LEVI DÂN 16:20 - PATHIAN LEKHABU IRTHIANG C.L. Bible (BSI)

²⁰ Hmun irthiang takhai, irtongna puan in sûng murdihai, maichâmhai a thâr irthiang zoiin chu Azazela hranga kêl kha Rengpa makunga inhlan a ti.

LEVI DÂN 16:20 ပူးပေါင်းရင်းမြစ်များ

EZEKIELA 45:20

Khanchu kha tha, a sûn sari nî khom khan kutkechâi le inhriat loina sika sualna thotuhai ta hrangin khaang dên khan tho ni a ti. Khaang khan biakbuk ta hrangin irtanna chu siam ni a ti.

LEVI DÂN 16:16

Khaang khan hmun irthiang tak kha Israel mipuihai tho’nchâina le an sualna ata a thâr irthiang hrang a ni. Irtongna puan in riakhmun kôl zela om a nia, riakhmun porinche sikin khaanga irthiangtir kha a inang a ni.

THUPHUANG 1:18

A hring kha ki ni! Thina chunga le mithi khua chunga khom ircham ki nei.

HEBRAI toc2 HEBRAI 7:25

Khasikin amaa Pathian kuanga honghai chu atûn le itiklai khomin a saninhring thei, anni ta hranga Pathian kuang ngên pe hrangin kumtuangin an hring mai sikin.

KOLOSA 1:20

Krista sikin Ama leh a’rngeitir nôka, Krosa a Nâipa thisen khan irngeina a siama, Krista sika khan irnênga omhai, irvâna omhai kha Ama leh irngeina a siam ta.

2 KORINTH 5:19

Kin thu’nsîr chu hi hi a ni, Pathianin Krista zârin mi tinrêng a rualhaiin a siam tâk. An sualhai kha insâp pe ta loiin, a rualhaia a siamzia thu kha keini hi a ni ipêk tâk a ni.

ROM KHUAA MIHAI KUANGA TÎRTÔN PAULA LEKHATHON 8:34

Tu’n mo thiamno inchangtir hrang? Krista Jisua mo? Ama chu ei ta hrangin a ithi vai ni loiin a thoi nôka, Pa Pathian chang tiang omin ni chong petu kha chu ama dên kêng a ini.

ROM KHUAA MIHAI KUANGA TÎRTÔN PAULA LEKHATHON 4:25

Jisua chu thil sual ei ithohai sika ithatpai a nia, Pathian kuang thiam ei changna hranga kaithoi a ni sa.

LEVI DÂN 8:15

Mosia’n a thata, a thisen chimrip chu a kut chalin maichâm kil irkihai khan irthiangtirna hrangin a nâla, a inâl ban chu maichâm kôla a bunthuana, khaang khan maichâm kha a sera, a irthiangtir a ni.

LEVI DÂN 6:30

Irbiakna puan in hual sûng hmun irthianga thisen chu sual irbôlna hrangin lâk lût a niin chu a hme chu hâlirvôm zit hrang a ni.

LEVI DÂN 16:19

A kutchalin thisen chimrip kha maichâma voisari inthek a ta, Israel mihai sualna sikin a thâr irthiang hrang a ni.

LEVI DÂN 16:21

Kêl lua khan a kut kianghni’n irnghat a ta, Israel mihai thil saloi le sual an ithohai le an pualoina murdi kha phuang a ta, kêl lua khan irnghat a ti; a itho hranga inkung khan ramchâra kêl kha fepui a ta,