LEVI DÂN 19:34 - PATHIAN LEKHABU IRTHIANG C.L. Bible (BSI)

³⁴ Nin Israel chanpuihai angin bê unglân, mâni lung nin irthung angin lungthunghai roi. Nangni khom Aigupta rama mikhual nin ni ngai kha inhre mai roi. Kei hi Rengpa nin Pathian ki ni.

LEVI DÂN 19:34 ပူးပေါင်းရင်းမြစ်များ

INPÂKNA HLAHAI 146:9

Rengpa khan mikhualhai chu a enkol ngaia, Pa nei loi le meithâihai chu a changpui ngaia; Mi siahai thiltum rêk chu an siat pe ngai.

FESUAKNA 22:21

Nin laia nam dang omhai soisakin nin isir phûmhai hrang ni ma; nangni khom Aigupta rama mikhualin nin iom kha inhre mai roi.

EZEKIELA 47:22

hihai hi kumkhua irchon hrang chu ni a ta, khanchu ram dang mi nin laia om nâi le tehai lei nei tâkhai khom khan ram kha nin irsem tena anni khomin dongtum nei an ti. Anni chu Israel mihai anga tep sa ni an ta, Israel mihai laia khan tasân pumin ram kha anni’n dong an ti.

LEVI DÂN 19:18

Tu chunga khom phuba la no ro, khôkmâk no ro; lung ni irthung angin ni bômhai kha lungthung roh. Kei hi Rengpa ki ni.

LEVI DÂN 19:3

Mâni nu le pa mahrip nin itho seng hrang a ni, ki thupêk angin ki sabat nikhua nin iser hrang a ni, Rengpa nin Pathian ki ni.

NAMBAR 10:32

Kin kuang ni honga niin chu, Rengpa satvurna kin idong murdi chu nang khomin dong sa ni ti,” a tia.

MATHAIA 5:43

“‘Ni bômhai lung ni ithung hrang a ni, ni râl chu ni ikhôkmâk hrang a ni,’ ti nin inhriat.

DÂN INHNINA 10:19

Khasikin nin laia ram dang mihai kha lungthung sa unglân, nangni khom Aigupta rama mikhual nin ni kha te.

DÂN INHNINA 23:7

Edom mihai chu nin intir hrang ni ma, nin urênghai an ni; Aigupta mi khom nin intir hrang ni ma, an rama nangni an lei imikhual a ni kha.

DÂN INHNINA 23:8

An nâi irlo thumnahai kha Rengpa mihai pungkhôm laia kop sa thei an ti.

RUTHI 2:10

Khanchu, Ruthi chu irnênga a kûna, “Kei nam dang mi hi ni nin hriat nuama, hiang taka lung ni ni inkham hi, itina ma ni tâk?,” a tia.