JOSUA 8:33 - PATHIAN LEKHABU IRTHIANG C.L. Bible (BSI)

³³ Israelhai laia an upahai, hruaituhai, roirêltuhai le an laia nam dang omhai le Levi irchi ochaihai irzôn, Thuthung Bôm tiang irheiin, kiang tiang kiang tianga an indinga. A chimripin Gerizim tâng tiang an mâsongin an ngîra, a chimripin Ebal tâng tiang an mâsongin an ngîra. Rengpa siahlo Mosia’n Israelhai kha sat a ivurhai hrang a nih tia thu a lei ipêk tâk ang khan.

JOSUA 8:33 ပူးပေါင်းရင်းမြစ်များ

FESUAKNA 12:49

Khakhêla suak le nam dang nin laia omhai hrangin hi dân hin a ihuaphai ving a ni,” a tia.

LEVI DÂN 24:22

Hi dân hi Israel mi murdi hrang a ni, nin laia om nam danghai khom huam a ti, Rengpa nin Pathian ki ni,” a tia.

NAMBAR 15:15

Nin irchihai le mipuihai le nam dang nin kuanga omhai ta hrang khomin dân inkhat vai a om. Rengpa makunga nam danghai chu nangni ang dên ni an ti.

NAMBAR 15:16

Nangni ta hrangin nin kuanga nam dang omhai ta hrangin dân hmunkhat le tho dân hmunkhat vai om a ti.

NAMBAR 15:29

Kutkechâia tho’nsualtu ta hrangin Israel irchi le nam dang mi anni laia omhai ta hrang khomin dân inkhat nin inei hrang a ni.

JOHANA 4:20

Kin irchibulhaiin chu hi tânga hin Pathian an biak ngaia, nangni’n chu, ‘Mihaiin Jerusalema ngêt Pathian an ibiak hrang a ni’ nin ti ngaia,” a tia.

DÂN INHNINA 11:29

Rengpa nin Pathianin nin ilua hrang ram, nin ipan hi, nangni a hruai intung tika chu Gerizim tânga satvurna lampui hi inpuang unglân, khosâl tongna lampui Ebal tânga inpuang sa roi.

DÂN INHNINA 31:12

Mipui bukkhôm unglân, Rengpa nin Pathian chitna châng an inhriata, ki dân bua thu chuang murdi hi an zôm theina hrangin, pahai, nuhai, nâipang hai le nam dang nin khuaa omhai khan irngai ri sehai.

DÂN INHNINA 31:25

A’rziak zoi tika chu Rengpa Thuthung Bôm irzôntu Levia irchihai kha a pêkhaia.

DÂN INHNINA 31:9

Mosia khan hi Pathian Dân hi lekhabua a irziak, Levia irchi, Thuthung Bôm irzôntu ochaihai kha pe a ti, Israel ulianhai khom a pêka,

JOSUA 23:2

Khanchu, Israel mi murdi upahai, hruaituhai, roirêltuhai le ulianhai chu a koi bûmhaia, an kuang, “Atûn hin chu a sân ki tar tâka.

JOSUA 24:1

Josua’n Israel namhai chu Sekem khuaa a koibûmhaia. Israel upahai, nam hruaituhai, roirêltuhai le ulianhai chu Pathian makunga an hong irbûma.

JOSUA 3:14

Mipuihai chu Jordan tuidung kâi hrangin an puan in ata an suaka; thuthung bôm irzôntu ochaihai chu an fe masaa.

JOSUA 3:3

“Rengpa nin Pathian Thuthung Bôm kha ochaihaiin an irzôn nin hmu tena chu, nin omna hmun ata irson unglân, zui zêl roi.

JOSUA 3:6

Josua’n ochaihai kuang, “Thuthung Bôm chu irzôn unglân, fe masa roi,” a tia. Khanchu, Thuthung Bôm kha an irzôna, mipuihai matona fein mâ an hruai tâka.

JOSUA 4:10

Mosia’n Josua kuang thu a lei ipêk tâk murdi anga, Rengpa’n mipuihai kuanga ti hranga, Josua thu a ipêk kha an ti zoi mâka chu ochai thuthung bôm irzôntuhai chu Jordan vadung laia khan an inding maia, khanchu mipuihai kha inrang takin an irkân tâka.

JOSUA 4:18

Rengpa thuthung bôm irzôntuhai Jordan dung ata an hong suaka, ivadung pang an sirin chu Jordan tui chu a luang nôk zut zut tâka, matona ang dênin ivadung chu a sip nôk tâka.

JOSUA 6:6

Nuna nâipa Josua’n ochaihai chu a koia, “Rengpa Thuthung Bôm chu irzôn unglân, ochai sari, bekul chôi chitin malam hruaihai sianlân, zuihai roi,” a tia.