Kha hmun ata kha Bethel khuaa a fe tâka; lampuia a fe laiin kho sûng rengata nâipang an honga, innuisanna hrang takin, “Lukol, lukol, kîr nôk ta ro,” an tia.
Dibon mihai chu Pathian biakna hmun irsânga chap hrangin an fea, Moab mihai chu an lu an ep inkola, hnermul an voipaia, Nebo le Medeba khua an irzuk nôk tâk a ni.
Nin kût nikhuahai kha chardongnaa le nin hlahai murdi kha chapnaa inchangtir ki ti; nin kong murdi kha bora puan diar inkaitir ki ta, lu sîp tina khan inkolna hong intungtir ki ta; mi’n a nâipa neisun a isûn angin om nin ti. Kha nikhua kha chu a mong dênin dengtheina, intakna nikhua ni a ti.
(Nin inhriat theina hrangin mihriam dânin thu ki insîr a ni.) Nin takpum hrât loizia inhriatin, mihriam takin thu ki insîr a ni, nin takpum ônhai chu matona porinche le inchâina suaka insiat hrangin nin ipêk ngai ang khan, atûn chu felna suaka irthianga hring hrangin pe ual ta roi.