LEVI DÂN 1:17 - PATHIAN LEKHABU IRTHIANG C.L. Bible (BSI)

¹⁷ Inset chit loiin a mitha dâra kaiphar hrang a ni, maichâma hâlirvôm zit ri se, hâlirvôm thilinhlan a nia, Rengpa nuamlam tak a ni.

LEVI DÂN 1:17 ပူးပေါင်းရင်းမြစ်များ

IRPHUTNA 15:10

Khanchu a hong chôi pea, a laitaka a tuk tanhaia, phalkhatin a’rboptirhai vinga, vatehai chu tuk loiin.

IRPHUTNA 8:21

Khan Rengpa’n, kha rimhoi kha an hriata, Rengpa’n a lungrîlin, “Irnêng chung hi chu mihriam sikin khuasâl ta no ninga, mihriam lungrîl ngaituana hi an chînte ata an sual sikin, atûna ki isoisak ang hin chu thilhring murdihai khom hi soisakhai ta no ning.

INPÂKNA HLAHAI 16:10

ki’rtha chu Seol kuang khan masan rak no chi nia; ni mi irthiang hmon hmu kha phal no chi ni.

LEVI DÂN 1:13

A phîng sûng le a kehai rêk chu a irsûkinfâi bak hrang a ni; a rêng khan ochaiin a ihâlirvôm zit hrang a ni, hâlirvôm thilinhlan a nia, Rengpa nuamlam a ni.

LEVI DÂN 2:2

Ochai khan baidi kha hap a ta, sahriak tômte le berohai leh khan maichâma a ihâlirvôm hrang a ni, kha kha a rênga hâlirvôm a nih ti entîrna hrang a ni; hâlirvôm thilinhlan a nia, Rengpa nuamlam tak a ni.

LEVI DÂN 3:5

kha ochaiin maichâma hâlirvôm thilinhlan dang a hâl laiin a ihâlirvôm hrang a ni; kha kha Rengpa nuamlam tak a ni.

LEVI DÂN 5:8

Ochai kuang hong lâk a ta, sual irbôlna kha a inhlan masa hrang a ni. Tan nghet loiin a ringa khiak a ti,

LEVI DÂN 6:14

“Hiang hi bu le bâl thilinhlan tho hrang dân chu a ni: Arona irchi ochaiin bu le bâl thilinhlan kha maichâma, Rengpa makunga an inhlan hrang a ni.

LEVI DÂN 8:21

A sûngkua le a kehai kha a’rsûka, belrachal kha maichâma a hâl zit tâka. Hâlirvôm thilinhlan a ni, kha kha mirimhoi tak hranga hâlirvôm thilinhlan a nia; Rengpa ta hranga meia thilinhlan chu a ni, Rengpa’n Mosia thu a ipêk ang khan.

LEVI DÂN 9:13

A lu le a hme dang khom an hong chôia, maichâma a lei hâla.

NAMBAR 15:3

Rengpa kuang sehrâtchal mani, belrachal mani, kêl mani, pum hâlirvôm thilinhlana hrangin mani, mâni nuam thua thilinhlanna hrangin mani, chonginkung inkungna hranga irbôlna hrangin mani, nin Ferkân Kût zoro nia thilinhlanna hrangin mani, Rengpa kuang hong chôi a ta, kha kha Rengpa ta hranga mirimhoi chu ni a ti.

NAMBAR 28:8

Khan khohloi tiang khom zîng tianga ang dênin belra inkhat dang kha inhlan ni ta, uain thilinhlan khom kha ni inhlan sa hrang a ni. Hi khom hi fâk chi thilinhlanhai a ni sikin, Rengpa ta hranga mirimhoi chu a ni.

MATHAIA 27:50

Jisua kha hnuk irhai inring takin a khêk nôka, a hrang a chat tâka.

JOHANA 19:30

Jisua’n uain thûr kha a lei in zoiin chu, “A’rzoi ta,” a tia; khanchu a lu a kûna, a hrang a chat ta.

ROM KHUAA MIHAI KUANGA TÎRTÔN PAULA LEKHATHON 4:25

Jisua chu thil sual ei ithohai sika ithatpai a nia, Pathian kuang thiam ei changna hranga kaithoi a ni sa.

1 PETERA toc2 1 PETERA 3:18

Krista khom ei sualhai sikin voikhat a thia, Pathian kuang nangni a hruai theina hrangin, mi fel chu mi felloihai ta hrangin a ithi a ni. Taksaa thatpai a nia, irtha tiang chu inhringin a om.