LEVI DÂN 2:1 - PATHIAN LEKHABU IRTHIANG C.L. Bible (BSI)

¹ Rengpa kuang bu le bâl thilinhlan pêktu’n chu baidi a sa zât, hong la sianlân, oliv hriak le bero pol ri se.

LEVI DÂN 2:1 ပူးပေါင်းရင်းမြစ်များ

FESUAKNA 29:2

chol kop loi bai oliv hriaka irpol leh, sahriak pol sai bai phêk satakin siamin lân,

ISAIA 43:23

Hâlirvômna hrangin kêlbelra ni pe mak chea, irbôlnahaiin ite ni chôiindôm mak che. Nin laia thil inhlan chu nangni inphût ma unga, mirimhoi khom nangni insôltir ma ung.

ISAIA 66:20

Rengpa hranga thil inhlan hrang an hong ichôi ang hin nam tinhai laia urênghai chu hong hruaihai an ti. Sakor chunghaia chuang an ta, tâli chunga toi an ta, a’rzônna fonga toi an ta, sakuartung le saringsei chunga chuangin. Israelhaiin khêng irthianga thil inhlan hrang an hong ichôi ang hin, ki tâng irthiang Jerusalema hong an ti, Rengpa’n a ti.

EZEKIELA 46:20

Khanchu ki kuang, “Hi hi a ni ochaihaiin sual ta hranga thilinhlan le tho’nsualna thilinhlan hmehai an suangna hrang le baidi thilinhlanhai an ir-emna hrang chu, thil irthiang rêng rêng tualzôl pêninta uala khan a hong chôi loina hrangin,” a tia.

JOELA 1:9

Baidi inhlanhai, in hranga inhlanhai kha Rengpa in ata inboi a nia; ochai, Rengpa sinthotuhai kha an char a donga.

JOELA 2:14

Rengpa nin Pathian kuang baidi inhlan le in hranga inhlanhai khom khan, kîrin, lungrîl irhei kîrin, satvurna mâksanin om no nih ti tu’n mo an hriat?

LEVI DÂN 14:10

Sûn riat ni’n chu belrate, a chal inhni le a nupang inkhat, kum khat vêla irchang, hmêlveiloi le baidi her thum, sahriak koploi oliv hriak litar hmun thuma hmunkhat hong chôi a ta,

LEVI DÂN 24:7

Bero’n zen, idôr ten mani bai sia irtângna khan sehai ro, kha khan bai kha Rengpa kuang fâk hrang thilinhlana ni entir a ti.

LEVI DÂN 5:11

Vasu inhni mani phervali inhni mani khom a nei no’n chu sual irbôlna thilinhlan baidi sa zât her khat a hong inhlan hrang a ni. Oliv hriak mani bero mani a hong ipol sa hrang ni ma; hâlirvôm thilinhlan ni maka, sual irbôlna thilinhlan a ni.

LEVI DÂN 6:7

Ochai khan Rengpa kuang sual irbôlna chu inhlan pe a ta, a sualna chu ngaidam ni ta a ti, a tia.

LEVI DÂN 9:17

Bu le bâl thilinhlan baidi kha a hapa, maichâma khan a hâl saa.

LEVI DÂN 9:4

Sehrâtchal le belrachal, irpôlkhômhai hrangin hong chôi sianlân, bu le bâl thilinhlan sahriak leh irpol Rengpa kuang hong inhlan sa ri se. A vuan hin kei, Rengpa hi, nin makunga ki hong inlang hrang a ni,” a tia.

MALAKIA 1:11

Misa suakna ata a tâkna dên khomin, Jentailhai laia ki’rhming kha a roiinpuia, hmun tina ki’rhming hrangin mirimhoi inhlan a ni, thilinhlan irthiang le Jentailhai laia ki’rhming a roiinpuia, Sipaihai Rengpa’n a ti.

NAMBAR 18:9

Meia an ihâl mihlia thil irthianghai chu ni ta ni a ta; an thilinhlan tinrênghai, an sual irbôlna hai, an theiloi changna thilinhlan ki kuanga an inhlan hrang ten hin nangma le ni nâipasalhai tum hrang chu ni a ti.

NAMBAR 28:5

Khan baidi thilinhlan hrangin, oliv hriak le irzêl baidi her khat chu inhlan sa nin ti.

NAMBAR 29:18

An baidi thilinhlan le uain thilinhlan a dân ang takin an tam lam izirin sehrâtchal ta hrangin, belrachal ta hrangin, belrate ta hrangin;

NAMBAR 7:13

a thilinhlan chu sumtak khêng khat, a rik lam chu sekel irzakhat sômthum, hmun irthianga sekel sômsari irangpui anga rik tâbor bôm khat fâk thei thilinhlan hranga hriak pol sai baidi sip khak khak;

NAMBAR 7:19

a thilinhlan hrang chu sumtak khêng khat, a rik lam chu sekel irzakhat sômthum, hmun irthianga sekel sômsari irangpuia rik sumtak tom khat, fâk thei thilinhlan hrang hriak pol sai baidi sip mat mat ni a ti.

NAMBAR 8:8

Khanchu sehrâtchal tuai inkhat le buhûm thilinhlan hriaka pol baidi indi tak leh inlatirhai ni ta; khabana sehrâtchal inkhat sual irbôlna hrangin ni ilâk sa hrang a ni.

JOHANA 6:35

Jisua’n, “Kei hi hringna bai chu ki ni; ki kuanga hong ka chu an phîngchâm no ni, tukhom a ni iam chu an tuiinhrâl ta no ni.

1 JOHANA 2:20

Nangni chu, Mi Irthianga khan sahriak nangni a’rthutira, itinrêng nin inhriat a ni.

1 JOHANA 2:27

Nangni chu, a sahriak nangni pol kha nangnia a om maia, tukhom irchu nang mak chêi. A sahriak nangni irpoltirna khan thil tinrêng nangni ar chutira, kha kha a dika, milak ni mah. Khanchu, nangni a irchutir ang khan Kristaa khan om mai roi.

JUDA 1:20

Inditom takhaio, nangni’n chu iamna irthiang taka khan mâni irrual khak unglân; Irtha Irthianga chongchaiin,

THUPHUANG 8:3

Vântîrtôn dang a honga, rângachak mirimhoi hâlna kok chôiin maichâm kôla a ngîra, Pathian mihai chongchaina le rêngtoihmun makunga rângachak maichâm chunga inhlan hrangin a kuang mirimhoi tamtak an pêka.