LEVI DÂN 1:10 - PATHIAN LEKHABU IRTHIANG C.L. Bible (BSI)

¹⁰ Belra mani kêl mani hâlirvôma inhlan hrangin chu a chal, hmêlveiloi, a ini ngêt hrang a ni.

LEVI DÂN 1:10 ပူးပေါင်းရင်းမြစ်များ

IRPHUTNA 4:4

Abela khomin a belra pâl laia a martak le a suak masatak a hong chôia. Khan, Rengpa’n Abela leh a thilinhlan kha a lôma.

IRPHUTNA 8:20

Khan Nova’n Rengpa ta hrangin irbôlna maichâm a siama; khan sa irthiang murdi le vâ irthiang murdi laia mi a lâka; maichâma khan hâlirvôm irbôlna thil an hlana.

FESUAKNA 12:5

An indit inthangna khom kêlbelrate a ni no le kêl nei thei nin ta, khannisian a chal kum khata mi, demnaboi a ini hrang a ni.

EZEKIELA 43:22

Khan sûn hnina nî khan sual thilinhlanna hranga khan kêlchal demnaboi inhlan ni ti.

LEVI DÂN 14:10

Sûn riat ni’n chu belrate, a chal inhni le a nupang inkhat, kum khat vêla irchang, hmêlveiloi le baidi her thum, sahriak koploi oliv hriak litar hmun thuma hmunkhat hong chôi a ta,

LEVI DÂN 16:3

Hmun irthiang taka chu sehrâtchal tuai, sual irbôlna thilinhlan le belra hâlirvôm hong inhlan hrangin chu hong lût thei a ti.

LEVI DÂN 16:5

Israel pungkhôm khan sual irbôlna thilinhlan hrang kêlchal inhni le hâlirvôm thilinhlan hrang belrachal inkhat an ipêk hrang a ni.

LEVI DÂN 22:19

a lei pom theina hrang chu sehrâtchal mani, belra mani, kêl mâni, a chal hmêlveiloi a ni.

LEVI DÂN 23:12

Bumût thâr ni khan belrate, a chal hmêlveiloi, kum khat vêla, hâlirvôm thilinhlana nin hong inhlan hen hrang a ni.

LEVI DÂN 3:1

Irpôlkhôm thilinhlan hrang mi’n an sa vâi laia a hong inhlanin chu a chal mani, a pui mani hmêlveiloi, Rengpa makunga a hong inhlan hrang a ni.

LEVI DÂN 4:23

a thilsual tho kha an hrila, an hriatsuak zoi le, a sual irbôlna hrangin kêlchal, hmêlveiloi a inhlan hrang a ni.

LEVI DÂN 4:3

Thil tho’nsualtu chu ochai inlaltak a nia, mipuiin a sual mô an pêl hrangin chu, a sual irbôlna’n sehrâtchal tuai, hmêlveiloi, Rengpa kuang a inhlan hrang a ni.

LEVI DÂN 5:15

“Mi’n Rengpa dongtum thil ser chu pe no lik sianlân, thilsual a itho a ni. A thilsual tho man thilinhlan Rengpa makunga belra mani, kêl mani, a chal, hmêlveiloi a hong ichôi hrang a ni, sa man zât chu biak ina dân hmang lai anga sût hrang a ni.

LEVI DÂN 9:2

Arona kuang, “Belrachal tuai le belrachal hmêlveiloi kaiin lân, sehrât kha sual irbôlna thilinhlana Rengpa kuang inhlanin lân, belra chu hâlirvôm thilinhlana inhlan roh.

MALAKIA 1:14

A belra pâl laia a chal om chianin, chong khom inkungin Rengpa kuang a hmêlvei inhlana huangtu kha khosâl tong a ni: Kei chu rêng roiinpui tak ki nia, kha rêng roiinpui tak ki nia, ki’rhming khom Jentailhai laia ichiom a ni, Sipaihai Rengpa’n a ti.

NAMBAR 19:2

Hi hi Rengpa thupêk dân chu a ni; Israel irchihai chu sehrât irla a sen, demnaboi ringkol la pêl ngai loi hong kai hrangin hrilhai roh.

NAMBAR 6:14

Rengpa kuang demnaboi sa inthum inhlan a ta; kêlbelra tuaite kum khata mi pum hâlirvôm thilinhlan hrangin, kêlbelra irlate kum khata mi sual irbôlna hrangin le belrachal kha irngeina hrangin.

JOHANA 1:29

A tûka chu Johana’n Jisua khan ama a hong ipan kha a hmua; “En u ta, Pathian Belrate, rammual sual pêl hrangtu so,” a tia.

1 PETERA toc2 1 PETERA 1:19

belrate demna boi le porinche loi, Krista thisen hlua irtan nin nih ti nin inhriata.