JOSUA 8:35 - PATHIAN LEKHABU IRTHIANG C.L. Bible (BSI)

³⁵ Israel mipuihai makunga, nupanghai, nâipanghai le an laia fe sa nam dang mihai makunga Mosia’n thupêk murdi chu a tep suak zita, tep irhmâi nei viat mah.

JOSUA 8:35 ပူးပေါင်းရင်းမြစ်များ

EZRA 10:1

Pathian in tianga irheiin khûksadela chapin Ezra’n a chongchaia, ngaidam ar zong lai takin a kôla khan Israel mi, mi tamtak, nupang pasal le nâipang pâl an hong irbuka; mipuihai kha a sân an chapa.

NEHEMIA 8:2

Khanchu tha sarina sûn khat nî chu ochai Ezra’n ar bûmhai nu le pa an hriat theihai laia khan dân bu kha a hong chôia.

NEHEMIA 8:3

Khan khataka mi chu tui mikot hmâi hmun irzatna taka nupang le pasal le an hriat theihai laia zîng ata sûn sôt a tepa, mi murdi’n kha dân bu thua khan an mikuar an sung chita.

FESUAKNA 12:38

Anni le mi dang tamtak an irthoka, belrahai, kêlhai le sahai khom tamtak an hruaihai sa.

JEREMIA 26:2

Rengpa’n ki kuanga a iti chu, “Tempil kholaia ngîrin lân, hril hranga ki thu nang pêkhai, hi hmuna chubai mûkna inhlan hranga Judai ram khopuihai ata hong mipuihai kuang inpuang roh. Ite ip no roh.

JOELA 2:16

mipuihai buk unglân, inkhômhai kha irthiangtir unglân, putarhai, nâipanghai, irhnu nêk laihai buk unglân: moi neitu khom a chontan ata hong suak sianlân, moi khom a chontan sûngrîl ata hong suak ri se.

ZAKARIA 8:23

Kha nikhuahaia khan chu ram dang mi sômkhat chu Juda mi inkhat kuang zuangin, ‘Pathian chu nin kuang a om ti kin inhriat sikin, keini khomin nangni zui kin ti’ tiin la hril an ti, a tia.

MARKA 10:14

Khannisianlân, Jisua’n kha kha a hmu’n chu a ning an mura, a irchutirhai kuang, “Nâipangtehai kha ki kuang inhongtirhai unglân, khaphai no roi, Pathian Ram chu hiang mihai ta kêng a ini.

TÎRTÔNHAI SINTHO 20:27

Pathian thil tum murdi a rêngin nin laia insîr indîn ma ung.

TÎRTÔNHAI SINTHO 21:5

Kha zoia chu kin suaka, kin fe’n chu irchutirhai khan an rêngin, an dôngma, an nâihai le kotsua dênin an nin thaa, tuipui kôla khan khûksadelin kin chongchaia.

DÂN INHNINA 29:10

A vuan hin Rengpa nin Pathian makunga nin ingîr a ni hi, nin hruaituhai, nin upa hai, nin pasal hai,

DÂN INHNINA 29:11

nin nupanghai, nin nâihai, nin laia om sa nam dang hai, thing pêla tui nangni chôi petuhai leh nin rêngin a makunga nin ingîr a ni hi.

DÂN INHNINA 29:9

Khasikin hi thuthung thuhai hi zôm unglân, nin thiltho kipa nin irhniang theina hrangin tho roi.

DÂN INHNINA 31:12

Mipui bukkhôm unglân, Rengpa nin Pathian chitna châng an inhriata, ki dân bua thu chuang murdi hi an zôm theina hrangin, pahai, nuhai, nâipang hai le nam dang nin khuaa omhai khan irngai ri sehai.

DÂN INHNINA 4:2

Thu nangni ki ipêk hi nin ibelsa hrang ni ma; Rengpa nin Pathian thu nangni ki ihril kha irhmâi nin inei hrang ni ma.