Khan, “Ochai Levi irchihai, Zadoka nâipasalhai, keima irthoka Israelhai an rot lai khoma ki hmun irthiang enkolna sin neituhai kha. Keima sintho hrangin ni hong pe an ta; sathâi le thisen kha inhlan hrangin ki kôla khan ngîr an ti, Rengpa Pathianin a ti.
Ram irhonga thilinhlan that an ivarh ngai hi Rengpa kuang an hong inhlan tâkna hrangin ochai kuang irtongna puan in mikota an hong ichôi hrang a ni, Rengpa makunga irhîlhai thilinhlana an hong inhlan hrang a nih tihna a ni.
A sa inhlan lu chunga a kut irnghat a ta, irtongna puan in tual lûtna mikot kôla that a ta, ochaiin a thisen kha maichâm a inzung irkual suak hrang a ni.
a lua a kut irnghat a ta, irtongna puan in mikota Rengpa makunga a ithat hrang a ni; ochaiin chu a thisen kha maichâma inthek irkual suakpui hrang a ni.
A thâi murdi chu irpôlkhômhai thilinhlana itho ang taka khan maichâma a ihâlirvôm hrang a ni; kha kha Rengpa nuamlam tak a ni. Khaang khan thilsual thotu sual irbôlna chu inhlan a ta, ngaidam ni ta a ti.
Khannisian sehrât, kêlbelra le kêl irzir maton tak chu irtan nang no nia; khahai kha chu keima ta an ni sikin, inhlan ni an ti. An thisen chu maichâma inthek ni a ta, Rengpa ta hrangin mirimhoi tak le an thâihai chu meia thilinhlanna khan ni irô hrang a ni.