Israel mi mani, an laia om nam dang mi mani, tukhomin sa thi sai hme mani, sa isethat sai hme mani a fâkin chu an sil le kai irsu an ta, tui an irsil ngêt hrang a ni, khohloi dênin porinche an ta, kha tena kêng an hong irthiang hrang a ni.
“Ka pu, inhre ma ung. Nangma’n nin hriat,” tiin ki sâma. Ama khan ki kuang, “Hihai hi dengintheina ichiom tak ata hong zôkhai kha an nia, an puanhai Belrate thisena irsunfaiin an inchek tâkhai a ni.
Khasikin lungrîl dik le iamna irkip neiin, sia le sa inhriatna dikloi ata ei lungrîlhai irthiangtirin le ei takpumhai tui irthianga infâiin Pathian nâi ei ti.
Khaang khan ni no sianlân, irnêng irsiang phut ata voi tamtak a ituang hrang tâk a ni. Khannisianlân, atûn zoro mong hrang tôna hin ar bôlna sika sual an boi theina hrangin voikhatin a zuang inlang a ni.
Krista thisen len vângin te a ithei ual ok hrang kêng! kumtuang Irtha hruaina’n Pathian kuang ama irbôlna famirkip ar hlan tâk sikin, Pathian hring sin ei tho theina hrangin a thisenin thina ten intung sintho ngaihaia irthokin ei sia le sa inhriatna irthiang a ti.
Thil tinrêng nangni porinchetirtu rengata kha nangni inzôk ki ta, khan bu khom pung hrangin thu pe ki ta, khanchu châm rêng rêng inhre ta ngai no chin ni.
Itinrêng Rengpa’n ki kuang a ihril, “An dam sûng chu, hi thil sual thôna sika hin ngaidamhai no ning, kei Rengpa itinrêng Rengpa’n ki ihril tâk hi chu,” tiin.
Khan sehrât irvâm irkhômpu khan a silkaihai sôp a ta, khohloi dênin irthiang loi ni a ti. Hi dân hi Israel irchihai le nam dang an kuanga omhai ta hranga kumtuanga dân hrang chu ni a ti.
Sûn sari niin ochai khan a pân kha en nôk a ta, a zap noa, inthûk ualin an lang no’n chu, a’rthiang ti inpuang a ti; kha mi khan puandiar irsu a ta, irthiang ta a ti.
Sûn sari hek zoi tika en nôk a ta, a pân kha a châr thiaia, an darh no’n chu porinche mah ti ochaiin inpuang a ti, pân papai a nia, a silkaihai kha irsûk a ta, irthiang a ti.