LEVI DÂN 24:2 - PATHIAN LEKHABU IRTHIANG C.L. Bible (BSI)

² “Israel mihai khan oliv hriak irthît infâi meiser tui hrangin hong chôihai sianlân, a zoro taka a ibel hen hrang a ni.

LEVI DÂN 24:2 ပူးပေါင်းရင်းမြစ်များ

2 KORINTH 4:6

“Inthima irthokin vâr hong vâr suak a ti,” tihtu Pathian ngêt khan a ni, Krista hmêla Pathian roiinpuina vâr suak kin inhriatna hrangin kin lungrîl a ivâr tâk a ni.

JOHANA 8:12

Jisua’n Farisaihai kuang thu an sîr nôka, “Keima hi rammual êl invârpu ki ni. Tukhom a ni zuitu chu inthima lêng viat no nihaia, hringna vâr nei ual an ti,” a tia.

TÎRTÔNHAI SINTHO 26:18

Keima ni iam sika an sualhai ngaidam an nina hrangin mi irthianghai laia irchon dongtum an nei sa theina hrangin. An mit invâr hrangin, inthim ata vâr hong inkîrtir hrangin Setana thuhnuai ata Pathian tiang hong inkîrtirtu hrang ni ni,” a ni tia.

JOHANA 5:35

Johana chu meiser chok tak le vâr tak ang a nia, a vâra raifân taka hong om chot khom nin nuama.

JOHANA 1:9

Kha vâr kha vâr dik tak, rammuala zuanga mi tin zuang invârtu chu a ni.

JOHANA 1:4

Amaa hringna a oma, kha hringna kha mihriamhai vârna a ni.

LUKA 12:35

“Irthok sai diamin, meiser bel sai leh irsiam mai roi.

LUKA 1:79

irvân ata vârin, inthim le thina dâihlim hnuaia omhai êl invâr a ta, Irtharngamna lama kal nin chôitir a ti,” a tia.

MATHAIA 5:16

Khaang dênin nin vâr kha mi mit hmu’n vâr ri se; khanchu, nin thil tho sahai kha hmu an ta, nin Pa irvâna mi chôiindôm thei an ti.

MATHAIA 4:16

Inthim hnuaia toihai khan vâr roiinpuitak an hmua, Thina ram inthim hnuaia toihai chunga a zuang vâr ta,” tia a lei insîr kha a hong tung indikna hrangin, kha kha a hong iom a ni.

ISAIA 11:2

Rengpa irtha’n ompui a ta, vârna le inhriattheina hai, irfûktir theina le hâina hai, Rengpa chitna le inhriattheina irtha inneitir a ti.

ISAIA 8:20

Irchutirna thu nangni ki ihrilhai kha irngaitua sabak roi, anni thuhril chu omzia nei mah.

THUVÂRHAI 6:23

An thupêkhai kha vâr irtêk ang kha a nia; an hrilna khan hringna lampui nang irhmutir a ti.

INPÂKNA HLAHAI 119:130

Ni thu hrilfiana hin mihai an vârtira, Mi’nmôlhai chu inhriat thiamna a pêk ngai.

INPÂKNA HLAHAI 119:105

Ni thu hi ki ke hrangin meiser a nia, Ki lampui hrangin vâr a ni.

2 THURCHI SUINA 13:11

Zîng tin le khohloi tina Rengpa ta hrangin mirimhoi an hâla, hâlirvôm thilinhlanhai khom an inhlan ngai a ni. Bai kathâr chu dokâng irthianga an sia mai ngaia, khohloi tiang chu rângachak meiser khom an la ihâl mai ngai a ni. Keini’n chu Rengpa thupêk kin la zôm mai ngai a nia, nangni rêkin chu nin imâk tâk a ni.

FESUAKNA 40:24

Sim tiang khan puan in sûnga meiser siana chu dokâng depna tiang an toia.

FESUAKNA 39:37

rângachak felfata siam meiser siana, meiserhai, a hmangrua murdi meisera inchok hrang meitui;

LEVI DÂN 24:1

Rengpa’n Mosia kuang:

LEVI DÂN 24:3

Irtongna puan in sûnga hmun irthiangtak, thuthung siana, puanzâr pên tiang, khohloi tin Arona’n bel a ta, a tûk khovâr dênin a ibel pat hrang a ni. Hi thil hi kumkhuaa tho hrang a ni.