LEVI DÂN 23:32 - PATHIAN LEKHABU IRTHIANG C.L. Bible (BSI)

³² Tarik kuak khohloi, misa tâk ata tarik sôm khohloi misa tâk dênin irngam nia hmang hrang a ni,” a tia.

LEVI DÂN 23:32 ပူးပေါင်းရင်းမြစ်များ

NEHEMIA 13:19

Khanchu hiang hi a nia, irngam nî a hong ni nôkin chu Jerusalem kul mikot a hong inthim nôka, khanchu mikothai khâr hrangin thu ki pêka, irngam nî a hek mâka chu inhong loi hrangin thu ki pêka; irngam nia an thil hong pêlhai an lâk thei loina hrangin ki ruatharte dônhai mikot kin hrungtirhaia.

INPÂKNA HLAHAI 35:13

Keima’n chu an dam no’n bora ki sila: Bu ki ngheia, kûn chian chianin ki chongchaia.

INPÂKNA HLAHAI 51:17

Pathian nuamlam irbôlnahai chu irtha milung koi hi a ni. O Pathian milung insiat le irsîr ngôi ngôi hi hmusit ngai mak chea.

ISAIA 57:15

Hmun irsânga om, kumtuanga hring, mi irthiangin hiang hin a ti: Hmun irthiang irsângtaka om khom inlân, mi thuhnuairôl le irsîrhai kuang chu, chôiirsâng le nin har nôk hrangin ki om mai ngai.

ISAIA 61:3

Zion khua beidonghai inthâi hrang le an beidongnahai ata inhartirhai hrangin, porche taka om inhartirhai nôkna hrangin, a lei ngûi tâkhai inpâkna hla insaktirhai nôk hrangin tîr ki ni. Rengpa’n ama chôiindôm hranga a iphun thing inditom taka an nih ti thu hril hranga ki ni.

LEVI DÂN 16:29

Hi dân hi kumkhuaa zôm hrang a ni. Tha sarina tarik sûn sôm niin chu Israel mi murdi le an laia nam dang om sahai khan bu nghei an ta, sin an itho hrang ni mah.

LEVI DÂN 16:31

Hi nikhua hi nikho ser, ser ir-up khak hrang a ni, bu ngheia sin khom tholoi hrang a ni. Hi dân hi kumkhua’n zôm hrang a ni.

LEVI DÂN 23:27

“Tha sarina, tarik sôm hi kum tin nam pumpui sual irbôlna nikho roiinpui a nia, bu ngheiin nin inkhôm hrang a ni. Rengpa kuang hâlirvôm thilinhlan nin inhlan hrang a ni.

LEVI DÂN 23:31

Hi dân hi nin omna kipa nin irchihai khomin kumkhua’n an izôm hrang a ni.

LEVI DÂN 23:33

Rengpa’n Mosia kuang:

MATHAIA 5:4

“Irtha’nvâihai chu an vân a sa e, irtharngam la ni an ti.

1 KORINTH 11:31

Mâni ir-en masa ngai inlân chu roirêl pe’n ei iom loi hrang a ni.

HEBRAI toc2 HEBRAI 4:11

Tho, khasikin anni anga iam loina sika chuk loia om loiin irngamna khan ei lût theina hrangin a sân irnak song ei ti.

HEBRAI toc2 HEBRAI 4:3

Eini a iamhai chu, Pathianin a inkung irngamnaa khan ei ilût mai a ni. “Ki ninginmurna sikin chonginkung ngar tak ki neia, Ki’rngamna hrang rama khan lût viat no ni,” a iti ang khan. A sinthohai kha irnêng le irvân irsiang phuta a izoi tâk ni khomsian, kha chong kha a la iti a ni.