LEVI DÂN 18:25 - PATHIAN LEKHABU IRTHIANG C.L. Bible (BSI)

²⁵ An thil inzong sikin ram kha an porinchetira, an sual sika khan ram kha hrem ki ta, an nihai kha ki inhnotsuak hrang a ni.

LEVI DÂN 18:25 ပူးပေါင်းရင်းမြစ်များ

1 RÊNGHAI 21:26

Israelhai kuanga, Rengpa inhnotsuak Amor-hai angin Ahaba hin millim a biaka, thil intirom takhai a tho ngai.

EZRA 9:11

ni siahlo deipuhai hmanga, nin fena hrang, nin ram lua hrang rama mi omhai, porchena sikin a porche tâka, hmun tin kil tin intir a iom zoi a ni ta.

INPÂKNA HLAHAI 106:38

Thisen sêlnaboi, an nâipahai le an nâinuhai thisen ngei kha an insua tâka, Khahai kha Kanaana ram millimhai kuang an irbôla; Kha ram kha thisenin a hong porinche tâka.

INPÂKNA HLAHAI 89:32

An tho’nchâinahai chu khianghrolin zuang kan ki ta, An pualoinahai kha zêmin zuang kan ki ti.

ISAIA 24:5

A sûnga omhaiin irnêng hi an porinchetira, dân zôm loiin thupêk khom pom nuam mahai, kumkhua Thuthung ite bêa bê loiin.

ISAIA 26:21

A omna irvân ata Rengpa chu zuang a ta. an sual sikin hnuai mihriamhai hremhai a ti. Inrûka mi thathai irphuang an ta, an ruakhai khom pil irkhu zoi ta no nihai.

JEREMIA 14:10

Hi mihai chungthu hin Rengpa’n a ti, “Keima kuang ata rot hi an inuam a nia, khaang khan an bingin dan thei no ni. Khasikin an chunga ki milung a ichuk loi a ni. An thil tho’nsualhai chu inhre mai ki ta, an sual sikin anni chu dûk thohai ki ti,” a tia.

JEREMIA 16:18

Ki ram chu millim pathian hringna boi le pathian dik loi porchein an siam sikin, an sualnahai le pualoinahai sika khan a bâk inhniin thuanhai ki ti,” a tia.

JEREMIA 2:7

Ram sataka a ra fâka, a satnahai hmanginhoi hrangin, ki ihruai intunghai a ni. Khan ki ram kha chanlamboiin an siama, anni ki ipêkhai ram kha an iporinchetir a ni.

JEREMIA 23:2

Hi hi Rengpa Israelhai Pathianin a mihai a ienkol hranga hruaituhai chungthua a iti chu a ni: “Ki mihai enkol mak chea, irthekindarin nin irzûlpaihai a ni. Nin thil sual thôna sikin, atûn hin dûk nangni tho ki ti.

JEREMIA 5:29

Khaangin hi thilhai sika hin anni chu intuangtirhai ki ta, hi nam chunga hin phuba ki ilâk hrang a ni.

JEREMIA 5:9

Hi thilhai sika hin anni chu dûk ki ithohai loi hrang mo? Hianga namhai chunga hin phuba ki ilâkhai hrang mo?

JEREMIA 9:9

Hi thilhai sika hin anni chu dûk ki itho loi hrang mo? Hianga nam chunga hin phuba ki ilâk loi hrang mo? Keima Rengpa’n ki iti a ni.

HOSEA 2:13

Mirimhoi a hâl pe ngai Baal nikhuahai kha a chunga thuan ki ti, kha lai khan a bômzoihai le a irvônahai ar bela, ar ditpuihai a pana, keima a ni irnghil a nih ti hi Rengpa thu suak a ni.

HOSEA 8:13

Ki ta hranga thil inhlan irbôlnahai chu hmê an inhlana, an fâka; khahai kha Rengpa’n pom mah: khanchu an pualoina an hriat maia, an sual a hrema, anni kha Aigupta rama kîr nôk an ti.

HOSEA 9:9

Gibea khuaa om lai nikhuahai ang khan a sate’n anni kha an tho’nsuala. An pualoina kha inhre mai a ta, an sualnahai kha thuan a ti.

LEVI DÂN 18:26

Nangni chu ki dânhai le ki thupêkhai hi zôm unglân, nin laia tukhomin, nin laia om nam danghai ten khomin, hi thil porinche hi tho no roi.

LEVI DÂN 18:28

Rama khan nin mâna omhai an hnôl tâk angin nin porinche’n chu irhnôl sa ngêt nin ti.

ROM KHUAA MIHAI KUANGA TÎRTÔN PAULA LEKHATHON 8:22

Thil siam murdi chu atûn ten nâiha irvei inrûm angin an inrûm tih ei inhriat a ni.

DÂN INHNINA 18:12

Khaang tho uarhai chu Rengpa ikhôkmâk lam tak an ni; khasika khan kêng Rengpa nin Pathianin hi thil porinche tho uarhai hi nin matona a inhnotsuak a ni.

DÂN INHNINA 21:23

a ruak kha zân inriak hrang ni ma, a thi nî zela khan phûm hrang a ni. Khaang mi inkhâi that chu Pathian khosâl tong a nia, Rengpa nin Pathianin nangni a ipêk ram hi nin iporinchetir hrang ni ma.

DÂN INHNINA 9:5

Nin sa sik le nin omdân inthîk sika an ram hi nin iluapai pehai ni ma; hi namhai hi a sân an sual sikin Rengpa nin Pathian hin a inhnotsuak a ni; Abrahama, Isaka, Jakoba hai kuanga a thu’nkung kha inpuihlingtir a itum a ni.