia ni kuanga ki thuthung chu kin hriat maia, ni kuanga kumkhua thuthung siam ki ti.

LEVI DÂN 26:11

Nin laia om ki ta, nangni intha viat no ning.

ROM KHUAA MIHAI KUANGA TÎRTÔN PAULA LEKHATHON 11:2

Pathianin a phuta a inthang, a mihai kha pai thâk viat mah. Elija thurchi Pathian Lekha thua chuang kha nin inhriat loi ma ni? Ama khan Israelhai chungchâng Pathian kuang an tungtira:

ROM KHUAA MIHAI KUANGA TÎRTÔN PAULA LEKHATHON 11:26

Kha tika khan kêng Israel mi murdi saninhringna an iom hrang a ni. “Zion ata Saninhringna kha a zuang isuak hrang a ni, Jakoba kuang ata Pathian ngaisak loina inboi a ti,

ROIRÊLTUHAI 2:1

Gilgal rengata Rengpa Vântîrtôn chu Bokim khuaa a zu fea, Israelhai kuang, “Aigupta ram ata nangni ki hong hruaisuaka, nin pahai kuanga pêk ki inkung rama khan nangni ki hong hruai intunga; ‘Nangni le ki thuthung hi insiat viat no ning,