LEVI DÂN 10:3 - PATHIAN LEKHABU IRTHIANG C.L. Bible (BSI)

³ Mosia’n Arona kuang, “Rengpa’n hi chungchânga hin hiang hin a ti; ‘Ki sinthotuhaiin chu ki irthiangna hi an iuksak hrang a ni. Ki mihai makunga ki roiinpuizia inlangtir ki ti,’ a ti lele kha te,” a tia. Arona chu a dâihreka.

LEVI DÂN 10:3 ပူးပေါင်းရင်းမြစ်များ

IRPHUTNA 18:25

nangma’n chu khaanga mi felhai mi suala an lût thei loina hrangin, mi felhai hi a sualhai le thathai hrangin chu tak nang sôn ma unga; irnêng chunga roirêltu’n fel takin a irêl ngai mo ni ma?” a tia.

JOBA 2:10

Khannisianlân, Joba’n a kuanga khan, “Nupang into chong angin te ni chonga. Pathian kuang ata thil sa ei donga, thil saloihai khom ei idong loi hrang mo?,” a tia. Hianga thil a tuang khom hin a Pathian chu insîrinsiat mah.

INPÂKNA HLAHAI 119:120

Ki takpum hi nangma chi sikin an thinga; Ni roirêlnahai chu ki ichi a ni.

INPÂKNA HLAHAI 148:14

A mihai chu an hrâttirhaia, Khanchu a mihai khan ama an inpâk theina hrangin, a mi Israelhai, a kôla mihai inpâkna chu. Rengpa chu inpâk roi!

INPÂKNA HLAHAI 39:10

Ni ni izêmna hi ki kuang ata ni lâkpai pe’n lân: Ni kut thâknaa inboipai ki ni hi.

INPÂKNA HLAHAI 39:9

Nangma itho a ni sikin, Chong ma unga, ki bâi khom âng ma ung.

INPÂKNA HLAHAI 46:10

Dâihrek unglân, Pathian ki nih ti hi inhre roi: Nam tin laia chôiindômin om ki ta, irnênga hin chôiindômin om ki ti.

INPÂKNA HLAHAI 89:7

Mi irthianghai chong irkhômnaa Pathian ichiom tak, A kôl vêla mi murdi nêka chi ual tak hrang chu, tu mo om hrang?

INPÂKNA HLAHAI 93:5

Ni thu inhriattirhai chu iam a om tak taka: O Rengpa, kumkhua’n Irthiangna hi ni in le a irhoi a ni.

FESUAKNA 14:17

Keima’n Aigupta mihai lungrîl inngartir pehai ki ta, khanchu irzûlhai mai an ti. Faroa le a sipaihai, a sakor tâli le sakor chung chuang mihaiin ni chôiirsâng an ta,

FESUAKNA 14:4

Keima’n Faroa lungrîl inngartir pe ki ta, khanchu irzûlhai a ta; keima’n Faroa le a sipaihaiin ni chôiirsâng an ti; khanchu Aigupta mihaiin keima hi Rengpa chu ki nih ti inhre ta an ti,” tiin.

FESUAKNA 19:22

Ochai nihai khom sianlân, a ni hong nâi nuamtuhai chu an irthâr ngêt hrang a ni. Anino’nchu, deng ki intheitirhai hrang kêng,” a tia.

FESUAKNA 19:24

Rengpa khan, “Zu chumin lân Arona hong hruai ro, khannisian ochaihai le mipuihai chu ki kuanga hong hrangin ramri an ikhêl viat hrang ni ma, khano’nchu deng ki intheitirhai hrang kêng,” a tia.

FESUAKNA 30:30

Arona le a mihai chu ki sintho hrangin sahriak hi polhaiin lân, ochai hrangin namindethai roh.

ISAIA 39:8

Hezekia’n a dam sûng chu râlirvei loiin zôkin om hrang angin a le’rngaia, Isaia kuang, “Rengpa ni thu hril chu a sa,” a tia.

ISAIA 49:3

Ki siahlo chu ni ni, O Israel nangin ni chôiindôm ni ta, an ni tia.

ISAIA 52:11

Suak roi, suak roi, Babulon hi suaksan roi; thil porinchehai hi inthem viat no roi, Rengpa timmatua pêlhaio, irthial irthiang unglân, suaksan roi.

EZEKIELA 20:41

“Nam dang lai ata nangni hruaisuak ki ta, nin irthekindarna ram ata nangni ki hruaikhôm tika chu nin thil mirimhoi inhlanhai leh lei lôm ki ti, nam danghaiin ki irthiangzia hmu an ti.

EZEKIELA 28:22

Khataka mihai kuanga khan kei Rengpa Pathian ngêt hin an chungthu hiang hin ki ihril a ni, tiin inhrilhai roh. Kei chu ni râl ki nia, o Sidon ni chunga ki sinthohai sika hin mihaiin nin pâk an ti. Ni sûnga omhai hi ki hremhai tena chu, ki’rthiangzia le Rengpa ki inizia hi anni khan inhresuak ta an ti.

EZEKIELA 38:16

Phâivopuiin ram a isêm phît angin, ki mi Israelhai chu doihai ni ta, a zoro a hong tung tena chu, ki ram chu doi hrangin, nang tîr ki ti; tu mo ki inih ti hi nam tinhai irhmutirhaina hrang le nangma hmanga ki sinthôna hin ki’rthiangzia inlangtirna hrangin.

EZEKIELA 40:46

Khanchu tentan hmâr tianga ngha kha maichâma sinthotu ochaihai ta hranga chu a ni. Khahai vai kha Levi irchi ata Rengpa makunga sintho hranga lût phala omhai chu an ni.

EZEKIELA 42:13

Khanchu mihriam khan ki kuang, “Hi in inhnihai hi in irthiang a ni, khahai sûnga khan Rengpa nâitu ochaiin thilinhlan irthiang takhai chu an fâk ngaia, a tentanhai kha a’rthiang sikin, ochaihai khomin khataka khan thilinhlan irthiang takhai chu an sia ngai, bu thil inhlanhai, sual irbôlnahai, sual ngaidamnahai chu.

LEVI DÂN 21:15

khano’nchu, a nâihai porinche an ti, anni khom an irthiang hrang a ni. Rengpa ki ni hi, kei hin ki ochai inlaltak kha ki ser indang tâk a ni.

LEVI DÂN 21:17

“Arona hril ro; nin irchi laia nâi suakinsual tukhomin fâk hrang thilinhlan hi, itiklai khomin an hong inhlan hrang ni mah.

LEVI DÂN 21:21

Ochai Arona irchi, takpuma suakinsualna nei chu hâlirvôm thilinhlan hâl hrangin mani, fâk hrang thilinhlan hâl hrangin mani a ihong hrang ni ma.

LEVI DÂN 21:6

A irthiang hrang a ni, ki’rhming a insiat hrang ni ma; hâlirvôm hâltu a nia, ki kuang fâk hrang inhlantu ni sa a ta, a irvong irthiang hrang a ni.

LEVI DÂN 21:8

Nin Pathian kuang fâk hrang inhlantu, ki mihai lai ata ki indang a ni.

LEVI DÂN 22:9

“Thil tho hrang dân ki itihai hi an izôm zit hrang a ni, an zôm nuam no’n chu a mô pêl an ta, thi an ti; anni indangtu Rengpa ki ni hi.

LEVI DÂN 8:35

Rengpa thupêk ang khan sûn sari le zân sari irtongna puan in lûtna kôla nin iom hrang a ni. Nin om nuam no’n chu thi nin ti, kha kha Rengpa thupêk a ni,” a tia.

NAMBAR 16:5

Kora le a pâlhai kuang khan, “Nangtûk zîng Rengpa’n ama tahai chu ni’rhmutir a ti; ama tahai le a inthanghai chu maichâm bula ama hong nâi hrangin koihai a ti.

NAMBAR 20:12

Khanchu Rengpa’n Mosia le Arona kuang, “Ni iam mak chêia, Israel irchihai mithmua nin ni chôiindôm no sikin, hi mihai hi ki ipêk rama khan hruai intunghai no chin ni,” a tia.

MATHAIA 10:37

Tukhom keima nêka a nu mani, a pa mani lungthung ual chu, ki irchutir rua ni mah.

JOHANA 12:28

“Ka Pa, nir hming chôiindôm roh,” a tia. Khanchu, irvân ata hnukirhai a zuang suaka, “Ki chôiindôm ta, la chôiindôm nôk mai ki ti,” a tia.

JOHANA 14:13

Ki’rhmingin i khom nin izong ka chu tho thiai ki ti; Pa kha Nâipa sika chôiindôm a ni theina hrangin.

DÂN INHNINA 32:51

Inzinna ramchâr, Masa-Kades tui hmuna khan Israelhai laia ki thu ni tho’nchâia, Israelhai makunga ni ni ichôiindôm loi a ni.

2 THESALONIKA toc2 2 THESALONIKA 1:10

A mi’rthiang, ama iamtuhai kuang ata roiinpuina le chôiindômna dong hranga a zuang tika chu, kin thuhril nin lei iam sikin nangni chu kha iamtuhai laia khan kop sa nin ti.

1 PETERA toc2 1 PETERA 4:17

Roirêlna kha phut zoro a ni tâka, Pathian in sûng mihai ata phut ni a ti. Einia phut a ni’n chu Pathian Thurchi Sa thu iam loihai kha itin takin mo an iom hrang tâk!

1 SAMUELA 2:30

Khasikin keima Rengpa Israelhai Pathian hin ni in sûngkuahai le ni pa sûngkuahai kha kumtuanga ki ochai changin ki makunga om mai nin ti, tiin ki len kunga. Khannisianlân atûn chu om viat ta no chin nih ki iti a ni. Ni chôiirsângtuhai chu chôiirsâng ki ta, a ni hmusithai chu hnuaisiahai ki ti.

1 SAMUELA 3:18

Khanchu Samuela khan itinrêng a hril pe ving tâka; ite ip nei viat loiin. Elia khan, “Ama chu Rengpa a nia, a sa a iti lam takin tho ri se,” a tia.

1 SAMUELA 6:20

Beth-Semes kho mihai khan, “Hi Pathian irthiang Rengpa makunga hin tu mo a ngîr ngam hrang? Ei kuang ata hi tuhai kuang mo ei itîr ta hrang na?,” an tia.