LEVI DÂN 22:15 - PATHIAN LEKHABU IRTHIANG C.L. Bible (BSI)

¹⁵ Ochaihai khan thilinhlan irthiang hi an porinchetir hrang ni ma.

LEVI DÂN 22:15 ပူးပေါင်းရင်းမြစ်များ

NAMBAR 18:32

A satak nin ipêk kha a sual man nin chunga chum no nia, Israel irchihai thil irthiang chu porinchetir no roi, nin thi loina hrangin ti ro,” a tia.

LEVI DÂN 19:8

Khaang fâk chu thil irthiang a porinchetira, a mô a ipêl hrang a ni, a mihai khan an iensan hrang a ni.

EZEKIELA 22:26

Ochaihai khomin ki dânhai an inchâia, thil irthiang uksak loiin, thil irthiang le porinche thua irchutirna nei mahaia; sabat sûn khom uksak loiin. Khasikin, Israel mihai hin mahrip ni tho loiin an iom zoi a ni ta.

LEVI DÂN 22:9

“Thil tho hrang dân ki itihai hi an izôm zit hrang a ni, an zôm nuam no’n chu a mô pêl an ta, thi an ti; anni indangtu Rengpa ki ni hi.

LEVI DÂN 22:16

Fâk loi hrang irchihai an infâktir hrang ni ma; an fâkin chu thiamno chang an ti, tuang an ti. Hi thilinhlan irthiangtu Rengpa kha ki ni,” a tia.

FESUAKNA 28:43

Arona le a nâihai khan, puan ina an hong lût zoroa, Hmun Irthianga om maichâma ochai sintho hranga an hong zoro khoma, kha kha an ikai ngêt hrang a ni. an inzakpui ngai an lang duai khoma that an ni loina hrangin, hi hi Arona le a’rchihai hrangin kumkhuaa tho hrang dân chu a ni.