LEVI DÂN 17:7 - PATHIAN LEKHABU IRTHIANG C.L. Bible (BSI)

⁷ Kêl lu nei ramilhli an ibiak hrang ni ta ma; khaang biak chu Rengpa ata an iuire a ni. Hi dân hi Israel mihaiin kumkhua’n an izôm hrang a ni.

LEVI DÂN 17:7 ပူးပေါင်းရင်းမြစ်များ

1 KORINTH 10:20

Ni mak e! ki iti chu sonong maichâma irbôlna kha Pathian kuanga ni loiin ramilhlihai kuang an inhlan a ni ual. Ramilhlihai leh irzom hrangin chu nangni ki inuam viat loi a ni.

FESUAKNA 34:15

Kha rama mihai leh khan thuthung siam no roi, an pathianhai chubai mûka irbôlna an inhlan zoro khomin, kop sa hrangin nangni fial an ta, an pathianhai laia fâk an inhlan kha fa sa hrangin nin irzuk hrang ni mah.

2 THURCHI SUINA 11:15

Jeroboama khan nam dang pathian biakna hmun irsânga sintho hrang, sehrâtchal irlim siam chophai le khohri biakna hmuna sin hrangin ama ochai a inkung a ni.

DÂN INHNINA 32:17

Pathian ni loi ramilhli an biaka, an pahai inhriat ngai loi le chi ngailoi an biak tâka, pathian thar lâm te tehai.

INPÂKNA HLAHAI 106:37

a ni, ramilhli kuanghai irbôlna’n an nâipahai an nâinuhai an inhlana.

THUPHUANG 9:20

Mihriam, kha hremnaa that banhai khan an kut sinthohai ata irlet ual mahaia; ramilhli hai, rângachak millim hai, sum millim hai, dâr millim hai, lung millim hai, thing millim hai, ite hmu theiloi, inhretheiloi le fe theiloi hai biak kha ma mahai.

EZEKIELA 23:8

Aigupta rama a om laia a dôngmate irthiang nina irhmangtira, a notizuar thohai kha mong loiin a la tho maia, a thoibop ata kha ama chu pasalhaiin notizuar zâlpuiin an lei iompui ngai a ni.

DÂN INHNINA 31:16

Rengpa khan Mosia kuang, ‘Irngai ta, ni pi le puhai kuang zâl lat hrang ni ni ta; hi mihai hin ni thi tika chu ni uiresan an ta, thu ki irthungpuihai kha tho’nchâi an ta, ni rotsan an ta; an va lêngna hranga lei om nam danghai pathian kha ni biaksan an ti.

LEVI DÂN 20:5

keima ngeiin kha mi chunga le a in sûng mihai chunga insum ki ta, Moleka biaka keimaa iamom loihai murdi chu ki mihai laia inkhop ta no ning.

FESUAKNA 32:8

An lampui zui hranga ki iti kha an imâk tâk kêng; rângachak inzôia siamsuak sehrâtchal irlim chubai mûkin irbôlna thil an inhlan tâk kêng, ‘Ama hi Aigupta ram ata hruaisuaktu an Pathian kha a ni,’ an ti,” tiin.

FESUAKNA 22:20

Rengpa kuang ni loia, pathian dang kuanga irbôlna hmangtu chu that irhmangpai hrang a ni.

EFESI 2:2

Kha laia khan chu rammuala lampui sa loihai zuiin, boiruaka irtha sinthotheinahai roirêltu thu nin izôm a ni, atûna Pathian thu zôm loihai laia sintho mai irtha hi.

2 KORINTH 4:4

Hi rammuala pathian saloi khan an milung inchong inthima a sia pehai sikin an iiam loi a ni. Krista, Pathian angna neitu roiinpuizia Thurchi sa vâr an chunga zuang inlang kha an hmu loina hrangin an mit a incho pehai a ni.

JOHANA 14:30

Zoro sôt ualin chu nin kuang thu insîr intam ta no ning, hi rammual roirêlpu hi a hong hrang sikin, ama’n ki chunga irchamnei mah,

JOHANA 12:31

Atûn hin rammual chungchâng ngaitua lai a ni, atûn hin rammual roirêltu hi pai suak ni a ti.

JEREMIA 3:1

Rengpa’n a ti, “Mi’n a dôngma leh teihai sianlân, a dôngma khan mâkin pasal dang nei sianlân, kha nupang kha hruai kîr nôk thei ni no ni. A ram pumpui a iporinchetir zoi hrang a ni. Khan Israel nang chu indit tamtak ni neia, atûn keima kuang hong kîr ni nuama!

LEVI DÂN 3:17

Israel mi tukhomin sa thâi le thisen an ifâk hrang ni ma. Israel mihai kha khoa khom omhai sian hi dân hi an izôm kumkhua hrang a ni.

LEVI DÂN 17:8

“Israel mi mani, nam dang an laia om mani, tukhomin Rengpa kuang hâlirvôm thilinhlan khom, thilinhlan chi dang rêng rêng khom,

INPÂKNA HLAHAI 106:39

Khaang khan an sinthohaia porinchetirin an oma, An sinthohai khan an hong uire tâka.

EZEKIELA 23:3

Dôngmate an ni lai khan Aigupta rama an oma, khan an dôngmate irthiang nina kha irhmangin, notizuarin an om tâka.

FESUAKNA 22:19

Sa irpôlpui chu that hrang a ni.

FESUAKNA 27:21

Arona le a nâihaiin puan ina Thuthung Bôm omna puanzâr pên tiang khan meiser chu sehai sian, khohloia irthokin zîng dênin Rengpa makunga khan chok mai ri se. Hi thupêk hi Israel mihai le an irchi suanpâr dên khomin tho dân balam det taka nei hrang a ni.