tasânhai le kutzia en theihai, ârsi en theihai a hmanga, mithi châ theihai, tasân theihai a hmanghaia. Rengpa’n a sa a iti loihai a thoa, a ning an mur pe ta a ni.
Putarhai, ruatharhai, dôngmatehai, nâipangtehai, nupanghai chu that fâi zit ro; aniachu mi a michala irsinsiana om chu inzôk unglân; ki tempil rengata mi thatna irphût roi,” tiin. Khanchu biak in sûnga om upahai chu an that irphut tâka.
Mosia’n Arona kuang, “Rengpa’n hi chungchânga hin hiang hin a ti; ‘Ki sinthotuhaiin chu ki irthiangna hi an iuksak hrang a ni. Ki mihai makunga ki roiinpuizia inlangtir ki ti,’ a ti lele kha te,” a tia. Arona chu a dâihreka.
an kuang, “Pathian Thubua, Pathianin, ‘Ki in chu chongchaina in ti an ti,’ ti irziak a ni. Khannisian, nangni’n chu nakhrâtsonghai khura kêng nin isiam a ni hi,” a tia.
Pathian tempil le millimhai khomin imo irzomna an inei? Eini chu Pathian hring tempil kêng ei ni. Pathianin, “Ki mihai kuang in sin ki ta, an kuang om ki ti; Keima an Pathian ni ki ti,” a iti ang khan.
Roirêlna kha phut zoro a ni tâka, Pathian in sûng mihai ata phut ni a ti. Einia phut a ni’n chu Pathian Thurchi Sa thu iam loihai kha itin takin mo an iom hrang tâk!