LEVI DÂN 20:5 - PATHIAN LEKHABU IRTHIANG C.L. Bible (BSI)

⁵ keima ngeiin kha mi chunga le a in sûng mihai chunga insum ki ta, Moleka biaka keimaa iamom loihai murdi chu ki mihai laia inkhop ta no ning.

LEVI DÂN 20:5 ပူးပေါင်းရင်းမြစ်များ

2 THURCHI SUINA 21:11

Judai ram tâng rama pathian dang biakna hmun irsâng a sinhai hluka. Judai ram le Jerusalem mihai chu Rengpa ata tehel zonga, thilsual tho hrangin a kaihruaihaia.

INPÂKNA HLAHAI 106:39

Khaang khan an sinthohaia porinchetirin an oma, An sinthohai khan an hong uire tâka.

FESUAKNA 20:5

Annihai kha chubai ni imûk hrang khom ni ma, an sin khom ni itho hrang ni mah. Keima Rengpa ni Pathian hi Pathian nunsetak ki nia, a ni hualtuhai chu an irchi khom irlo thum irlo minli dênin an pahai sualna sikin an nâihai deng kin theitir ngai.

JEREMIA 3:2

Tâng sîphai khi hong thîr ngân ta, notizuar anga ni om loina mo a om? Arab-haiin ramchâra mi an inruang ngai ang khan, ni indithai chu lampui tuana ni inghâk ngai angin, ni notizuarna le ni pualoinahaiin ram chu ni iporinchetir zoi a ni ta.

JEREMIA 32:39

An dam sûnga hrang sintum inkhat pehai ki ti: an ta hranga sa hrang le an irchi suanpârhai ta hranga sa, zoro tina ni chôiirsâng hrangin.

JEREMIA 44:11

“Khasika khan keima Rengpa Itinrêngthothei, Israelhai Pathianin nin ta hranga saloi thil, Judahai irhmangna hrang ki intungtir hrang a ni.

HOSEA 2:13

Mirimhoi a hâl pe ngai Baal nikhuahai kha a chunga thuan ki ti, kha lai khan a bômzoihai le a irvônahai ar bela, ar ditpuihai a pana, keima a ni irnghil a nih ti hi Rengpa thu suak a ni.

HOSEA 2:5

An nu khan noti a zuar ngaia, anni invongtu kha inzakom takin a om: ki bu hai, ki tui hai, ki samul hai, ki pat hai, ki sahriakhai le ki in hranghai ni pêktu, ki irditpuihai irzûl ki ti, a iti a ni.

LEVI DÂN 17:10

“Israel sûngkua laia mi mani, an laia nam dang om mani, a thisen le ileh sa fâk tâk ka chunga, Rengpa ningthik chum a ti. Pathian mihai lai ata inhnotsuak hrang a ni.

LEVI DÂN 17:7

Kêl lu nei ramilhli an ibiak hrang ni ta ma; khaang biak chu Rengpa ata an iuire a ni. Hi dân hi Israel mihaiin kumkhua’n an izôm hrang a ni.

LEVI DÂN 20:4

Israel mipuihaiin kha thil kha a’rnghil om tho’n, an that nuam no’n chu,

LEVI DÂN 20:6

Ramilhli ikop le dôi thei pantuhai chu irheisan ki ta, ki mihai laia inkhop ta no ning.