LEVI DÂN 26:25 - PATHIAN LEKHABU IRTHIANG C.L. Bible (BSI)

²⁵ Nin laia râl hong tîr ki ta, thuthung nin itho’nsiatna phuba nangni hong la an ti. Nin khopui kul sûnghaia nin irbîk khomin hri inlêngtir ki ta, râlhaiin hong la dên an ti.

LEVI DÂN 26:25 ပူးပေါင်းရင်းမြစ်များ

2 SAMUELA 24:15

Khanchu Rengpa khan Israel mihai chunga khan zînga irthokin zoro inkung a dên mâka chu hripui an lêngtir tâka. Dana irthokin Beerseba dênin Israel mi sîngsari an thia.

1 RÊNGHAI 8:33

Ni chunga an sual sika, ni mi Israelhai chu an râlhaiin an inhnêa, nangma tiang an ho’rleta, hi tempila hin an honga ngaidam an hong zongin chu,

1 RÊNGHAI 8:37

Hi rama hin châm a tâka, hri a lênga, chîmuhai a siata, hri a punga, an râlhaiin ni mihai an doia, inkhur khobûr a lênga an tong zoro khom,

2 RÊNGHAI 17:3

Assuria rêng Salmanesera’n a doia, Hosea khom a le’rpêk saa, kum tin khâzana a chôipuihaia,

2 THURCHI SUINA 24:24

Suria sipaihai chu an huanghai nâkin, anni nêka tam ual Juda sipaihai chu an inhnê a ni. An irchibulhai Pathian Rengpa chu an mâksan sikin an ihrât loi a ni. Reng Joasa’n a ituang a ni tâk a ni.

INPÂKNA HLAHAI 94:1

O Rengpa, nang phuba lâkna ircham neitu Pathian, Nang phuba lâkna ircham neitu Pathian vâr suak roh.

FESUAKNA 5:3

Khanchu anni khan, “Hebraihai Pathianin a ni zuar tongpui nôk ta, khasikin ramchâr sûn thum fena lam inzinna son, Rengpa kuang kin va irbôl theina hrangin nin fetir ro, an tia. Kin tho no’n chu kin chunga hin chem hrei a ni no le hripui inlêngin a ni ithat zoi hrang a ni,” an tia.

ISAIA 1:20

Khannisian, nin nuam noa, tehel nin zongin chu, khandaiin nangni fa zoi a ti: Rengpa bâi khan kha kha a insîr tâk a ni,” a tia.

ISAIA 65:12

Nin ituang hrang rammual hi chu khandaia thi a ni, that hrangtu kuang la kûn nin ti. Hihai hi ki koihai lai khan chu ni sâm mahaia, ki inuam loi sualna an thoa, ki hril laiin irngai nuam mahai, ki inuam loi lam tho an nuam ngai.

JEREMIA 19:7

Hi hmuna hin Judai ram le Jerusalema mihai thiltum chu chanlamboi inchang pehai ki ta, an râlhai chu zoina pêkin irdoina hmuna ithat ni an ti.

JEREMIA 24:10

Anni le an irchibulhai ki pêkna rama an hek ving mâka chu, an chunga irdoina, châmna, le hri le hrâi ki inlêngtir hrang a ni,” a tia.

JEREMIA 50:28

(Babulon rama irthokin râl chia intâna zôkin Jerusalema an honga, tempil chunga an thiltho sikin Rengpa kin Pathianin Babulon-hai chunga phuba a lâk dânhai an sîra.)

JEREMIA 51:11

Rengpa’n Babulon ram chu insiatchit a tum sikin, Media rênghai a intorhai dîm a ni ta, hiang hin a nia, tempil siatna kha phuba a lâk hrang dân chu. A doitu sipai ulianhai khan thu an pêka, “Nin thalhai intât inngaih unglân, nin phohai siam diam ta roi.

JEREMIA 9:16

Anni’n mo, an irchibulhaiin mo an inhriat loi namhai laia, anni chu irthekindartir ki ta, anni ki’rhmangtirhai zoi mâka chu doiin sipai pâl ki itîr hrang a ni,” a tia.

CHAP HLA 2:21

Kholaidunga nâipang le tarhai thi omhai, ruathar dôngma khandaia thi, lungkhamna nei viat loi hi a irsam loi moh.

EZEKIELA 14:17

“Aninole, kha rama khan, khandai zuang irlek ro, ki ti’n chu mi le sa murdi chu that zit ni a ti,

EZEKIELA 20:37

“Khan, vîkna fung hnuaia nangni infetir ki ti, thuthung hnuaia nangni inlûttir ki ti.

EZEKIELA 29:8

Khasikin atûn kei Rengpa Pathian hin nang ki hril, khandai le nang a doi hrangin mi zuang tuanghai ki ta, ni mipuihai le ni sahai thatpai ving an ti.

EZEKIELA 33:2

“Mihriam nâipa, ni mipuihai kuang khan, ‘Hi ram doi hrang hin râlhai sipai ki hong tuanghai tena chu, kha rama mihai khan an laia mi inkhat chu enkoltu ni hrangin inthangsuak ri sehai.

EZEKIELA 5:17

Nin nâihai that hrangin phîngchâmna le ramsahai tîrhai ki ta, hripui thisen insuakna le khandaihai nin thipuina hrangin tîr ki ti. Kei Rengpa’n ki iti a ni,” a ti.

EZEKIELA 6:3

Israel rama tânghai, Rengpa pathian thu hi irngai roi. Rengpa pathianin tânghai le mualhai kuanga le irhôrhai le phâi irhôrhai kuang hiang hin a ti. Irngai roi, kei, keima ngei hin nin chunga khandai zuang inlek ki ta, millim biak irbôlna hmunhai chu insiat zit ki ti.

HOSEA 11:6

A khopuihai khan khandai irlektir a ta, a kulhai kha ar hmangtira, inboipai a ta, anni thu lei irdon sik ngêtin.

LEVI DÂN 26:6

Nin rama irngeina inlêngtir ki ta, chitna om loiin zâl nin ta, ram sahrânghai irzûlpai ki ta, râlin nangni hong doi no nihai.

AMOSA 4:10

Aigupta ram angin nangni laia hripui ki tîra: Khandaiin nin ruathartehai kha ki that tâka, nin sakorhai ki hruai irhmang tâk a ni; khan, nin sipai hmun mirimsia kha nin hnâra innam rak dôrin nangni kin omtira: kha tena khom khan ki kuang hong kîr mak chêi, Rengpa thu suak khan a ti.

HABAKUKA 3:5

A matona khan hripui kha a fea; A kehaia irthokin mei ir-al irling a fe suaka.

NAMBAR 14:12

Hripui zuang tîr ki ta, inboipaihai ki ti. Khannisian nangma chu nam tinhai pa nang inchangtir ki ta, anni nêka tam ual le hrât ual la ni an ti,” a tia.

NAMBAR 16:49

Kora chungchânga thihai tep loiin, hria thi murdihai chu sîngkhat sângminli le irzasari an ni.

NAMBAR 31:3

Khanchu Mosia’n mipuihai chu a hrilhaia, “Rengpa chunga an sinthohai sika khan Midian mihai doi hrangin, irsiam roi.

LUKA 21:11

Hnîngnupui tho a ta, hmun dang danga châm tâk a ta, hrihai pung a ta, irvân ata ichiomhai le siatna irkhêl tak tak hong om a ti.

DÂN INHNINA 28:21

Nin ram lua hranga khan vânduaina inzen nangni’n tong nin ta, dam hring suak tûte om no chin ni.

DÂN INHNINA 32:25

Tuala khandai tong an ta, in sûnga khom thil irkhêltak tak, dôngmate ruatharte, vânglai that an ta, nâipang khom tar khom hôi no nihai.

DÂN INHNINA 32:35

an ke sir kha a’rdang tika phubâ la ki ta, thuan ki ti, an siat zoro kha a hong nâi ta. An chunga hong tung hrang kha tuang lat an ti.

DÂN INHNINA 32:41

Khandai intât inngaih ki ta, dik takin roirêl ki ti. Ki râlhai chunga phuba la ki ta, ni khôkmâktuhai chu hrem ki ti.

ROIRÊLTUHAI 15:11

Judai ram mi sângthum Etam rôl khura khan an zu fea, Samsona kuang, “Filistia-hai hi kin chunga thuneituhai an nih ti inhre mak che mo? Kin chunga ni tho lam hi itina mani tâk?” an tia. Ama khan, “An ni ilong angin an chunga ki itho a ni kha,” a lei tia.