LEVI DÂN 26:31 - PATHIAN LEKHABU IRTHIANG C.L. Bible (BSI)

³¹ Nin khopuihai kha insim ki ta, nin pathian biakhai kha inramtir ki ta, nin irbôlnahai kha nangni lei pom pe no ning.

LEVI DÂN 26:31 ပူးပေါင်းရင်းမြစ်များ

IRPHUTNA 8:21

Khan Rengpa’n, kha rimhoi kha an hriata, Rengpa’n a lungrîlin, “Irnêng chung hi chu mihriam sikin khuasâl ta no ninga, mihriam lungrîl ngaituana hi an chînte ata an sual sikin, atûna ki isoisak ang hin chu thilhring murdihai khom hi soisakhai ta no ning.

2 RÊNGHAI 22:19

Jerusalem le a vêla omhai ki soisak dân hrang nin hriata, a na ni iti a ni, Rengpa makunga nir hnuaia, puan inpotthêrin ni chapa. En irkhêltak le vânnisal irkhêltak tong hrangin khopui chu soisak ni a ti; khannisian, ni chongchaina chu kin hriata.

2 THURCHI SUINA 36:19

Tempil le kho sûnga inhai chu a hâla, khopui kul bang neihai a seta.

NEHEMIA 1:3

Khan ki kuang, “Sala om suakhai chu, kha rama khan vânduai taka insîrinsiatin an oma: khan Jerusalem banghai khom a chim rem ruma, a inkhârhai khom a kâng ta,” an tia.

NEHEMIA 2:17

Khanchu an kuang, “Kin ngîrhmun a isiat lam hi nin hmua, Jerusalem a ram ti le, a inkhârhai a kâng ti khom nin inhriata: tho insîrinsiata ei ni loina hrangin Jerusalem kul chu indingtir nôk ei ti,” ki tia.

NEHEMIA 2:3

Keima’n rêng kuang khan, “Reng chu kumtuangin dam sôt ri se: ki irchibulhai thân omna khua chu a ramin a inkhârhai a kânga, beidong hmêl irput loiin mo ki ini hrang?” ki tia.

ISAIA 1:7

Nin ramhai khom ar hmang zoi ta, nin khua khom a kâng irhmang ta, nin mithmua nam danghaiin nin ram an lua zoi ta, nin râlhaiin an insiat zoi a ni ta.

ISAIA 6:11

Keima’n chu “Rengpa i dôr ten mo khaang khan an iom hrang?” ki tia. Ama’n chu, “Khopuihai chu a luatu om loiin a ram zoia, inhai khom an lumtu om loiin a ram zoi mâka chu!

ISAIA 63:18

Ni mi irthianghai hin ni Tempil chu, zoro sôtnote sûng an luaa, kin râlhaiin an del siat zoi ta.

ISAIA 64:9

Rengpa kin chunga hin ni ninginmurtir ta no’n lan, kin tho insualnahai inhre mai ta no ro; ni en mai ta no’n lân, ni mihriam inzen kin ni.

ISAIA 66:3

Khannisian, hi mihai ta hrang hin chu sehrât thata inhlan mani, mihriam thata irbôl mani danglam ual mah. Belra inhlan mani, ui thata inhlan mani baidi irhlan mani, vok thisen inhlan mani, mirimhoi an hâl khoma, millim an biak khomin, anni hrangin danglam ual ma. An nuam lam takin sin an zonga thil intirom biak an nuam ngaia.

JEREMIA 22:5

Khan ki thupêkhai nin zôm noa ni’n chu, nin kuang chong ki irkhâm a nia, hi rêng in hi la ram chit a ti. Keima Rengpa’n ki iti a ni.

JEREMIA 26:6

Thuzôm loia nin la om maiin chu hi tempil chunga hin, Silo chunga ki itho ang khan ki itho hrang a nia, khanchu rammuala nam tinin hi khopui irhming hi khomâk irsâmna’n hmang an ti,” tiin.

JEREMIA 26:9

I lo hrang mo Rengpa irhmingin hi tempil hi Silo angin om a ta, hi khopui hi siat chitin a sûnga tûte om ta no nihai ni iti?” an tia. Khanchu mipuihaiin an ni irhual tâka.

JEREMIA 4:26

Ram hoi le satak khom a châr zoi tâka; A khopuihai chu Rengpa ningmur irkhêl tak sika khan a ram zoi tâka.

JEREMIA 4:27

Rengpa khan, A ram pumpui chu rotsan ni a ta, Khannisian, a mongna chu intungtir no ning.

JEREMIA 4:7

Kâmkeibaknei a khur ata a hong isuak angin, nam tinhai insiatchit hrang chu a hong irthok a ni ta. Judai ram insiat hrang le a hong tâk Judai ram khopuihai chu irfangin om an ta, an laia tûte irleng no nihai.

JEREMIA 44:2

Rengpa Itinrêngthothei, Israelhai Pathianin a iti a ni, “Nangni ngêtin Jerusalem le Judai ram khopui danghai siat chitna ki intungtir kha nin ihmu a ni. Atûn ten khom hin an la iram mai a nia, tûte a sûnga la om mahai.

JEREMIA 44:6

Khasika khan ki ningmurna chu Judai ram khuahaia le Jerusalem kotsuahaia ki bukhai ta, mei leh ki ihâl a ni ta. Anni chu ramin le en intak takin a vuana an iom ang hin ki imâksanhai a ni ta.

JEREMIA 52:13

Rengpa in le rêng in a hâla; Jerusalema in murdi le in poimohai a hâl insiat pe vinga;

JEREMIA 9:11

Rengpa’n a tia, “Jerusalem chu inram chim angin insiamtir ki ta, sihalhai fena hmun chang ta a ti. Judai ram khopui chu ramchâr chang a ta, tûte’n lua ta no nihai,” a tia.

CHAP HLA 1:1

E he! Jerusalem khua irhming satak ni ngai kha te, a lei siat rem rum ta ngaia! Nam tinhai irngaiirsâng lei ni ngai kha meithâi angin te a om tâka. Khua roiinpui tak lei ni kha, siatin te a om tâka.

CHAP HLA 1:10

A neinun sa neihai râlhaiin an suta, Nam dang fe phal loina hmuna, Tempila an inlûthai hmuin a om chiana,

CHAP HLA 2:6

Irhuana neinun chu ram angin, an inkhômna in a ram zoi tâka, Zion-a khan inkhômpui le Sabat serna nihai khom a hek ving tâka, a ningmur hrai sikin, an rêng le ochaihai hnôlin an om ta.

CHAP HLA 2:7

A maichâm chu Rengpa’n a hnôla, a hmun irthiang a mâksana, a banghai khom râlhaiin an insiatpai ta. Râifân taka kût lian an hmang lai ang khan, An râlhai an hong irbuk pehai hut huta.

EZEKIELA 12:20

Khan, mi lêngna khopuihai chu siat chit a ta, a ram chu ramchitin om a ti. Khanchu Rengpa chu ki nih ti inhriat an ti,’ tiin hril ro,” a tia.

EZEKIELA 21:15

Ki mihai chu a’rzaltirhaia an irtet zoi tâk, irthatna khandai kôlirtêk anga irtêk lop lop hrang, kul mikot tina ki sia ta, mi thatna hranga irsiam diam a ni tâk.

EZEKIELA 21:7

Khan, ‘Ithoa mo ni inrûm?’ an ti’n chu, ‘A thurchi chu a hong tung tâk sikin ki irzal a ni. Mi murdi lungrîl zâm irzal a ta, an kut sahai kim a ta, thâiindôpin om an ta, irlo’nthingin om an ti,’ ti roh. Irngai ro, a zoro a hong tung tâk a ni,” Rengpa pathian thusuakin a ti.

EZEKIELA 24:21

Hi thu hi nangni Israel mihai kuang hril hrangin a ni zuang hrila, biakbuk hrâtna chu nin irsorpui oka, a en nin nuama, kha khan nin fe nuam ngai. Khannisian Rengpa’n porinchetir hrang a ni ta. Khanchu nin nâipasalhai le nupanghai Jerusalema mâksana omhai kha khandaiin thi an ti.

EZEKIELA 6:6

Nin omna hmun murdia khan khopuihai chu insiat ni a ta, millim irbôlna hmunhai chu ramchit a ta; nin maichâmhai insiat le inram a ni theina hrang le nin millimhai inkhoia, a boi theina’n le nin pathian illimhai chu irkitpaia a om theia, nin sinthohai chu a hek theina hrangin.

EZEKIELA 9:6

Putarhai, ruatharhai, dôngmatehai, nâipangtehai, nupanghai chu that fâi zit ro; aniachu mi a michala irsinsiana om chu inzôk unglân; ki tempil rengata mi thatna irphût roi,” tiin. Khanchu biak in sûnga om upahai chu an that irphut tâka.

DANIELA 2:46

Khanchu, rêng Nebukadnezara chu a khûksadelin Daniela kha chubai a mûka, a kuanga thilinhlan le mirimhoihai inhlan hrangin thu a pêka.

AMOSA 7:9

Khan, Isaka hmun irsânghai kha hong ram an ta, Israel hmun irthianghai kha insiat ni a ta; khan, Jeroboama sûngkuahai khandaiin doi ki ti,” a tia.

MIKA 3:12

Khasikin Zion kha nangni sika khan, loi anga lâk nôk ni a ta, Jerusalem kha thil siat om khôm ni a ta, biak in omna tâng kha ramhnuai hmun irsâng ang ni a ti.

ZEFANIA 3:6

Namhai kha kin boipaia, an kulhai ten khom kha a ram chit tâka; an kholai dunghai kha kin siatpai zita, tukhomin hro ta mahai; an khopuihai kha insiatin a oma, khanchu mi om ta mahaia, a luatu khom om ta mahai.

LUKA 21:24

Khandaiin thi an ta, nam tin kuang suaka hruai indarin om an ta, khan, Jentailhai zoro a mong mâka chu Jerusalem hi Jentailhai isirbe ni a ti.

TÎRTÔNHAI SINTHO 6:14

Nazaret Jisua’n ei tempil hi insiat a ta, Mosia Dân ni pêkhai hi indanglamtir zit a ti, a iti kin inhriat a ni,” an tia.

HEBRAI toc2 HEBRAI 10:26

Thutak ei inhriat hnung khomin ei la sual maiin chu sualhai inboi hrangin irbôlna om ta no ni.