LEVI DÂN 18:24 - PATHIAN LEKHABU IRTHIANG C.L. Bible (BSI)

²⁴ Nin matona ki irzûlpai suak hrang namhai kha hi thil hin an irporinchetira, hi thil hin irporinchetir no roi.

LEVI DÂN 18:24 ပူးပေါင်းရင်းမြစ်များ

IRPHUTNA 15:16

Khan irlo minlinahai khom hin hong an ta; Amor-hai sualna hi a la’rkip no sikin,” a tia.

1 RÊNGHAI 9:7

ki mi Israelhai chu an ni lua hrang ram ki ipêkhai rengata inhnothai ki ti. Hi tempil nin ni biakna hrang hmun hranga ki inhlan irthiang sai khom hi rotsan ki ti. Rammuala nam tinhaiin Israelhai chu êsêlin innuisan ni an ti.

2 THURCHI SUINA 33:2

Khan, Rengpa sikin an ihnôlna rama namhai thil intirom thohai ang kha a thoa.

EZRA 9:1

Khahai kha a’rzoiin chu, mi lianhaiin, “Israel mihai le ochaihai, Levi irchihai chu hitaka mihai leh hin ite danglamna boiin, Kanaan hai, Hit hai, Periz hai, Jebus hai, Amon hai, Moab hai, Aigupta hai, Amor hai sintho intirom an itho angin an thoa.

INPÂKNA HLAHAI 106:39

Khaang khan an sinthohaia porinchetirin an oma, An sinthohai khan an hong uire tâka.

JEREMIA 44:4

Zoro sôt ok loiin a ni zui, ki deipuhai nin kuang ki hong tîra, hi thil porinche ki ihnôl tho loi hranga nangni ki inhril a ni.

EZEKIELA 36:17

“Mihriam nâipa, Israelhai kha an rama an om lai khan, an omdânhai le an sinthôna khan ram kha an porinchetira, an omdânhai kha keima ta hrangin chu nupang a tha tina an hmu zoroa Pathian dâna irthiang loia an om ang dôra porinche chu a ni.

LEVI DÂN 18:3

Nin lêngna Aigupta mihai itho lam tho no unglân, nangni ki ihruai lûtna hrang Kanaan ram mihai om dân khom la ual no roi.

LEVI DÂN 18:30

“Hi thil intirom nin mâna mihai iuar ngai hi tholoi hrangin nangni ki iti a ni, irporinchetir viat no roi, Rengpa nin Pathian ki ni,” a tia.

NAMBAR 35:34

Nin omna ram, ki omna hi nin iporinchetir hrang ni ma, kei Rengpa hi Israelhai laia hin ki oma,’ ti ro,” tiin.

1 KORINTH 3:17

Tukhomin Pathian in kha an siatin chu, Pathianin ama kha insiat a ti. Pathian in chu a’rthiang kêng, kha in kha nangnihai nin ni.

DÂN INHNINA 12:31

An Pathian an ibiak hrang ni ma; Rengpa intir lam tak, thil chi tinrêng tho hi an uar ngai. An maichâmhai khan an nâinu le nâipa hai ngêt khom hâlirvôm thilinhlana an hâl ngai a ni.

DÂN INHNINA 18:12

Khaang tho uarhai chu Rengpa ikhôkmâk lam tak an ni; khasika khan kêng Rengpa nin Pathianin hi thil porinche tho uarhai hi nin matona a inhnotsuak a ni.

DÂN INHNINA 9:4

Hi mihai hi Rengpa nin Pathianin an hnotsuak tika, ‘Kin sa sikin Rengpa khan hi ram hi a ni pêka, hi namhai hi an sual sikin a inhnot suak a ni,’ tihna chin ni.

DÂN INHNINA 9:5

Nin sa sik le nin omdân inthîk sika an ram hi nin iluapai pehai ni ma; hi namhai hi a sân an sual sikin Rengpa nin Pathian hin a inhnotsuak a ni; Abrahama, Isaka, Jakoba hai kuanga a thu’nkung kha inpuihlingtir a itum a ni.

ROIRÊLTUHAI 20:10

Kin laia sôma inkhat ei fâk hrang tum kin ta, mi dangin Gibea mihai chu hremhai an ti, hiang thil hurna porinche an tho sikin,” an tia.

ROIRÊLTUHAI 20:5

Gibea mihai chu zâna ni doi hrangin an hong irthoka, ki tungna in kha an hong irhuala; ni that an tuma, ki lâksîrnu chu an siatpuia, a thi chak tâk a ni.

ROIRÊLTUHAI 20:6

Ki lâksîrnu ruak chu insûnga ki hruaia, a taksa chu ki’rchanchita, Israel rama ki thon darh a ni kha, hiang dôra porinchea hur an ni.