LEVI DÂN 14:21 - PATHIAN LEKHABU IRTHIANG C.L. Bible (BSI)

²¹ Khaang dôr nei zoi zâkloi inriang chu irthârna belrate inkhat, tho’nsualna man thilinhlan hrangin hong chôi a ta, sual irbôlna hrangin a ithâr hrang a ni, kha leh khan baidi hriak le irpol herkecher le oliv hriak litar hmun thuma hmunkhat a inhlan sa hrang a ni.

LEVI DÂN 14:21 ပူးပေါင်းရင်းမြစ်များ

LEVI DÂN 5:7

Belra mani kêl mani a nei no’n chu a sual mana pêkin Rengpa kuang vasu inhni mani phervali inhni mani a hong inhlan hrang a ni. Inkhat chu sual irbôlna thilinhlan ni a ta, inkhat chu hâlirvôm thilinhlan hrangin ni a ti.

LEVI DÂN 12:8

“Nupang khan belrate a nei no’n chu vasu bop khat mani phervali bop khat mani a hong inhlan hrang a ni; inkhat chu hâlirvôm thilinhlan ni a ta, inkhat chu sual irbôlna thilinhlan ni a ti. Ochai khan a porinche thârna kha inhlan pe a ta, hong irthiang ta a ti,” a tia.

THUVÂRHAI 17:5

Mi’nrianghai hmusittu chu Pathian a siamtu a iêsêl a ni. Mi vânduaina inriamtu chu vîk tong loiin om no ni.

2 KORINTH 8:12

Pe hrangin nin irzukin chu, nin inei loi chunga ni loiin, nin inei chunga nin thilpêk kha Pathianin inham a ti.

2 KORINTH 8:9

Ei Rengpa Jisua Krista lungkhamna nei intamzia chu nin inhriat; inriangna sikin nin hong irchong theina hrangin irchong ok khomsian, nangni sikin a lei inriang tâk a ni.

LUKA 6:20

Jisua’n a thîr vêla, a irchutirhai kha a ena, thu an sîra, “Nangni inrianghaio, nin vân a sa e, Pathian Ram nin ta a ni sikin!

THUVÂRHAI 22:2

Irchong le inriang an om senga, Rengpa isiam ru ruai an ni.

JOBA 34:19

Hruaituhai khom indit bîkhai ual maka, Mi irchonghai khom inrianghai nêkin en irsânghai mah. Ama kut suak ving an nia.

1 SAMUELA 2:8

Vâiphin ata inriang kha a kaithoi thei ngai. Inriangtengtêr kha vâiphin ata an domirsângtir theia, Mi lianhai kuang an omtir thei. Roiinpuina rêngtoihmun an lua theina hrangin. Irnêng irnghatnahai hi Rengpa ta a nia, a chunga khan rammual hi a irnghat tâk a ni.

LEVI DÂN 14:22

A inei la lamin, vasu bop khat mani, phervali bop khat mani, inkhat chu sual irbôlna thilinhlan hrangin, inkhat chu hâlirvôm thilinhlan hrangin a hong ichôi hrang a ni.

LEVI DÂN 5:11

Vasu inhni mani phervali inhni mani khom a nei no’n chu sual irbôlna thilinhlan baidi sa zât her khat a hong inhlan hrang a ni. Oliv hriak mani bero mani a hong ipol sa hrang ni ma; hâlirvôm thilinhlan ni maka, sual irbôlna thilinhlan a ni.

LEVI DÂN 1:14

Rengpa kuanga thilinhlan hrang chu phervali le vasu hâlirvôm thilinhlana ni’n chu vasu mani, phervali mani hong chôi sianlân,

LEVI DÂN 14:10

Sûn riat ni’n chu belrate, a chal inhni le a nupang inkhat, kum khat vêla irchang, hmêlveiloi le baidi her thum, sahriak koploi oliv hriak litar hmun thuma hmunkhat hong chôi a ta,

LEVI DÂN 27:8

A pêktu chu a sân an riang sikin a’rtansuakna man tuk dôr khi a pêk thei no’n chu pe hranga a inkung mihriam kha ochai kuang hong hruai a ta, ochai khan bituk nêka tôm ual, a pêk thei hrang dôr irhoi, lei tuk pe a ti.

EZEKIELA 46:7

Khanchu sehrâtchal tuai leh khan epha khat pe sa a ti. Belratehai leh khan a nuam dôr pe a ta, khanchu epha khata sahriak inkhat seng pe sa a ti.