LEVI DÂN 17:11 - PATHIAN LEKHABU IRTHIANG C.L. Bible (BSI)

¹¹ Thilhring rêng rêng, an hringna kha an thisena a oma, khasika khan kêng Rengpa khan mihai sual lapai hrang a ti, thisen kha maichâma bunthuan hranga ti a ni; thisen kha hringna a nia, kha khan sual kha a lâkpai a ni.

LEVI DÂN 17:11 ပူးပေါင်းရင်းမြစ်များ

IRPHUTNA 9:4

Khannisianlân sahai hi a thisen om pumin nin ifâk hrang ni ma.

LEVI DÂN 1:5

Sechalpa kha Rengpa makunga tan a ta, Arona nâi, ochaihai khan a thisen kha inhlan an ta, irtongna puan in lûtna kôla maichâm kha an inthek irkual suak hrang a ni.

LEVI DÂN 16:11

Arona’n sehrâtchal kha inhlan a ta, ama le a in sûng mihai sual irbôlna hrangin sual irbôlna thilinhlana inhlan hrang a ni.

LEVI DÂN 17:12

Khasikin kêng, Rengpa’n Israel mihai le an laia nam dang omhai khan sâ a taksa le thisen le ileh fa hrang ni mah a itihna a ni.

LEVI DÂN 17:14

Thilhring tinrêng hringna chu a thisena khan a iom a ni; khasikin Rengpa’n Israel mihai kha a thisen le ileh a hme ite faloi hranga ti a ni, tukhom, nakhrâta fâk chu Israel lai ata ensan hrang a ni.

LEVI DÂN 4:25

Ochaiin a thisen kha lâk a ta, a intât ban chu maichâm kôla khan a ibunpai hrang a ni.

LEVI DÂN 4:26

A thâi murdi chu irpôlkhôm thilinhlan, a itho angin maichâma khan a ihâl irvôm hrang a ni; khaang kha roirêltu sual irbôlna ochaiin a inhlan hrang dân chu a ni; khanchu, a sual chu ngaidam ni a ti.

LEVI DÂN 8:15

Mosia’n a thata, a thisen chimrip chu a kut chalin maichâm kil irkihai khan irthiangtirna hrangin a nâla, a inâl ban chu maichâm kôla a bunthuana, khaang khan maichâm kha a sera, a irthiangtir a ni.

MATHAIA 20:28

Mihriam Nâipa khom hi sintho pe hrangin zuang maka, sintho hrang le mi tamtak irtan hranga a hringna pe hranga a izuang a ni,” a tia.

MATHAIA 26:28

hi hi ki thisen mi tamtak sual ngaidamna hranga suak hrang, Pathian thuthung indetpu kha a ni.

MARKA 14:24

Khanchu, Jisua’n an kuang, “Hi hi ki thisen mi tamtak ta hranga suak, Pathian Thuthung Thar namindetna a ni.

ROM KHUAA MIHAI KUANGA TÎRTÔN PAULA LEKHATHON 3:25

Pathianin ama kha a thisen tûng sika sual thupha chôina ni hrangin an kunga, mi thiam a inchangtir lam inlangtir hranga tho a ni.

ROM KHUAA MIHAI KUANGA TÎRTÔN PAULA LEKHATHON 5:9

A thisen sika khan Pathianin thiam a ni zuang inchangtir tâka; Pathian ninginmurna ata khom ama zâra ni sansuak ngei a ti.

EFESI 1:7

Krista thisenin irtan ei ni tâka, ei sualnahai ngaidam a ni tâk. Pathian lungkhamna chu an thûk tak taka.

DÂN INHNINA 12:23

Sa thisen rêk chu fa viat viat no roi, hringna kha thisena a oma, a hringna le ile nin ifâk hrang ni ma.

KOLOSA 1:14

Nâipaa khan irtan suak ei nia, ei sualhai ngaidam a ni ta.

KOLOSA 1:20

Krista sikin Ama leh a’rngeitir nôka, Krosa a Nâipa thisen khan irngeina a siama, Krista sika khan irnênga omhai, irvâna omhai kha Ama leh irngeina a siam ta.

HEBRAI toc2 HEBRAI 13:12

Jisua khomin ama thisen ngeia mihai an fâi theina hrangin khopui pên tiang a lei ituang a ni.

HEBRAI toc2 HEBRAI 9:22

A dik takin, Dân dungzuiin thil tinrêng hi thisenin an irthiang thei zit dên, sualhai ngaidamna vai kêng thisen suak loia a chang thei loi.

1 PETERA toc2 1 PETERA 1:2

Pa Pathian lei inhriat anga inthang, Jisua Krista thu iam hrang le a thina irsu’nfâi hranga Irtha irthiangtir nin nia, nin chunga lungkhamna le irngeina inpungin om ri se.

1 JOHANA 1:7

Ama vâra a om angin vâra ei iomna san chu ei irpôlkhôm hi a ni, A Nâipa Jisua thisenin ei sual murdi a ni’rsûkinfai tâk a ni.

1 JOHANA 2:2

Krista kha ei sual ngaidamna a ni, eini sual vai ni loiin rammuala mi murdi sual ngaidamna khom a ni.

THUPHUANG 1:5

Jisua Krista, inhriatpuitu iamom tak, thina irthoka thoinôk masa tak le rammual rênghai chunga roirêltu kuanga irthok ata, lungkhamna le irngeina kha nin ta ni ri se. Lung a ni thunga, a thina sikin ei sualhai ata a ni’rtansuaka,