LEVI DÂN 20:26 - PATHIAN LEKHABU IRTHIANG C.L. Bible (BSI)

²⁶ Ki ta bîk hrangin nin irthiang hrang a ni, ki ta nin nina hrangin nam dang lai ata nangni ki inthang suak a ni.

LEVI DÂN 20:26 ပူးပေါင်းရင်းမြစ်များ

NEHEMIA 10:29

an urênghai, an milian hai kha mahai loiin Pathian siahlo Mosia pêk Pathian dân zôm hranga, Rengpa kin Rengpa thupêk murdi le a roirêlnahai le a thu’nkung chu zôm le vonga,

INPÂKNA HLAHAI 99:5

Rengpa ei Pathian chu chôiindôm unglân, A ke irnghatsan bula khan chubai mûk roi: Ama chu a irthiang a ni.

INPÂKNA HLAHAI 99:9

Rengpa ei Pathian chu chôiindôm unglân, A tâng irthianga khan chubai mûk roi; Rengpa ei Pathian kha a’rthianga.

FESUAKNA 33:16

Kin kuang ni hong sa no’n chu, ni mihai le ki chunga hin ni milung a chuk a nih ti itin mo kin inhriat thei hrang? Ni ompuina khan irnêng chunga mi danghai laia danglamna tak a ni inneitir hrang a ni,” a tia.

ISAIA 30:11

Ni kiang pe unglân, kin kôla om ta no roi, Israel mi irthianghai thu hih hril mai ta no roi,” an tia.

ISAIA 6:3

“Itinrêng Rengpa chu a’rthiang e, a’rthiang e, a’rthiangliai, irnêng pumpuia a roiinpuina’n a sip,” tiin an irsam irhlôm, an irsam irhlôma.

LEVI DÂN 11:44

Kei Rengpa hi nin Pathian ki nia, ir-enkol insa unglân, kei hi ki’rthiang a ni, nangni khom nin irthiang sa hrang a ni. Irnênga lôn zât chi rêng rêng hin porinche no roi.

LEVI DÂN 19:2

“Israel mipui pungkhômhai kha hril roh: nin irthiang hrang a ni, kei Rengpa nin Pathian hi ki’rthiang sikin.

LEVI DÂN 20:24

Hi ram, khuaihlutui le dût tui luangna ram hi, nin ilua hrangin nangni pêk hrang kin kung tâka, nangni pe ngêt ki ti; Rengpa nin Pathian ki ni, nam dang lai ata nangni ki ilâk indang a ni.

LEVI DÂN 20:7

Rengpa nin Pathian ki ni sikin irvong irthiang roi.

LEVI DÂN 20:8

Ki dânhai hi zôm unglân, tho ngai roi. Rengpa nin Pathian kha ki ni, nangni indangtu ki ni.

DÂN INHNINA 14:2

Rammuala om murdihai laia nangni hi Rengpa nin Pathian ta hranga nam inthang, ama hrang ual bîka Rengpa inthang suakhai kha nin ni.

DÂN INHNINA 7:6

Nangni chu, Rengpa, nin Pathian ta hrangin ser indang khak nin ta; Rengpa nin Pathian khan rammuala nam tinrêng lai ata a dongtum bîk ni hrangin nangni a inthang a ni.

TITA toc2 TITA 2:14

Ama ngei chu ei ta hrangin a’rpêka, tho’nsualna tinrêng ata a nir tan suaka, ama mi hrangin a ni’rthiangtira, thil sa tho nuamna a ni ipêk a ni.

JOSUA 24:19

Josua’n mipuihai makunga, “Rengpa sin hi tho thei no chin ni: Ama chu mi irthiang a ni, pathian dang rêng rêng irngai thei maka, nin tho inchâinahai le nin sualhai ngaidam thei no ni.

THUPHUANG 3:7

“Filadelfia koiindang vântîrtôn kuang hiang hin irziak roh: Hi thu hi mi irthiang tak le a dik tak, Davida châbi neitu, tûte ikhâr theiloi hrang inhong, tûte inhong theiloi hrang khârtu khan a insîr a ni.

THUPHUANG 4:8

Kha thilhring minlihai khan mitha kiruk an nei seng, kha an mithahai kha sûng tiang le pên tiang mita sip an ni. A sûn a zânin, “Rengpa Pathian Itinrêngthothei, A om tâka le A om maia le A la om hrangtu chu A’rthiang e, a’rthiang e, a’rthiang e, tia sakin mong ngai mahai,” tiin.