LEVI DÂN 2:9 - PATHIAN LEKHABU IRTHIANG C.L. Bible (BSI)

⁹ senkhat nok thâk a ta, a inokthâk kha a ihâlirvôm hrang a ni; kha kha a rênga hâlirvôm entîrna ni a ti. Hi hi hâlirvôm thilinhlan a nia, Rengpa nuamlam tak a ni.

LEVI DÂN 2:9 ပူးပေါင်းရင်းမြစ်များ

FESUAKNA 29:18

A rêngin thilinhlan belra chu ni inhlan hrang a ni, hi thilinhlan mirimhoi hin ki milung a inchuktir ngai a ni.

ISAIA 53:10

Rengpa’n, ‘Vîk intuangtir hrang a sa,’ a tia. Na a ituang tâk a ni. A hringna chu sual irbôlna’n ni pom tena, ar chihaiin hmu mai an ti, a dam lai sûn bôk pe ni a ta, a kuta Rengpa indit lam chu hlochuk a ti.

LEVI DÂN 1:9

A phîng sûng le a kehai kha irsûkinfâi hrang a nia, an hlantu ochai khan maichâma a rêngin a ihâlirvôm hrang a ni. Hi hi hâlirvôm thilinhlan tho lam dân hrang a ni; kha kha Rengpa nuamlam tak a ni.

LEVI DÂN 2:16

Ochai khan changpêr le sahriak tômte, a rênga irthûlin la a ta, bero le khan bu le bâl thilinhlan Rengpa hrangin hâlirvôm hrang a ni.

LEVI DÂN 2:2

Ochai khan baidi kha hap a ta, sahriak tômte le berohai leh khan maichâma a ihâlirvôm hrang a ni, kha kha a rênga hâlirvôm a nih ti entîrna hrang a ni; hâlirvôm thilinhlan a nia, Rengpa nuamlam tak a ni.

LEVI DÂN 2:8

Khaang thil kha Rengpa kuang nin hlan hrangin, ochai kha pe’n lân, ama’n maichâma chôi a ta,

LEVI DÂN 24:7

Bero’n zen, idôr ten mani bai sia irtângna khan sehai ro, kha khan bai kha Rengpa kuang fâk hrang thilinhlana ni entir a ti.

LEVI DÂN 4:31

A thâi murdi chu irpôlkhômhai thilinhlana itho ang taka khan maichâma a ihâlirvôm hrang a ni; kha kha Rengpa nuamlam tak a ni. Khaang khan thilsual thotu sual irbôlna chu inhlan a ta, ngaidam ni ta a ti.

LEVI DÂN 5:12

Ochai kuang hong chôi a ta, fâk hrang thilinhlan angin Rengpa kuang inhlan zit a ni entîrna hrangin senkhat lei hap a ta, maichâma fâk hrang thilinhlan angin hâlirvôm a ti. Sual irbôlna thilinhlan a ni.

LEVI DÂN 6:15

Baidi le sahriak kha a chimrip thâr a ta, bero leh maichâma hâl a ti, kha kha a rêngin Rengpa kuang inhlan a nih ti entîrna a ni, Rengpa lôm lam tak a ni.

ZAKARIA 13:7

Khan Sipaihai Rengpa’n hiang hin a hrila, “O khandai, harin lân, keima ta hrang sinthotu belrapu kha that roh. Ama chu thatin lân, belrahai chu irthekindarh an ti.

ZAKARIA 13:9

Khanchu a hmun thuma chu meia infetir ki ta, sumtak chu irthiangtira a iom angin irthiangtir ki ta, rângachak chu fia a ini angin fia ki ti, khanchu ki kuang chongchai an ta, keiin anni chu sâmhai ki ti. Anni chu ki mihai an nih ti hrilhai ki ta, khan anni khomin, ‘Rengpa chu kin Pathian a ni,’ ni ti ta an ti,” a tia.

NAMBAR 5:26

Ochai khan baidi thilinhlan kha kut kângkhat la a ta, maichâma khan hâl a ta, kha zoiin chu nupang kha in intir a ti.

ROM KHUAA MIHAI KUANGA TÎRTÔN PAULA LEKHATHON 12:1

Khasikin urênghaio, Pathian lungkhamna sika hin irbôlna hring le irthiang le Pathian lôm inruk ni hrangin nin takpum kha inhlan hrangin nangni ki ngên a ni; khaang kha nin sintho hrang lam tak a ni.

ROM KHUAA MIHAI KUANGA TÎRTÔN PAULA LEKHATHON 15:16

Jentailhai chu Irtha Irthianga Pathian kuang, lôm inruka irbôlna hranga, inhlan hrangin Thurchi Sa hril hi ki ochai sin a ni.

EFESI 5:2

Krista’n lung a ni thunga, Pathian lôm lam thilpêk le thilinhlan mirimhoi ni hrangin ei ta hrangin a irpêk ang khan lungthungna nei seng roi.

FILIPI 2:17

Nin iamna sin thôna le irbôlnaa khan inhlana om hrang ni khom inlân lôm ki ti, nangni khom nangni lômpui sa ki ti.

FILIPI 4:18

Nin thilpêk murdi ki lei donga, ki nei intam ta. Epafrodita kuta nin thil hong thonhai kha ki lei hmua, ki’rhniang tâk e. Kha kha mirimhoi thilinhlan, pominruk, Pathian nuamlam a ni.