JOSUA 8:29 - PATHIAN LEKHABU IRTHIANG C.L. Bible (BSI)

²⁹ Josua’n Ai khuaa rêng chu khohloi dênin thinga an khâi thata, misa a tâkin chu Josua thupêk angin a ruak chu an kaisuma, khua kul mikot sîra khan an paia, lungin a ruak kha an irkhua, atûn ten hin kha kha a la om.

JOSUA 8:29 ပူးပေါင်းရင်းမြစ်များ

2 SAMUELA 18:17

Absaloma ruak kha an lâka, rampui hnuaia rôl inthûk taka khan an pai tâka, a chunga lung leh an irkhûa, Israelhai kha mâni in senga an pan ta.

ESTHERI 7:10

Khanchu, rêngin, ‘Khataka khan inkhâi that roi,’ a tia. Mordekaia inkhâi thatna hranga a isiama khan, Hamana chu an inkhâi that tâka, rêng ningmur chu a hong boi tâka.

INPÂKNA HLAHAI 107:40

Ama khan mi lianhai chunga hmusitna a bunpai ngaia, Ramchâr, lampui rêng rêng om loinaa khan a’rvâk a’rvâktira.

INPÂKNA HLAHAI 110:5

Rengpa chu ni kut chang tiang a oma; A ninginmur tika chu rêng murdi sât chêl chûl a ti.

JOHANA 19:31

Judahai irtûng ni a nia, ruakhai kha Sabat nia Krosa a om mai nona hrangin, kha Sabat kha nikho roiinpui a nia, Judahai khan mi hembehai ke inkhiakhaia, an ruakhai insum hrangin Pilata kuang an ngêna.

TÎRTÔNHAI SINTHO 12:23

Ama khan Pathian kuang roiinpuina a pêk no sikin Rengpa vântîrtônin voikhat rengin a chela, rûlrukûtin a fâka, a thi ta.

JOSUA 10:30

khanchu Rengpa’n kha khua kha an lalna leh Israelhai kuta a pêk nôka, khan kha khua kha doiin a sûnga om murdihai chu khandaiin a thathai vinga; a sûnga mi inkhat khom insua viat ma, khanchu Jeriko khuaa rêng chunga a itho ang khan kha mi rêng chunga khom a thoa.

JOSUA 10:33

Gezer khuaa rêng Horama chu Lakis khua changpui hrangin a zuanga, Josua’n ama chu a sipaihai leh a lei inhnêa, inkhat lua irhmâiloiin a lei that zita.

JOSUA 12:9

Israelhaiin rênghai an inhnêna khuahai chu hi hi an ni: Jeriko khua rêng, bethel khua kôla Ai khua rêng,

JOSUA 7:26

Lungin an dêng mur mura, Rengpa ningmur chu a dâi tâka. A vuan sûn ten hin kha irhôr kha Akor irhôr ti a la ni mai.

JOSUA 8:23

Ai khuaa rêng kha chu a hringin an chela, Josua kuanga an hong hruaia.