LEVI DÂN 20:3 - PATHIAN LEKHABU IRTHIANG C.L. Bible (BSI)

³ Mâni nâi Moleka kuang inhlana ki hmun irthiang porinchetira, ki’rhming irthiang insiattu chu irheisan ki ta, ensan ki ti.

LEVI DÂN 20:3 ပူးပေါင်းရင်းမြစ်များ

FESUAKNA 30:33

Hianga irpol hrang sahriak le thil danga ki siamhai mo, ochai rua ni loi lei pol mihai chu ki mihai laia inkhat khom tep ni no nihai,” a tia.

EZEKIELA 20:39

Nangni Israel insûng mihaio, Rengpa pathianin hiang hin a ti: “Mâni millim chu pan zêl unglân, chubai mûk roi, ki chong irngai nuam ngai mak chêi! ki’rhming irthiang hi nin thilinhlan le nin millimhai khan porinchetir ta no roi.

EZEKIELA 5:11

Khasikin, ki hring mai angin intir ni iomna murdi le ni iporinchenahai murdi khan ki hmun irthiang chu a porinchetir tâk sikin hong inboipai ngêt ki ti, ki mitin irhmâi viat no ning, lungthung viat no ning.

LEVI DÂN 15:31

Israel mipuihai porinche loiin an irkêm hrang a ni, irtongna puan in bul zela om an nia, hong porinche lik nihai, ti an ti.

LEVI DÂN 17:10

“Israel sûngkua laia mi mani, an laia nam dang om mani, a thisen le ileh sa fâk tâk ka chunga, Rengpa ningthik chum a ti. Pathian mihai lai ata inhnotsuak hrang a ni.

LEVI DÂN 18:21

Moleka biakna hrang hâlirvôm hrangin ni nâi ni ipêk viat viat hrang ni ma, ni Pathian irhming ni porinchetir ni ti, Rengpa ki ni.

LEVI DÂN 19:12

Ki’rhming sâmin milak tho no ro, ni Pathian irhming insiat no ro, Rengpa ki ni hi.

LEVI DÂN 20:4

Israel mipuihaiin kha thil kha a’rnghil om tho’n, an that nuam no’n chu,

LEVI DÂN 21:6

A irthiang hrang a ni, ki’rhming a insiat hrang ni ma; hâlirvôm hâltu a nia, ki kuang fâk hrang inhlantu ni sa a ta, a irvong irthiang hrang a ni.

LEVI DÂN 7:20

Mi porinche laiin irpôlkhômhai thilinhlan hme hi a fâkin chu ensan hrang a ni.

LEVI DÂN 7:21

Mihriam mani sa ata mani thil porinche suak tôntu chu hi hme hi a fâkin chu ensan hrang a ni, a tia.

NAMBAR 19:13

Tukhom ruak tôna a’rthâr irthiang noa ni’n chu irthiang loiin om mai a ti, tui kathâr kha a chunga buakin a om no sikin. Rengpa Biakbuk porinchetirtu a nia, khasikin ama chu Israel irchihai lai ata sâtthâkin om a ti.

NAMBAR 19:20

Mi tukhom Pathian dâna irthiang loitu chu a’rthâr irthiang mâka chu ama chu irthiang loiin om mai a ti, tui kathâr kha a chunga inthek a la ni no sikin. Rengpa hmun irthiang a porinchetir sikin mipuihai lai ata sâtthâkin om a ti.

2 KORINTH 6:16

Pathian tempil le millimhai khomin imo irzomna an inei? Eini chu Pathian hring tempil kêng ei ni. Pathianin, “Ki mihai kuang in sin ki ta, an kuang om ki ti; Keima an Pathian ni ki ti,” a iti ang khan.

1 PETERA toc2 1 PETERA 3:12

Rengpa mit chu mi felhai chunga a chuma, An chongchaina khom ar ngaitua ngai. Khannisian thil saloi thotuhai chu a doihai ngai,” a iti angin.