JOSUA 8:31 - PATHIAN LEKHABU IRTHIANG C.L. Bible (BSI)

³¹ Rengpa siahlo Mosia’n Israelhai kuanga thu a ipêk, Mosia Dân bua irziak angin lung thîr leh siam irfûk ni loiin maichâm an siama. Rengpa kuang hâlirvôm thilinhlan le irpôlkhômna thilinhlan an inhlana.

JOSUA 8:31 ပူးပေါင်းရင်းမြစ်များ

2 RÊNGHAI 14:6

An nâihai chu thathai ma; Mosia dân bua Rengpa thupêk, “Nâihai chu an pahai sual sika thathai hrang ni ma, an pahai khom nâi sual sikin that hrang ni ma, mi tin mâni sualna sik vaiin kêng that an ini hrang ti kha a izôm a ni.

2 RÊNGHAI 22:8

Ochai inlaltak Hilkia’n a’rziakpuipu Safana kuang, “Tempil sûnga dân lekhabu ki man,” a tia. a pêka, Safana’n a tep inlanga,

2 THURCHI SUINA 25:4

An nâihai chu tônhai maka, Mosia dân bua, Rengpa thu, “Nu le pahai chu an nâihai sualna sikin thathai hrang ni ma, an nâihai khom an pahai sualna sikin thathai hrang ni ma; anni sualna sik vaiin that an ini hrang a ni,” ti kha a izôm a ni.

2 THURCHI SUINA 35:12

Hâlirvôm thilinhlana hmang hrang chu Mosia dân bua a irziak anga inhlan hrangin an sema.

EZRA 6:18

Mosia lekhabua chuang angin Jerusalema Pathian sintho hrangin ochaihai, Levi irchihai chu a pôlin an inomtirhaia.

NEHEMIA 13:1

Kha nî khan chu mipuihai mikuar inhriatin Mosia lekhabu a tepa; hi lai hin Amon mihai, Moab mihai chu Pathian mihai inkhômnaa khan itiklai khomin an iom thei hrang ni mah ti a chuanga.

FESUAKNA 18:12

Khanchu Jethroa khan thil inhlanin, a pum kai hâlirvôm le irbôlna hrang danghai a hong chôia. Arona le Israel hruaituhai murdi kha Mosia tarpu kuanga khan Pathian makunga bai fa hrangin an fe.

FESUAKNA 24:5

Khan, Israel irchi ruathartehai chu a tîra, Rengpa kuang hâlirvôm thilinhlan an inhlana, irngeina thilinhlan hrangin sehrâtchalin an irbôl saa.

MATHAIA 12:26

Setana khom Setana an hnot suakin chu mâni irdoi ni a ta, a ram chu itin mo a ingîr suak thei hrang?

DÂN INHNINA 27:2

Jordan dung nin irkâna, Rengpa nin Pathianin ram nangni a ipêk nin va lût tika chu lungphêk lian tak tak phun roi; chinaiin inmâi innâm unglân;

DÂN INHNINA 27:8

Lung phuna khan hi Dân thuhai hi nin irziak hrang a ni.

JOSUA 1:8

Itiklai khomin ki dân bu sûnga thu irziakhai hi tep irnghil no ro, ni zôm zit theina hrangin a sûn a zânin irchu ngai ro; khanchu lam tinrênga hmangchangin hlochuk zêl ni ti.