LEVI DÂN 1:3 - PATHIAN LEKHABU IRTHIANG C.L. Bible (BSI)

³ Thilinhlan chu hâlirvôm thilinhlan hrang a ni’n chu sa laia a chal, hmêlveiloi ni a ta, Rengpa lei pom hrangin irtongna puan in mikota an hlantu khan a hong ichôi hrang a ni.

LEVI DÂN 1:3 ပူးပေါင်းရင်းမြစ်များ

IRPHUTNA 22:13

Khan Abrahama khan a hnung a’rheia, a en vêla, a hnung tiang belrachal a’rki thinga inôk hi a ngîr pea; khanchu Abrahama’n belra kha a chela, a nâipa irthûlin hâlirvôm thilinhlanna hrangin a hmang tâka.

IRPHUTNA 22:2

Khan ama’n, “Ni nâi, ni nâikhât neisun, ni inrentak Isaka kha hruaiin lân, Moria rama khan fe ro, kha hmuna nang ki ihril hrang tâng inkhata khan hâlirvôm thilinhlan ro,” a tia.

IRPHUTNA 22:8

Khan Abrahama’n, “Ki nâipa, Pathianin ama ta hranga thilinhlan hrang chu a zoro taka ni pe a ti,” a tia. Khaang khan an irzui maia.

IRPHUTNA 8:20

Khan Nova’n Rengpa ta hrangin irbôlna maichâm a siama; khan sa irthiang murdi le vâ irthiang murdi laia mi a lâka; maichâma khan hâlirvôm irbôlna thil an hlana.

2 THURCHI SUINA 29:32

A’rbukkhômhai khan thilinhlanhai, lômthu hrilnahai an hong inhlana, a nuam murdihaiin hâlirvôm thilinhlanhai an inhlana. A’rbukkhômhaiin hâlirvôm thilinhlan hrang an hong ichôihai chu sehrâtchal sômsari le belrate irzahni le belra irzakhat a ni.

2 THURCHI SUINA 35:12

Hâlirvôm thilinhlana hmang hrang chu Mosia dân bua a irziak anga inhlan hrangin an sema.

INPÂKNA HLAHAI 110:3

Ni râlhai ni doi ni sûn chu Ni mihai chu mâni irchamin hong irpe an ta; Zîng irdo angin ni vânglaihai chu ni tâng irthianga khan ni kuang hong an ti.

INPÂKNA HLAHAI 40:8

O ki Pathian, ni nuamlam tho hi ki nuamlam tak a ni; A ni, ni dân thu chu ki milunga a om maia,” ki tia.

FESUAKNA 12:5

An indit inthangna khom kêlbelrate a ni no le kêl nei thei nin ta, khannisian a chal kum khata mi, demnaboi a ini hrang a ni.

FESUAKNA 24:5

Khan, Israel irchi ruathartehai chu a tîra, Rengpa kuang hâlirvôm thilinhlan an inhlana, irngeina thilinhlan hrangin sehrâtchalin an irbôl saa.

FESUAKNA 29:18

A rêngin thilinhlan belra chu ni inhlan hrang a ni, hi thilinhlan mirimhoi hin ki milung a inchuktir ngai a ni.

FESUAKNA 29:4

“Arona le a nâihai chu ki omna puan in kot bâia hong hruaihaiin lân, dân anga irthârna tui irsil hrangin hrilhai roh.

FESUAKNA 29:42

Zoro la hong thiaia hin, hâlirvôm thilinhlan hin ki omna puan in kotbâi kôla khan inhlanin a iom mai ngai hrang a ni, kha hmuna khan kêng ki mihai zuang irtongpuihai ngai ki ta, nangni ki ichongpui hen hrang a ni.

FESUAKNA 32:6

Zînga chu irbôlnahai a hâl hrang le irngeina thilinhlan fa hrangin sahai an hong chôia. Mipuihai chu hruaithe fa hrangin an toi tâka, kha kha uain inrui inhnâi le taksa irzukna sinin an inchangtira.

FESUAKNA 35:21

a’rphaltuhaiin Rengpa omna puan in sinna hrangin thil an hong pêka, Pathian chubai mûk zoroa nang murdihai le ochai tukfamhai siamna hmangrua an hong chôia.

FESUAKNA 35:29

Israel mi tukhom a nuam murdiin, Mosia kuang sin hrangin a thupêk anga hmang hrang thilpêkhai Rengpa kuanga an hong pêk ngai.

FESUAKNA 35:5

Rengpa kuanga thilinhlan nei roi, tukhom a’rhlan nuamhai chu thilinhlan rângachak, tangka dârthîr,

FESUAKNA 36:3

Puan in irthiang sinna hranga Israel mihai thilpêk hong chôi kha Mosia kuang ata an idong a ni. A zîng tin Israel mihai khan an thilpêkhai Mosia tah hrangin an la hong chôi irzôm maia.

FESUAKNA 38:1

Thilinhlanhai hâlna hrang maichâm sitim thing le irki minli nei, mûk ringa sei, mûk thum irsâng a siama.

ISAIA 1:11

Rengpa’n hiang hin a ti: “Nin irbôlnahai hi keima hrangin i ma nia? Nin belra pum hâlhai hi kin hnê theia, Sâ a mar nin irhlanhai hi nuam ma unga Sehrât, belra, le kêlchal thisenhai hi, lôm ual ma ung.

EZEKIELA 20:40

“Israel ram, ki tâng irthianga khan, Israel insûng tin, nin rêngin, kha rama khan ki sin tho nin ta, kha khan lei lôm ki ta, nin thilinhlanhai, ra masatak nin inhlanhai, nin thil irthiang inhlanhai lei dong ta ki ti.

EZEKIELA 40:39

Hi tentan liana hin dokâng minli hi a oma, a sîr tianghai khan inhni hniin an siaa, hitaka dokânghai hin pum hâlirvôm thilinhlana hmang hranghai, sâhai, sual irbôlna thilinhlana hmang hrang, sahai, ngaidam irzongna thilinhlana hmang hrang sahai, an thatna ngaia.

LEVI DÂN 1:10

Belra mani kêl mani hâlirvôma inhlan hrangin chu a chal, hmêlveiloi, a ini ngêt hrang a ni.

LEVI DÂN 14:10

Sûn riat ni’n chu belrate, a chal inhni le a nupang inkhat, kum khat vêla irchang, hmêlveiloi le baidi her thum, sahriak koploi oliv hriak litar hmun thuma hmunkhat hong chôi a ta,

LEVI DÂN 16:7

Irtongna puan in lûtnaa kêl inhni kha kai a ta,

LEVI DÂN 17:4

Rengpa kuang inhlan hrang tia irtongna puan in mikota a that no’n chu thisen a insua a ni, thisen insua anga bê hrang a ni, a’rchihaiin an iensan hrang a ni.

LEVI DÂN 17:8

“Israel mi mani, nam dang an laia om mani, tukhomin Rengpa kuang hâlirvôm thilinhlan khom, thilinhlan chi dang rêng rêng khom,

LEVI DÂN 17:9

irtongna puan in mikot kôla vai an inhlan hrang a ni; hmun danga inhlan chu Pathian mihaiin an iensan hrang a ni.

LEVI DÂN 23:12

Bumût thâr ni khan belrate, a chal hmêlveiloi, kum khat vêla, hâlirvôm thilinhlana nin hong inhlan hen hrang a ni.

LEVI DÂN 23:18

Kha leh khan belrate kum khat vêla sari, sehrâtchal inkhat, belrachal inhni, hmêlveiloi inzen vântângin Rengpa kuang hong chôi an ta, in hrang thilinhlan le hâlirvôm thilinhlana an inhlan hrang a ni; kha kha Rengpa nuamlam tak a ni.

LEVI DÂN 3:1

Irpôlkhôm thilinhlan hrang mi’n an sa vâi laia a hong inhlanin chu a chal mani, a pui mani hmêlveiloi, Rengpa makunga a hong inhlan hrang a ni.

LEVI DÂN 4:15

nam hruaituhaiin chu a lua kut irnghat an ta, that hrang a ni.

LEVI DÂN 4:23

a thilsual tho kha an hrila, an hriatsuak zoi le, a sual irbôlna hrangin kêlchal, hmêlveiloi a inhlan hrang a ni.

LEVI DÂN 4:3

Thil tho’nsualtu chu ochai inlaltak a nia, mipuiin a sual mô an pêl hrangin chu, a sual irbôlna’n sehrâtchal tuai, hmêlveiloi, Rengpa kuang a inhlan hrang a ni.

LEVI DÂN 4:32

Sual irbôlna hrangin belra a hong chôiin chu, a pui, hmêlveiirla loi a ini ngêt hrang a ni.

LEVI DÂN 5:15

“Mi’n Rengpa dongtum thil ser chu pe no lik sianlân, thilsual a itho a ni. A thilsual tho man thilinhlan Rengpa makunga belra mani, kêl mani, a chal, hmêlveiloi a hong ichôi hrang a ni, sa man zât chu biak ina dân hmang lai anga sût hrang a ni.

LEVI DÂN 5:18

Ochai kuang tho’nsual man thilinhlan hrangin belra mani kêl mani, a chal, hmelveiloi a hong ikai hrang a ni, sa man bi zât chu biak ina dân hmang lai anga sût hrang a ni. Ochai khan tho’nsual man thilinhlan kha a thil tho’nsual pal irbôlna hrangin lei inhlan pe a ta, sual kha ngaidam ni a ti.

LEVI DÂN 6:2

A’rchi Israelhaiin a kuanga thil a inkoltirhai, a ihlephai, pêk kîr nuam ta no sian, inrûkpai pên mani huang ta sianlân;

LEVI DÂN 6:8

Rengpa khan Mosia kha a chongpuia:

LEVI DÂN 7:16

Irpôlkhôm thilinhlan chu chonginkung hlochukna sika mani, mâni nuam thua thilinhlan rêng rêng mani chu, a hme kha an hlan nia fa zit ual hrang ni ma, a tûka khom la fa thei a ni.

LEVI DÂN 8:18

Hâlirvôm thilinhlan hrang belra khom kha Mosia’n a kaia, Arona le a nâihai khan a lua an kut an irnghata.

LEVI DÂN 8:21

A sûngkua le a kehai kha a’rsûka, belrachal kha maichâma a hâl zit tâka. Hâlirvôm thilinhlan a ni, kha kha mirimhoi tak hranga hâlirvôm thilinhlan a nia; Rengpa ta hranga meia thilinhlan chu a ni, Rengpa’n Mosia thu a ipêk ang khan.

LEVI DÂN 9:2

Arona kuang, “Belrachal tuai le belrachal hmêlveiloi kaiin lân, sehrât kha sual irbôlna thilinhlana Rengpa kuang inhlanin lân, belra chu hâlirvôm thilinhlana inhlan roh.

ZAKARIA 13:7

Khan Sipaihai Rengpa’n hiang hin a hrila, “O khandai, harin lân, keima ta hrang sinthotu belrapu kha that roh. Ama chu thatin lân, belrahai chu irthekindarh an ti.

MALAKIA 1:14

A belra pâl laia a chal om chianin, chong khom inkungin Rengpa kuang a hmêlvei inhlana huangtu kha khosâl tong a ni: Kei chu rêng roiinpui tak ki nia, kha rêng roiinpui tak ki nia, ki’rhming khom Jentailhai laia ichiom a ni, Sipaihai Rengpa’n a ti.

NAMBAR 15:3

Rengpa kuang sehrâtchal mani, belrachal mani, kêl mani, pum hâlirvôm thilinhlana hrangin mani, mâni nuam thua thilinhlanna hrangin mani, chonginkung inkungna hranga irbôlna hrangin mani, nin Ferkân Kût zoro nia thilinhlanna hrangin mani, Rengpa kuang hong chôi a ta, kha kha Rengpa ta hranga mirimhoi chu ni a ti.

NAMBAR 15:8

Khan, sehrâtchal chu pum hâlirvôm thilinhlanna hrangin mani, chonginkung inkungna thilinhlanna hrangin mani, irngeina thilinhlanna hrangin mani, inhlan a ni tika,

NAMBAR 19:2

Hi hi Rengpa thupêk dân chu a ni; Israel irchihai chu sehrât irla a sen, demnaboi ringkol la pêl ngai loi hong kai hrangin hrilhai roh.

NAMBAR 23:19

Pathian chu mihriam minlak ang hi ni maka, Ama chu mihriam milung irletkochok ngai ang hi ni ma; chong a inkung tâk chu a tho ngêt ngai. Thu a hrila, a’rzoi zel ngai.

NAMBAR 23:27

Balaka’n Balaama kuang, “Hong hi ro, hmun danga nang lei hruai nôk hi rong, khatak ata chu khua ni sâl pe hrang hi Pathian a nuam khom a ni thei,” a tia.

NAMBAR 23:3

Balaama’n Balaka kuang, “Ni hâlirvôm kôla hin lei ngîr maiin lân, kei chu ki bingin hong fe ki ta, Rengpa kha ni chongpui hrangin a zuang khom a ni thei; khan a ni ihril murdi chu nan hril ving ki ti,” a tia. Khanchu a bingin tângsîpa hin a hong fe tâka.

NAMBAR 23:30

Khanchu Balaka’n Balaama ihril angin a tho pea, maichâm tina khan sehrâtchal le belrachal an hlan vinga.

NAMBAR 28:11

Pum hâlirvôm thilinhlan chu tha thar rikipa Rengpa kuang inhlan nin ta, sehrât tuai inhni, belrachal inkhat belrate kum khat mi sari leh; an rêngin demnaboi an ini hrang a ni.

NAMBAR 28:19

Pum hâlirvôm thilinhlan chu Rengpa kuang inhlan nin ta, sehrât tuai inhni, belrachal inkhat, belrate kum khat mi sari inhlan nin ta, an rêngin demnaboi an ini hrang a ni.

NAMBAR 28:31

Hihai hi uain thilinhlan le a nitina pum hâlirvôm thilinhlan le baidi thilinhlan ti bana nin inhlan sa hranghai chu a ni.

NAMBAR 29:13

Khanchu Rengpa ta hranga mirimhoi meia thilinhlan pum hâlirvôm thil nin inhlan hrang a ni. Sehrâtchal tuai sômhleithum, belrachal inhni, belrachal kum khata sômhleiminli; demnaboi an ini ngêt hrang a ni.

NAMBAR 29:2

Rengpa ta hranga mirimhoi pum hâlirvôm thilinhlan chu hiang hin inhlan roi. Sehrâtchal tuai inkhat, belrachal inkhat, belrate a chal kum khat mi sari inhlan nin ti.

LUKA 1:35

Vântîrtôn khan a sâma, “Irtha Irthiang kha ni chunga zuang om a ta, Anchungtaka sinthotheina khan nang irhli khu a ti; khasikin nâi zuang suak hrang chu mi irthiang, Pathian Nâipa tih an ti.

JOHANA 1:36

Jisua chai vêl kha an thîra, “En u ta, Pathian Belrate so,” a tia.

JOHANA 10:7

Khanchu, Jisua’n an kuang thu an sîr nôka, “Thudik tak nangni ki hril, keima hi belrahai ta hrangin mikot ki ni.

JOHANA 10:9

Keima hi mikot chu ki ni. Tukhom keimaa lût chu inzôkin om a ta, lûtin suak a ta, fâk hrang hmu sa ti.

2 KORINTH 8:12

Pe hrangin nin irzukin chu, nin inei loi chunga ni loiin, nin inei chunga nin thilpêk kha Pathianin inham a ti.

2 KORINTH 9:7

Mi tinin inpâm pum le pêk loi theiloi anga irngaia pêk ni loiin, an lungsuak lam ang taka pêk ni ri se; lôm taka pêkpu kha kêng Pathianin a lôm ngai.

EFESI 2:18

Krista zârin ei rêngin Judahai le Jentailhai, Irtha hmunkhatin Pa kuang ei itung suam thei tâk a ni.

EFESI 5:27

Koiindang roiinpui tak, chuai loi, innimna koploi le khaang thil porinche koploi, irthiang le chukloina dang rêng rêng om loi, ama ta hranga inding hrangin a irpêk a ni.

DÂN INHNINA 12:27

Rengpa nin Pathian maichâma hâlirvôm thilinhlan zâthai, maichâma thisen intheka, a hme fâkhai hrang zât kha, kha ngêta khan nin hong ichôi hrang a ni.

DÂN INHNINA 15:21

A ke’nbâi mani, a mitcho mani, hmêlvei chu Rengpa nin Pathian kuanga khan nin inhlan hrang ni ma.

DÂN INHNINA 17:1

Rengpa nin Pathian kuang hmêlveina inei sehrât mani belra mani nin inhlan hrang ni ma, a ikhôkmâk lam tak a ni.

HEBRAI toc2 HEBRAI 7:26

Khaang khan, Jisua Ochai Inlaltak mi’rthiang, demnaboi, sualna neiloi, mi sualhai laia irthoka a binga om, irvânhai nêka inchung uala siam tâk chu ei ta hrangin a iruk bak a ni.

HEBRAI toc2 HEBRAI 9:14

Krista thisen len vângin te a ithei ual ok hrang kêng! kumtuang Irtha hruaina’n Pathian kuang ama irbôlna famirkip ar hlan tâk sikin, Pathian hring sin ei tho theina hrangin a thisenin thina ten intung sintho ngaihaia irthokin ei sia le sa inhriatna irthiang a ti.