LEVI DÂN 1:4 - PATHIAN LEKHABU IRTHIANG C.L. Bible (BSI)

⁴ Hâlirvôm hrang sa lu chunga a kut irnghat a ta, a sual irbôlna hrangin pom ni a ti.

LEVI DÂN 1:4 ပူးပေါင်းရင်းမြစ်များ

FESUAKNA 28:38

Arona’n lukôm leh khan a michala inkhop a ta, khanchu keima Rengpa hin Israelhai irbôlna thil ki kuanga an hong inhlan kai chu lei pom ki ta, an thil inhlanhai khan tho’nchâina nei khomhai sian.

FESUAKNA 29:10

Sehrâtchal tuai ki omna puan in kôla hong kaiin lân, Arona le a nâihai chu sehrât lu chunga kut irnghat hrangin hrilhai roh.

FESUAKNA 29:15

“Belrachal inkhat kaiin lân, Arona le a nâihai chu an lu chunga an kut irnghat hrangin hrilhai roh.

FESUAKNA 29:19

“Belrachal inkhat kai sa’n lân, serindangna hmang ngai kha, Arona le a nâihai chu an lu chunga kut irnghat hrang ti pehai roh.

FESUAKNA 29:33

Anni namindetna sual irbôlna hme chu an ifâk hrang a ni; khalâi irthiang a nia, ochai vaiin an ifâk thei hrang a ni.

ISAIA 56:7

Ki tâng irthianga hruaihai ki ta, chongchaina hmun, ki ina chu raifân takin inomtirhai ki ti. Hâlirvôm thil irbôlnahai, ki maichâma an hong ichôi chu lei lômhai ki ti. Ki tempil hi mi tinrêng ta hrangin chongchaina hmun ti ni a ti.

EZEKIELA 45:15

Khanchu belra pâl irzahni laia belra inkhat ni a ti; hâlirvôm thilinhlan, bu thilinhlan le irngeina thilinhlanhai hong chôi nin ta, khanchu nin sualhai ngaidam ni a ti, kei Rengpa Pathian thupêk ngei chu a ni.

DANIELA 9:24

“An insiatnahai irhîptir le, sualna inhek hrang le, dik loina inboi hrang le, kumtuanga felna hrang le, inlârna le lei hrilna irsinsia hrang, hmun irthiangtak chu sahriak inthek hranghaiin, ni mi le khopui irthiang hrang, hapta sômsari inkung a ni.

LEVI DÂN 16:21

Kêl lua khan a kut kianghni’n irnghat a ta, Israel mihai thil saloi le sual an ithohai le an pualoina murdi kha phuang a ta, kêl lua khan irnghat a ti; a itho hranga inkung khan ramchâra kêl kha fepui a ta,

LEVI DÂN 16:24

Hmun irthianga khan tui irsil a ta, ama puandiar irbel nôk a ta, hâlirvôm thilinhlan, ama dongtum le mipui dongtum inhlan a ta, ama sual le mipui sual kha a irbôl hrang a ni.

LEVI DÂN 22:21

“Mi’n chonginkung suana hrangin thilinhlan, mâni nuam thilinhlan mani, irpôlkhômhai thilinhlan hrangin Rengpa kuang an hong inhlanin chu, an sâ inhlan chu hmêlveiloi a ini hrang a ni; khanchu, lei pom thei a ti.

LEVI DÂN 22:27

Belra mani, sehrât mani, kêl mani, a chal chu a pui kôla sûn sari om a ta, a sûn riat nî ata chu hâlirvôm hrangin hmang thei ni ta a ti.

LEVI DÂN 3:13

a lua a kut irnghat a ta, irbiakna in mikota that a ta, a thisen kha ochaiin maichâma a inthek irkual suak hrang a ni.

LEVI DÂN 3:2

A sa inhlan lu chunga a kut irnghat a ta, irtongna puan in tual lûtna mikot kôla that a ta, ochaiin a thisen kha maichâm a inzung irkual suak hrang a ni.

LEVI DÂN 3:8

a lua a kut irnghat a ta, irtongna puan in mikota Rengpa makunga a ithat hrang a ni; ochaiin chu a thisen kha maichâma inthek irkual suakpui hrang a ni.

LEVI DÂN 4:15

nam hruaituhaiin chu a lua kut irnghat an ta, that hrang a ni.

LEVI DÂN 4:20

Sual irbôlna sehrâttuai a isinsiam ang khan a itho zit hrang a ni, mipui sual irbôlna kha a inhlan hrang a ni; khanchu, an sual kha ngaidam ni ta a ti.

LEVI DÂN 4:24

Kêl lua a kut irnghat a ta, maichâm hmâr tiang, hâlirvôm thilinhlan an thatna hmuna khan a itan that hrang a ni.

LEVI DÂN 4:26

A thâi murdi chu irpôlkhôm thilinhlan, a itho angin maichâma khan a ihâl irvôm hrang a ni; khaang kha roirêltu sual irbôlna ochaiin a inhlan hrang dân chu a ni; khanchu, a sual chu ngaidam ni a ti.

LEVI DÂN 4:29

Kêl lua kut irnghat a ta, hâlirvôm maichâm hmâr tiang, hâlirvôm thilinhlan an ithatna hmuna khan a ithat hrang a ni.

LEVI DÂN 4:31

A thâi murdi chu irpôlkhômhai thilinhlana itho ang taka khan maichâma a ihâlirvôm hrang a ni; kha kha Rengpa nuamlam tak a ni. Khaang khan thilsual thotu sual irbôlna chu inhlan a ta, ngaidam ni ta a ti.

LEVI DÂN 4:33

Belra lua khan a kut irnghat a ta, hâlirvôm thilinhlana an ithatna hmun, maichâm hmâr tianga khan a itan that hrang a ni.

LEVI DÂN 4:35

Irpôlkhômhai thilinhlan belra ang khan a thâi murdi kha la a ta, Rengpa hranga bu le bâl thilinhlan leh khan a ihâlirvôm hrang a ni. Khaang khan sual irbôlna kha ochai khan inhlan pe a ta, a sual chu ngaidam ni tah a ti.

LEVI DÂN 4:4

Rengpa makunga, irbiakna puan in mikota, sehrâtchal tuai chu hong kai a ta, a lua a kut irnghat a ta, a ithat hrang a ni.

LEVI DÂN 5:6

a thilsual tho hremna hrangin Rengpa kuang belra mani kêl mani, a pui, a hong inhlan hrang a ni. Ochai chu kha mi sual irbôlna kha a inhlan pe hrang a ni.

LEVI DÂN 6:7

Ochai khan Rengpa kuang sual irbôlna chu inhlan pe a ta, a sualna chu ngaidam ni ta a ti, a tia.

LEVI DÂN 8:14

Mosia’n sual irbôlna sehrât kha a kaia, Arona le a nâihai khan a lua an kut an irnghata.

LEVI DÂN 8:18

Hâlirvôm thilinhlan hrang belra khom kha Mosia’n a kaia, Arona le a nâihai khan a lua an kut an irnghata.

LEVI DÂN 8:22

Mosia’n belra inkhat ochai namindetna kha a kaia. Arona le a nâihai khan a lua an kut an irnghata.

LEVI DÂN 9:7

Khan, Arona kuang khan, “Maichâma ni sual irbôlna hrang le hâlirvôm thilinhlan chu inhlan ro, mipui sual irbôlna hrang khom inhlan sa roh. Rengpa thupêk angin mipui sual irbôlna kha inhlan pehai ro,” a tia.

NAMBAR 15:25

Khanchu ochaihaiin Israel mipuihai ta hrangin irngeina siam an ta, ngaidam ni an ti; kutkechâia a ni sikin le an thilinhlan kha Rengpa ta hranga meia thilinhlan le an sualna irthûla sual irbôlna an inhlan tâk sikin.

NAMBAR 15:28

Kutkechâia Rengpa makunga tho’nsualtu ta hrangin ochaiin irngeina a isiam hrang a ni. Khanchu ngaidam ni an ti.

NAMBAR 25:13

Ama le a’rchi suanpârhai chu kumtuanga ochai nina pêk an nia, a ni doipuituhai chu irngai thei maka, mipuihai sualna ngaidamna khom an tungtir sikin,” a tia.

NAMBAR 8:10

Khanchu Israelhai khan Levi irchihai chunga an kut irnghat an ta,

NAMBAR 8:12

Khanchu Levi irchihaiin sehrâtchalhai lua khan an kut irnghat an ta; Levi irchihai ta hrangin chu irngeina an siam theina hrangin, inkhat chu sual irbôlna hrangin, inkhat dang chu pum hâlirvôm thilinhlanna hrangin Rengpa kuang inhlan ni a ti.

ROM KHUAA MIHAI KUANGA TÎRTÔN PAULA LEKHATHON 12:1

Khasikin urênghaio, Pathian lungkhamna sika hin irbôlna hring le irthiang le Pathian lôm inruk ni hrangin nin takpum kha inhlan hrangin nangni ki ngên a ni; khaang kha nin sintho hrang lam tak a ni.

ROM KHUAA MIHAI KUANGA TÎRTÔN PAULA LEKHATHON 3:25

Pathianin ama kha a thisen tûng sika sual thupha chôina ni hrangin an kunga, mi thiam a inchangtir lam inlangtir hranga tho a ni.

ROM KHUAA MIHAI KUANGA TÎRTÔN PAULA LEKHATHON 5:11

Kha vai khom kha ni mah, atûna irngeina ni pêktu ei Rengpa Jisua Krista zâra Pathiana ei ilôm a ni.

FILIPI 4:18

Nin thilpêk murdi ki lei donga, ki nei intam ta. Epafrodita kuta nin thil hong thonhai kha ki lei hmua, ki’rhniang tâk e. Kha kha mirimhoi thilinhlan, pominruk, Pathian nuamlam a ni.

HEBRAI toc2 HEBRAI 10:4

Sechalhai le kêlhai thisenin sualhai kha inboi zât ni mah.

1 JOHANA 2:2

Krista kha ei sual ngaidamna a ni, eini sual vai ni loiin rammuala mi murdi sual ngaidamna khom a ni.