LEVI DÂN 21:5 - PATHIAN LEKHABU IRTHIANG C.L. Bible (BSI)

⁵ Ochai tukhomin lusûn entîrna hrangin a lu kiangkhat a ivoi inkol hrang ni ma, a hnerkamul a ivoi hrang ni ma, a ir-ât irphop hrang ni ma.

LEVI DÂN 21:5 ပူးပေါင်းရင်းမြစ်များ

ISAIA 15:2

Dibon mihai chu Pathian biakna hmun irsânga chap hrangin an fea, Moab mihai chu an lu an ep inkola, hnermul an voipaia, Nebo le Medeba khua an irzuk nôk tâk a ni.

ISAIA 22:12

Kha ni khan chu, Rengpa itinrêng Rengpa chapa khêk hrang le lu ep inkola, bora puan sil hranga titu khan;

JEREMIA 16:6

Irchong le inriang, hi rama hin thi an ta, tûte’n phûmin châ no nihai. Mi tukhomin a ichâ a nih ti irdangna’n a taksa inphopin a lu khom ep inkol no nihai.

JEREMIA 48:37

An rêngin an lu an ep inkola, an hnerkamulhai an paia, an rêngin an kut an âta, mi tinin bora puan an sil tâka.

EZEKIELA 44:20

“Ochaihaiin an lu an ivoi inkol hrang ni maka, an sam khom an inseitir hrang ni ual ma, a ruk bakin kêng an ihôi hrang.

EZEKIELA 5:1

Khan Rengpa’n, “Mihriam nâipa, sam voina bavo ngaihtak lan lân, ni lu le ni biang mul voipai zit ro, khan ni ivoina mul kha phalla leh varin lân, hmun thumin sem roh.

LEVI DÂN 10:6

Mosia’n Arona le a nâipa Eleazara le Ithamara kuang, “Lu nin irsûkin nin sam intha no unglân, nin puan khom ir-ek thêr sa no roi; khaang khan nin tho’n chu nin ithi ngêt hrang a ni, Rengpa chu nam pumpui chunga a ninginmur a ti, Rengpa meiin a ikâng thathai kha nin urêng Israel danghai khan châ thei an ti.

LEVI DÂN 21:4

A dôngma sûngkuahai ruak khom tônin a iporinche hrang ni ma.

AMOSA 8:10

Nin kût nikhuahai kha chardongnaa le nin hlahai murdi kha chapnaa inchangtir ki ti; nin kong murdi kha bora puan diar inkaitir ki ta, lu sîp tina khan inkolna hong intungtir ki ta; mi’n a nâipa neisun a isûn angin om nin ti. Kha nikhua kha chu a mong dênin dengtheina, intakna nikhua ni a ti.

MIKA 1:16

Irziat inkolin lân, ni nâi inditom takhai sikin ep inkol ro: râikoso angin irvoi inkol intam ual ro; ni kuang ata sala hruaiin an om tâka.

DÂN INHNINA 14:1

Rengpa nin Pathian mihai nin nia, khasikin, mithi nin sûnin ir-ât phop no unglân, nin michal sam epinkol sa no roi.