LEVI DÂN 22:18 - PATHIAN LEKHABU IRTHIANG C.L. Bible (BSI)

¹⁸ “Arona hai, a nâihai le Israel mihai chu hril ro: Israel mi’n mani, an laia om nam dangin mani, chonginkungna thilinhlan mani, mâni nuam thua thilinhlan mani, Rengpa kuang hâlirvôm hrang an hong chôiin chu,

LEVI DÂN 22:18 ပူးပေါင်းရင်းမြစ်များ

2 THURCHI SUINA 31:14

Imna nâipa Korea, tempil nisua tianga mikot hrungtu hruaitutak chu Rengpa kuanga an thilinhlan le ser bîkhai zêk hrangin an inkunga.

INPÂKNA HLAHAI 116:14

Ki chong inkunghai chu Rengpa kuang hlen ki ta, A ni, a mihai murdi makunga khan.

INPÂKNA HLAHAI 116:18

Ki chong inkunghai chu Rengpa kuanga hlen ki ta, A ni, a mihai murdi makunga khan.

INPÂKNA HLAHAI 22:25

Inkhômna roiinpui taka nang ki inpâk ngaina hi nangma kuanga om a ni: Ama chituhai makunga khan ki thu’nkung sua tum ki ti.

INPÂKNA HLAHAI 56:12

O Pathian, ni kuang chong inkunghai ki neia: Lôm thu’nsîr irbôlnahaiin nang thuan ki ti.

INPÂKNA HLAHAI 61:5

O Pathian, nangma’n chu ki thu’nkunghai nir ngaituaa: Ni’rhming chituhai ram lua chu ni pêka.

INPÂKNA HLAHAI 61:8

Khanchu ki thu’nkunghai a nitin ki sua theina hrangin, Kumkhua’n nir hming inpâkin zâi ki ti.

INPÂKNA HLAHAI 65:1

O Pathian, Zion-a khan inpâkna’n nang a nghâk mai: Thu’nkung chu ni kuang sua ni a ti.

INPÂKNA HLAHAI 66:13

Hâlirvôm thilinhlanhai leh ni ina lût ki ta, Ki chonginkunghai kha ni kuang hlen ki ti.

FESUAKNA 12:5

An indit inthangna khom kêlbelrate a ni no le kêl nei thei nin ta, khannisian a chal kum khata mi, demnaboi a ini hrang a ni.

THUHRILTU 5:4

Khasikin, Pathian kuang thu nin kunga ni’n chu, inrang takin sua tum ro; mi invêt chu lômna rêng rêng nei ngai ma, ni chonginkung chu irkiptir lat roh.

LEVI DÂN 1:10

Belra mani kêl mani hâlirvôma inhlan hrangin chu a chal, hmêlveiloi, a ini ngêt hrang a ni.

LEVI DÂN 1:2

Israel nâihai kuang hiang hin ti ro: Rengpa kuang thilinhlan nin hong chôiin nin sa vâi, sehrât laia mani belra le kêl laia mani nin hong ilâk ngai hrang a ni.

LEVI DÂN 17:10

“Israel sûngkua laia mi mani, an laia nam dang om mani, a thisen le ileh sa fâk tâk ka chunga, Rengpa ningthik chum a ti. Pathian mihai lai ata inhnotsuak hrang a ni.

LEVI DÂN 17:13

“Israel mi’n mani, an laia nam dangin mani, sa irthiang khom, va irthiang khom ramchainaa man sianlân, a thisen kha irnênga inzung inkangtir a ta, vâiphinin a isirpol nôk hrang a ni.

LEVI DÂN 22:17

Rengpa’n Mosia kuang:

LEVI DÂN 23:38

Hi kût hi sabat ser bâka ser hrang a ni; khan, hi thilinhlanhai hi Rengpa makunga nin inhlan ngai chonginkung thilinhlanhai, nuam thilinhlanhai bâka tho hrang a ni.

LEVI DÂN 7:16

Irpôlkhôm thilinhlan chu chonginkung hlochukna sika mani, mâni nuam thua thilinhlan rêng rêng mani chu, a hme kha an hlan nia fa zit ual hrang ni ma, a tûka khom la fa thei a ni.

AMOSA 4:5

Khan, chol kop loi lômthu hril irbôlna kha inhlan unglân, mâni nuamlama inhlanhai kha hril unglân, inpuang roi: O Israel nâihaio, hi hi nin nuamlam tak a ni, Rengpa pathianin a tia.

JONA 1:16

Khanchu, mihai khan Rengpa kha a satêrengin an chi tâka; Rengpa kuanga khan irbôlna an inhlana, chong an inkung tâka.

JONA 2:9

Kei rêkin chu lômthu insîrna irhâi leh ni kuang irbôlna inhlan ki ta; Thu ki inkung tak kha hlensua ki ti. Saninhringna kha Rengpa ta a ni,” tiin.

NAHUMA 1:15

Tânghaia thurchi Sa intunga, irngeina thu tânginsampuitu ke kha en ta! O Juda, ni kûthai kha serin lân, ni thu’nkunghai kha sua ro: mi pualoi khan nang paltan nôk ta no ni; irhmangtir chit a ni tâka.

MALAKIA 1:14

A belra pâl laia a chal om chianin, chong khom inkungin Rengpa kuang a hmêlvei inhlana huangtu kha khosâl tong a ni: Kei chu rêng roiinpui tak ki nia, kha rêng roiinpui tak ki nia, ki’rhming khom Jentailhai laia ichiom a ni, Sipaihai Rengpa’n a ti.

NAMBAR 15:3

Rengpa kuang sehrâtchal mani, belrachal mani, kêl mani, pum hâlirvôm thilinhlana hrangin mani, mâni nuam thua thilinhlanna hrangin mani, chonginkung inkungna hranga irbôlna hrangin mani, nin Ferkân Kût zoro nia thilinhlanna hrangin mani, Rengpa kuang hong chôi a ta, kha kha Rengpa ta hranga mirimhoi chu ni a ti.

TÎRTÔNHAI SINTHO 18:18

Paula chu nikho sôt tak a la châma, kha zoi hnunga chu urênghai kha satakin an thâhaia, Suria ram tiang panin irkuangin a fe suak tâka, a kuang Priskili le Akuila khom an fe sa. Paula’n chonginkung a lei nei sikin, Kenkriai khuaa a sam a lei ep baka.

DÂN INHNINA 12:17

Nin ina khan sôma inkhat, nin bu, uain, sahriak hai le nin sâ vâi le belra pâl laia suak masa tak, nin chonginkungnaa, ngaihoi thilinhlan hai, hruaithe irthârna thilinhlan hai kha fa thei no chin ni;

DÂN INHNINA 12:6

Kha khan nin hâlirvôm thilinhlan hai le nin thilinhlan danghai nin hong inhlan hrang a ni; nin sôma inkhathai, nin thilpêk hai, nin inkung chumna thilinhlan hai, nin nuam thilinhlan hai, nin sâ a tê suak masa takhai, nin hong ichôi ngai hrang a ni.

DÂN INHNINA 16:10

khanchu, Pentikos kût kha hmang unglân. Rengpa nin Pathianin satvurna tamtak nangni a vur ata ama chôiindômna hrangin nin thil manboi pêkhai kha inhlan roi.