LEVI DÂN 26:32 - PATHIAN LEKHABU IRTHIANG C.L. Bible (BSI)

³² Nin ram inkoltir zit ki ta, a luatu nin râlhai khan, a’rkhêl ti tak tak an ti.

LEVI DÂN 26:32 ပူးပေါင်းရင်းမြစ်များ

1 RÊNGHAI 9:8

Hi tempil hi siat ving a ta, a hmupuhai dôrin a’rkhêl ti an ta, ‘Itho sikin mo Rengpa’n hi ram le tempil hi a isoisak’? ti an ti.

ISAIA 24:1

Rengpa’n Irnêng hi inlet a ta, irhmangtir a ti. Kai illettir a ti.

ISAIA 5:6

Mapai ki ta, a ôn sât ta no ning. A hmun khom chuan infâi ta no ning, hloi ilhling neiin sip zoi a ta, sûmhai thu pe ki ta, rua inthotir ta no ning.

ISAIA 5:9

Itinrêng Rengpa’n ki mikuar inhriata hin, “Hi in lian le satak takhai hi, ram zoi a ta, a lua hrang mi om no nihai.

ISAIA 6:11

Keima’n chu “Rengpa i dôr ten mo khaang khan an iom hrang?” ki tia. Ama’n chu, “Khopuihai chu a luatu om loiin a ram zoia, inhai khom an lumtu om loiin a ram zoi mâka chu!

ISAIA 64:10

Ni kho irthianghai chu ramchâr a chang zoi ta, Zion khua chu ramchârna hmun a chang zoi ta, Jerusalem khua chu a ram zoi ta.

JEREMIA 12:11

Ramchârin an siam tâka, ki makunga rong luaiin a om ta. Ram pumpui chu ramchâr a chang zoi ta sikin tûte’n donsui ta mahai.

JEREMIA 18:16

Hi ram hi thil ichiomin an siama, irngaiinhlu loia om mai hrang angin. A theng irlôihaiin an thil hmu kha ar khêl ti an ti. Irngai irkhêlin an luhai khom notpol an ti.

JEREMIA 19:8

Hi khopui chunga hin siatna irkhêl tak intungtir ki ta, a theng irlôihaiin ar khêl ti an ti.

JEREMIA 25:11

An ram pumpui chu ramin masan ni a ta, mita hmua inlâi thei ni a ti. A kôlvêla nam tinin Babulon ram rêng sin kum sômsari sûng chu tho an ti.

JEREMIA 25:18

Jerusalem le Judai ram khopuihai chu, an rênghai le an hruaituhai leh khan ramchâr thil irkhêl inlaina an ni theina hrangin le mihaiin an irhming kha khomâksâmna hranga na hmang theina hrangin, atûn tena an la ihmang ngai ang hin annihai chu hi khilât ata lei in intirhai hi a ni.

JEREMIA 25:38

Rengpa’n a mihai chu kâmkeibaknei, a khur mâk angin, masan a ta; irdoina sikin ichiomnahai le Rengpa ningmur irkhêl khan ram sa kha ramchâr an changtir ta.

JEREMIA 33:10

Khan Rengpa’n, “Mipuihaiin hi hmun hi mihriam le ramsahai om loina ramchâr hmun ang chu a ni, an tia; a ni, an ihril indik kêng, a rong ving tâka, khataka khan mihriamhai le ramsahai khom om mahai. Khannisianlân hi hmunhaia hin inhre nôk ni ti,

JEREMIA 44:2

Rengpa Itinrêngthothei, Israelhai Pathianin a iti a ni, “Nangni ngêtin Jerusalem le Judai ram khopui danghai siat chitna ki intungtir kha nin ihmu a ni. Atûn ten khom hin an la iram mai a nia, tûte a sûnga la om mahai.

JEREMIA 44:22

A vuan sûn ten hin ni ram chu inramin a la oma, a sûnga tûte la om mahai. En intak tak a hong nia, mihaiin a’rhming chu khomâksâmnain an hmanga, Rengpa’n nin pualoina le tho’nsualnahai kha a tuangdiar ta no sikin.

JEREMIA 9:11

Rengpa’n a tia, “Jerusalem chu inram chim angin insiamtir ki ta, sihalhai fena hmun chang ta a ti. Judai ram khopui chu ramchâr chang a ta, tûte’n lua ta no nihai,” a tia.

CHAP HLA 4:12

Irnênga rênghai le mi murdi’n doitu râlhai Jerusalem khua lût thei hranga an iiamhai ngailoi.

CHAP HLA 5:18

Zion tâng chu a chuai tâk sikin, sihalhaiin a sûnga an lênga.

EZEKIELA 5:15

“Ningmur le ningthik takin, lungchuk loi takin nin chunga roi ki rêl zoi hnunga; mi ihmusit, innuisanna le enirkhêl la ni nin ti; kei Rengpa hin ki ihril tâk a ni.

DANIELA 9:18

O ki Pathian, ni mikuar do’n lân, irngai ro, ni mit mengin lân, kin chiarna le ni khopui irhming phuaa om hi en ro, nang kin izongnahai hi kin fel sika ni kuanga kin hong intung ni ual ta maka, ni za’rngai theina sika a ni ual.

DANIELA 9:2

a roirêl kum khatna khan, keima Daniela’n lekhabua chuang deipu Jeremia kuanga Rengpa thu zuang tung, Jerusalem siatna tung hrang a inkung kumhai chu kin hriat thei tâka, kum sômsarina chu.

HABAKUKA 3:17

Theipui kung kha pâr ta no khom sian, Grephruia khan a ra om ta no ngân khomsian; Oliv sika sin sôlna kha mâkana hong niin, Loihai khan bu hong vâng ta no khom sian; Belra pâl kha a ina irthoka sâtthâka omin, Sehrât ina khan sehrât pâl khom om ta nohai khomsian,

LUKA 21:20

“Khan, sipaihaiin Jerusalem an irhual nin hmu tika chu a siat hrang anai tah ti inhre roi.

DÂN INHNINA 28:37

Rengpa nangni indartirna rama khan a hmu ka kai khan nin chunga thil tung kha a’rkhêl ti an ta, nangni hnuaisia an ta, nuiza siamna’n nangni hmang an ti.