LEVI DÂN 20:24 - PATHIAN LEKHABU IRTHIANG C.L. Bible (BSI)

²⁴ Hi ram, khuaihlutui le dût tui luangna ram hi, nin ilua hrangin nangni pêk hrang kin kung tâka, nangni pe ngêt ki ti; Rengpa nin Pathian ki ni, nam dang lai ata nangni ki ilâk indang a ni.

LEVI DÂN 20:24 ပူးပေါင်းရင်းမြစ်များ

DÂN INHNINA 14:2

Rammuala om murdihai laia nangni hi Rengpa nin Pathian ta hranga nam inthang, ama hrang ual bîka Rengpa inthang suakhai kha nin ni.

DÂN INHNINA 7:6

Nangni chu, Rengpa, nin Pathian ta hrangin ser indang khak nin ta; Rengpa nin Pathian khan rammuala nam tinrêng lai ata a dongtum bîk ni hrangin nangni a inthang a ni.

FESUAKNA 6:8

Abrahama, Isaka le Jakoba ki lei ipêkhaina ram hi nangni’n hong lua nin ta, nin irchon ni ta a ti: Kei Rengpa ki nih tiin hril ta nin tih a tia.

FESUAKNA 3:17

Aigupta rama dengthei taka nin iom hi, nangni hruai suak ki ta, Kanaan hai, Hit hai, Amor hai, Periz hai, Hiv hai le Jebus hai ram khuaitui le dût tui luangna rama nangni hruai lût ki ti, ki lei iti kha tiin ki kuang a zuan lâr a ni; zu ti’n lân.

FESUAKNA 3:8

Khasikin Aigupta mihai kuang ata hruaisuaka inzôkhai hrang le, kha ram mâksana, Kanaan hai, Hit hai, Amor hai, Periz hai, Hiv hai le Jebus hai omna ram sa le lian tak, khuaitui le dût tui luangna rama hruai suak hrangin ki zuang isuak a ni ta.

LEVI DÂN 20:26

Ki ta bîk hrangin nin irthiang hrang a ni, ki ta nin nina hrangin nam dang lai ata nangni ki inthang suak a ni.

FESUAKNA 33:16

Kin kuang ni hong sa no’n chu, ni mihai le ki chunga hin ni milung a chuk a nih ti itin mo kin inhriat thei hrang? Ni ompuina khan irnêng chunga mi danghai laia danglamna tak a ni inneitir hrang a ni,” a tia.

1 PETERA toc2 1 PETERA 2:9

Nangni chu nam inthang, Rengpa ochai, nam irthiang, Pathian ta bîk, ama vâr irkhêl taka lût hranga inthim ata nangni koi suaktu Pathian sintho roiinpui inpuang hrang nin ni.

1 RÊNGHAI 8:53

Anni chu rammuala nam tinrênghai ni siahlo Mosia kin puhai Aigupta ram ata a hruai suak lai khan, ni lei insîr pehai tâk ang khan,” a tia.

NAMBAR 23:9

Lungpui irsâng tak ata ki hmuhaia, tângsîp ata khom ki hmuhai theia; anni chu nam a binga om indet sai an nia; nam danghai nêk khomin satvurin an om ti an inhriata.

FESUAKNA 33:3

Ram irchong irnêng sa hmuna nin ife hrang a ni, keima chu ni kuang hong ual no ning, tukullian mi an nia, lam laia nangni ki that irhmangtir duaiin chu,” a tia.

FESUAKNA 13:5

Rengpa’n Kanaan mihai, Hit mihai, Amor mihai, Hiv mihai, Jebus mihai ram, dûttui le khuaitui luangna ram, nin irchibulhai pe hranga lei chonginkunga khan nangni a hruai intung tena chu, hi thaa hin a kum tin nin ihmang hrang a ni.

2 KORINTH 6:17

Khasikin, “Anni laia irthokin hong suak unglân, A bingin om roi, Thil porinche rêng rêng tôn no roi, Rengpa’n a ti. Khanchu, nangni pom ki ti.

JOHANA 15:19

Rammuala mi ni unglân chu, rammualin ama ta angin lung nangni a ithung hrang a ni. Khannisianlân, rammual ata nangni ki inthang suak nin nia, rammual mi nin ni ta no sikin rammualin nangni a ihnôl a ni.

FESUAKNA 33:1

Rengpa’n Mosia kuang khan, “Nangma le ni mipui Aigupta ram ata ni hong ihruaisuakhai khan hi hmun hi masan unglân, Abrahama, Isaka le Jakoba le an irchihai pe hranga ram ki inkungna khan fe roi.

LEVI DÂN 14:34

“Nin inei hranga nangni ki ipêk Kanaan ram nin tung tika chu, ram nin va idong nin in sûnga phâr hri kin koptirin chu,