LEVI DÂN 16:29 - PATHIAN LEKHABU IRTHIANG C.L. Bible (BSI)

²⁹ Hi dân hi kumkhuaa zôm hrang a ni. Tha sarina tarik sûn sôm niin chu Israel mi murdi le an laia nam dang om sahai khan bu nghei an ta, sin an itho hrang ni mah.

LEVI DÂN 16:29 ပူးပေါင်းရင်းမြစ်များ

1 RÊNGHAI 8:2

Israel mi murdihai chu tha sarina, Ethanim thaa kût hmang hrangin Solomona kuang an honga.

EZRA 3:1

Khan tha sarina a hong tung tena chu Israel mihai kho sûnga an om laiin, mihai kha irrualin Jerusalema an irbûma.

EZRA 8:21

Khanchu kin Pathian makunga kin irhnuaia; a kuanga keini le kin nâihai leh kin bungrua murdihai kin chôi theina hrangin Ahava tuidunga khan bu nghei hrang thu kin inpuanga.

INPÂKNA HLAHAI 35:13

Keima’n chu an dam no’n bora ki sila: Bu ki ngheia, kûn chian chianin ki chongchaia.

INPÂKNA HLAHAI 69:10

Ki chapa, bunghei puma ki hringna ki sep le, Ama kha mi hrilinsiatna a lei ni ngai.

FESUAKNA 12:16

Sûn maton taka inkhômpui irthiang nei nin ta, sûn sari sûna khom nei nin ti. Mi tinin an innang fâk zât irfûktir ti no chu ite sin dang nin itho hrang ni ma; fâk zât irfûktir vai tho hrang ni a ti.

FESUAKNA 20:10

Sûn sari nî chu Rengpa ni Pathian ta hranga irngam nî a nia; Kha nî sûn khan chu ite ni isin hrang ni ma, ni nâipasal le nupanghai, ni suakhai, ni sahai, nam dang nin rama om khomin sin an izong hrang ni ma;

FESUAKNA 30:10

A kum tin voikhat, sual irbôlna thil inhlan thisen chu, Arona khan maichâm thâr irthiangna hrangin a’rki minli khan a ipol hrang a ni. A kum tin zoro la hong oma khan tho mai hrang a ni. Hi maichâm hi keima Rengpa kuanga inhlan a irthianghai hrang a ni,” tiin.

FESUAKNA 31:14

Sabat nî hi nin ta hranga nikhua irthiang a nia, nin iser ngêt hrang a ni. Mi tukhom ser loia kha ni sûna sintho chu that hrang a ni.

FESUAKNA 31:15

Mâni sinthôna hrangin sûn rukpa zel nin neia, a sûn sari ni chu irngam nikhua irthiang, keima hranga serindang hrang a ni. Mi tukhom hi nikhuaa sintho chu that ngêt hrang a ni.

ISAIA 58:13

Ki sûn irthiang sabat nin ser nôka, nin inhoina hai, nin mâksana, Rengpa sûn sabat hi nin inhlua, sintho hrangin fe mak chêia, mâni nuam lam irzûla nin tho mai mainahai, hmang viat loia nin chôiindômin chu,

ISAIA 58:3

‘Bu kin ngheia, itina moh ni ihmu loi? Ni ni’rngaitua pe no hrangin chu, itho moh phîngchâm tuang kin ta?’ nin tia. Nin bu nghei hi a hoihôkin nin hmanga, nin sinthotuhai chu nin râi phiarhai ngai.

ISAIA 58:5

Khaanga bu nghei kha ki nuam lam nin isôn ma ni? Denginthei nikhua nia nin irsiampuihaia, sûlhna a ichuai angin nin kûn chiana, nêngpil laia bora dâpin nin zâl ngai. Khahai ang khan kêng bu nghei hi nin itho? keima hrangin lômomna moh ni ni pe ni?

DANIELA 10:12

Ki kuang khan, “Chi no ro Daniela, ni Pathian kuang ni’rngaiintôm hrang le inhrethei hranga nir pêk ni ata ni thuhai chu irngaitua a nia, ni thu sika zuang ki ni.

DANIELA 10:3

Bu zel ne ma unga, sa mani uain mani ki bâia thun viat loiin, hapta thum a luzôl a hîp zoi mâka chu sahriak khom irthu loiin.

LEVI DÂN 23:21

Kha nî khan tukhomin sin pangai nin itho hrang ni ma, Pathian chubai mûk hrangin nin inkhôm hrang a ni. Hi dân hi nin irchihai khomin an omna kipa kumkhua’n an izôm hrang a ni.

LEVI DÂN 23:3

Sûn ruk sûng sin tho nin ta, a sûn sari niin chu sabat a nia, nin irngam hrang a ni. Sin tho loiin Pathian chubai mûkin nin inkhôm hrang a ni. Sabat nî hi Rengpa dongtum a ni, nin omna kipa nin iser hrang a ni.

LEVI DÂN 23:36

Sûn sari sûng chu a nitin bu le bâl thilinhlan inhlan hen nin ta, a sûn sari ni chu irbukkhôm nei nôk nin ta, bu le bâl thilinhlan khom nin inhlan hrang a ni, Pathian chubai mûk nî a ni, sin nin itho hrang ni mah.

LEVI DÂN 25:9

tha sari, tarik sôm ni, sual irbôlna nikhua roiinpuia khan mi tîr unglân, ram pumpuia bekul tum ri sehai.

LEVI DÂN 3:17

Israel mi tukhomin sa thâi le thisen an ifâk hrang ni ma. Israel mihai kha khoa khom omhai sian hi dân hi an izôm kumkhua hrang a ni.

NAMBAR 29:7

Khan, tha sarina sûn sômna nia khan chu, ite fa no unglân, i sin khom nin izong sa hrang ni mah.

TÎRTÔNHAI SINTHO 27:9

Nikho sôt ian kin châm hnungin Bu nghei zoro a khêl tâka, irkuanga fe mai a sân ichi a om tâk sikin anni kha Paula’n thu ar donhaia,

1 KORINTH 11:31

Mâni ir-en masa ngai inlân chu roirêl pe’n ei iom loi hrang a ni.

HEBRAI toc2 HEBRAI 4:10

Tukhom kha irngamnaa lût chu Pathianin a sintho ata a irngam ang khan ama khom a sintho ata irngam a ti.

1 SAMUELA 7:6

Khanchu Mizpa-a khan an irbûm tâka, tui an chôia, Rengpa kuang thilinhlanhai an bunthuana, kha nî khan chu a sûn nitungin bu an ngheia. “Rengpa chunga khan kin lei isual tâk a ni,” an tia. (Mizpa-a khan a ni Samuela’n Israelhai roi a irêl pehai.)