LEVI DÂN 17:15 - PATHIAN LEKHABU IRTHIANG C.L. Bible (BSI)

¹⁵ Israel mi mani, an laia om nam dang mi mani, tukhomin sa thi sai hme mani, sa isethat sai hme mani a fâkin chu an sil le kai irsu an ta, tui an irsil ngêt hrang a ni, khohloi dênin porinche an ta, kha tena kêng an hong irthiang hrang a ni.

LEVI DÂN 17:15 ပူးပေါင်းရင်းမြစ်များ

DÂN INHNINA 14:21

A binga thi chu i ang sâ khom nin ifâk hrang ni ma, nin kho sûnga omhai fâk hrangin an kuang pe thei nin ta, zuar sa thei nin ti. Rengpa nin Pathian ta hranga nin iser irthiang hrang nam nin ni.

LEVI DÂN 22:8

Sa thi sai tâk mani, sâ isê mani chu a ifâk hrang ni ma, kei hi Rengpa ki ni.

FESUAKNA 22:31

Ki mihai nin nia, nin irthiang hrang a ni; khasikin ramsahai isê, hmê ite nin ifâk hrang ni ma, uihai nin ipêkhai hrang a ni.

LEVI DÂN 11:25

A hme khom puan diarin a tônin chu irsu hrang a ni, khohloi dênin a neitu chu a porinche a ni.

THUPHUANG 7:14

“Ka pu, inhre ma ung. Nangma’n nin hriat,” tiin ki sâma. Ama khan ki kuang, “Hihai hi dengintheina ichiom tak ata hong zôkhai kha an nia, an puanhai Belrate thisena irsunfaiin an inchek tâkhai a ni.

EZEKIELA 44:31

Khanchu ochaihai khan va mani, ramsa mani, a binga thi mani, aninole ramsa danghai ithat mani chu an ifâk hrang ni ma,” a tia.

EZEKIELA 4:14

Khan, Keima’n, “O! Rengpa pathian, irngai ta, ki hringnun hi porinche’n la om ngai maka, ki thoibop ata atûn ten hin sa a binga thi mani, ram sahai isê mani la fa viat ngai ma ung,” ki tia.

LEVI DÂN 15:5

A zâlhmun tôntu khom, a toinaa toi khom khan an sil le kai irsu an ti, tui an irsil hrang a ni; khohloi dênin porinche an ti.

NAMBAR 19:21

Hi dân hi itiklai khomin nin ihmang hrang chu a ni. Tui kathâr inthekpu khom khan a silkaihai sôp a ta, mi tukhom tui tônpu kai chu khohloi dênin irthiang loiin om an ti.

NAMBAR 19:19

khanchu mi irthiangin, a sûn thumna le sûn sarina khan tui kha mi irthiang loitu kha inthekkhum a ti, khan a sûn sari ni khan mi irthiang loitu kha thâr irthiang a ta, a silkaihai kha sôpin, tui irsil a ta, khanchu zîng tiang chu irthiang hong ni thei ta a ti.

NAMBAR 19:8

A hâltu khom khan a silkaihai sôp a ta, tui irsil a ta, khohloi dênin irthiang loi ni a ti.

LEVI DÂN 15:21

A zâlna mani, a toina mani tôntu chu a silkai irsu a ta, a irsil hrang a ni, khohloi dênin porinche a ti.

LEVI DÂN 15:10

a itoi phâna tôntu khom khohloi dênin porinche a ta; kha thil chôi sontu khom khan a silkai irsu a ta, tui a irsil hrang a ni, khohloi dênin porinche a ti.

LEVI DÂN 7:24

Sa thi mani, sa ise that hme chu nin ifâk hrang ni ma, thil danga chu hmang thei ni a ti.

LEVI DÂN 11:40

A hme fâk chu a puandiar a irsûk hrang a ni, khohloi dênin porinche a ti. A hme pêltu khomin a puandiar a irsûk hrang a ni, khohloi dênin porinche a ti.

FESUAKNA 22:30

Ni sehrât le kêlbelra inte maton takhai khom, ni ni ipêk hrang a ni, a puinu irhnu sûn sari ne thei a ta, sûn riat a ni’n chu ni ni hong ipêk hrang a ni.

LEVI DÂN 11:24

A thi tôn murdi khohloi dênin porinche a ti.

LEVI DÂN 11:27

Ke minli nei, kepâr irtuam murdi chu, an iporinche a ni, an ruak tôn chu khohloi dênin porinche a ti.

LEVI DÂN 11:28

An ruak lâktu khan puandiar a irsûk hrang a ni, khohloi dênin porinche a ti; hi ruakhai ang hi nangni hrangin a porinche a ni.

LEVI DÂN 11:31

Hiang a boka irvâka lôn chi hi nin ta hrangin a porinche a ni. A thi tôn khom khohloi dênin porinche an ti.

LEVI DÂN 11:32

Khan, a thiin chu thing mani, puandiar mani, savun mani, hmarsa mani, thil sianaa hmang tâka khom a delin chu porinche a ti, irthiang nôk zôi zel a ti.

LEVI DÂN 11:39

Sa fâk zât thi sianlân, a ruak tôn murdi khohloi dênin porinche an ti.