LEVI DÂN 26:28 - PATHIAN LEKHABU IRTHIANG C.L. Bible (BSI)

²⁸ ningmurin nin chunga insum ki ta, a bâk saria nain nangni hrem ki ti.

LEVI DÂN 26:28 ပူးပေါင်းရင်းမြစ်များ

ISAIA 59:18

An sintho ang takin thuanhai a ta, ama doituhai chu ningmurna’n thuanhai a ta, a râlhai chunga chu phuba la a ti, chômbung hmuna omhai khom thuanhai ving a ti.

EZEKIELA 8:18

Khasikin, kei khomin ningmur takin ki itho hrang a ni; ki mitin irhmâi no ninga, inrenhai viat no ning; inring takin nin samhai khom sian irngai viat no ning,” a tia.

EZEKIELA 5:15

“Ningmur le ningthik takin, lungchuk loi takin nin chunga roi ki rêl zoi hnunga; mi ihmusit, innuisanna le enirkhêl la ni nin ti; kei Rengpa hin ki ihril tâk a ni.

EZEKIELA 5:13

Khanchu, ki ninginmurna chu intungtir ki ta, an chunga ki ninginthikna kha indâi ta ki ta, a hoi ti ta ki ti. Kha zoia chu, kei Rengpa pathian hin sathnem irngaina sikin kha kha ki itho a nih ti inhre ta an ti.

JEREMIA 21:5

Keima ngeiin ki bân hrât tak pharin ki ningmurna insua’n nang doi ki ti.

ISAIA 66:15

Irngai ro, mei leh Rengpa chu zuar thok a ti, kêllaiher tâlia hong chuangin a ningmur chu meichok angin kângin innatirhai a ti.

ISAIA 63:3

Keima khomin nam danghai chu grep ra angin ki sirchîl chit a ni. Tûte’n ni changpui mahai, ki ninginmurna, ki sirchîl chita, ki ning an mura ki sirbe chita. An thisenin ki tukfamhai a ni khian nenga, ki tukfamhai a porinchetir zoi ta.

NAHUMA 1:6

A milung hoiloina makunga khan tu mo ngîr thei hranga, a ninginmurna irkhêl tak khan tu mo om thei hrang? A ninginmurna kha mei anga bunpai a nia, lungpuihai kha a irnôitir chit a ni.

NAHUMA 1:2

Rengpa kha nunse Pathian le phuba lâk hmang mi a ni; Rengpa khan phuba a lâka, ninginmurna’n a isip a nih; Rengpa khan a doituhai chunga phuba a lâka, a râlhai ta hrangin ningmurna a irtingtir a ni.

ISAIA 27:4

A chunga khan nuar ma unga, chuan infâi hrang hloi tam khom sianlân, infâiin hâl irhmangtir zoi ki ti.

LEVI DÂN 26:24

nangni irkalpui lamin om ki ta, a bâk saria nain nangni hrem ki ti.

LEVI DÂN 26:27

“Khaang dôr tena khom ki thu nin irngai nuam noa, nin ni la doi maiin chu,

LEVI DÂN 26:41

anni sikin ki’rheisana, an râlhai rama kin hnotsuak a nih ti irhriat an ta; khanchu, an lungrîl irhnuai an ta, an sual man an pêl hnung chu,

INPÂKNA HLAHAI 79:12

O Rengpa, nang an ihrilinsiatna kha, Kin kôl vêla mihai an dârsuama a bâk sari’n thuan nôk roh.

JEREMIA 7:20

Hi sika hin keima Rengpa Pathian hin ki ningmurna tak hi tempil chunga hin bun ki ti. Mihriamhai le sahai chunga ir-angnatin bun ki ta, thing le chîmuhai chunga khom; ki ningmur chu tûte’n an ithat thei loi, mei ang ni a ti.

CHAP HLA 4:11

Rengpa’n a ningmur chu insum zoi loiin Zion khan a ningmurna mei an suaa; a lung phûmhai dênin a siat zoi ta.